20-Jan-2021

ପାଟଣାଗଡ଼ (ଗୋରେଖନାଥ ବରିହା) ପାଟଣାଗଡ଼ ଉପଖଣ୍ଡ ସ୍ତରୀୟ ସାଧାରଣତନ୍ତ୍ର ଦିବସ ପାଳନ ପାଇଁ ପ୍ରଶାସନ ପକ୍ଷରୁ ବୁଧବାର  ଉପଜିଲ୍ଲାପାଳ କାର୍ଯ୍ୟାଳୟ ପ୍ରକୋଷ୍ଠ ରେ  ଉପଜିଲ୍ଲାପାଳ ସୋମନାଥ ପ୍ରଧାନ ଙ୍କ ଅଧ୍ୟକ୍ଷତାରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ସରକାର କୋଭିଡ କଟକଣା କୁ ଦୃଷ୍ଟିରେ ରଖି ଏଥିର ଏହି କାର୍ଯ୍ୟକ୍ରମ ରେ ଅଳ୍ପ ସଂଖ୍ୟକ ଅଧିକାରୀ ତଥା ନିମନ୍ତ୍ରିତ ଅତିଥି ସାମିଲ କରାଯାଇ  ନିରାଡମ୍ବର ଭାବରେ ପାଳନ କରାଯିବାକୁ ନିଷ୍ପତ୍ତି ହୋଇଛି । ଏହି ବୈଠକରେ ପୂର୍ବ ବର୍ଷ ଭଳି ଯେମିତି ପାଳନ କରାଯାଉଥିଲା ଚଳିତ ବର୍ଷ ଏଥିରୁ କେତେକ କାର୍ଯ୍ୟକ୍ରମ ତଥା ପ୍ୟାରେଡ କୁ ବାଦ  ଦିଆଯାଇଛି ।  ଅନୁଷ୍ଠିତ ନିରାଡମ୍ବର ସମାରୋହରେ ଡାକ୍ତର , ଷ୍ଟାଫ୍ ନର୍ସ , ସ୍ବାସ୍ଥ୍ୟ କର୍ମୀ , ଆଶା କର୍ମୀ, ଅଙ୍ଗନୱାଡି କର୍ମୀ,ପରିମଳ କର୍ମଚାରୀ , ଗଣମାଧ୍ୟମ ପ୍ରତିନିଧି ,କରୋନା ଯୋଦ୍ଧା  ସମେତ ନିମନ୍ତ୍ରଣ ଅତିଥି ଙ୍କ ଉପସ୍ଥିତି ରେ ଅନୁଷ୍ଠିତ ହେବା । ସମସ୍ତେ ମାସ୍କ ପିନ୍ଧି ସାମାଜିକ ଦୂରତା କୁ ଗୁରୁତ୍ଵ ଦେବା ସହ ସାନିଟାନିଜର ବ୍ୟବହାର କରିବାକୁ ଅନୁରୋଧ କରାଯାଇଥିଲା । । ଏହି ଉପଲକ୍ଷେ ସକାଳ ଘ ୭.୩୦ରୁ ୭.୫୦. ମଧ୍ୟ ରେ ଅନୁଷ୍ଠିତ ହେବ । ପାଟଣାଗଡ଼ ସ୍ଥିତ ମହାପୁରୁଷଙ୍କ ପ୍ରତିମୂର୍ତ୍ତି ରେ ପୁଷ୍ପ ମାଲ୍ୟାର୍ପଣ କରାଯିବ ବୋଲି ନିଷ୍ପତ୍ତି ହୋଇଛି । ସରକାରୀ ବେସରକାରୀ ଅନୁଷ୍ଠାନ ମାନଙ୍କରେ ସକାଳ ଘ ୮.ରେ ଜାତୀୟ ପତାକା ଉତ୍ତୋଳନ କରାଯିବ । ଉପଖଣ୍ଡ ସ୍ତରୀୟ ସସାଧାରଣତନ୍ତ୍ର ଦିବସରେ ଉପଜିଲ୍ଲାପାଳ ସୋମନାଥ ପ୍ରଧାନ ମୂଖ୍ୟ ଅତିଥି ଭାବେ ଯୋଗଦେଇ ପୋଲିସ ବାହିନୀର ଅଭିବାଦନ ଗ୍ରହଣ କରିବାର କାର୍ଯ୍ୟକ୍ରମ ରହିଛି । ଏହି ବୈଠକରେ ଏସଡିପିଓ ସୁରେଶ କୁମାର ନାୟକ , କାର୍ଯ୍ୟ ନିର୍ବାହ ଅଧିକାରୀଏନ୍ ଏ ସି ସୁକାନ୍ତ ଚନ୍ଦ୍ର ବେହେରା ,ସୁପରିଟେଣ୍ଡେଟ ମେଡିକାଲ ଅଫିସର ଙ୍କ ମ୍ୟାନେଜର ମେଡିକାଲ ଘନଶ୍ୟାମ ତ୍ରିପାଠୀ ,ଟ୍ରେଜରୀ ହାବିଲଦାର ଧନେଶ୍ଵର ପଟେଲ ,ସେକସନ ଅଫିସର ବିଭୁତି ଭୁଷଣ ଅଗସ୍ତି ,ନାଜିର ଯଶୋବନ୍ତ କୁମ୍ଭାର , ଙ୍କ ସମେତ ବିଭିନ୍ନ ବିଭାଗର ଅଧିକାରୀ , ଗଣମାଧ୍ୟମ ପ୍ରତିନିଧି ମାନେ ଉପସ୍ଥିତ ରହି ମତାମତ ଦେଇଥିଲେ । ଉପଖଣ୍ଡ ସୂଚନା ଓ ଲୋକସମ୍ପର୍କ ଅଧିକାରୀ ରୀତା କାନ୍ତି ବଲିୟାରସିଂହ ସ୍ବାଗତ ଭାଷଣ ଓ ସଭା ପରିଚାଳନା କରିଥିଲେ । ଉପଜିଲ୍ଲାପାଳ ଶ୍ରୀ ପ୍ରଧାନ  ୭୨ ତମ ଉପଖଣ୍ଡ ସ୍ତରୀୟ ସାଧାରଣତନ୍ତ୍ର ଦିବସ କୁ ସଫଳ କରିବାକୁ ସମସ୍ତ ଙ୍କ ସହଯୋଗ କାମନା କରିବା ସହ ଧନ୍ୟବାଦ ଅର୍ପଣ କରିଥିଲେ ।