23-Apr-2025

ଝରଣିପାଲି ତା,୨୩/୪: ଆଗଲପୁର ବ୍ଲକ ଅନ୍ତର୍ଗତ ଲରମ୍ଭାମୁଣ୍ଡା ଗ୍ରାମର ଉଚ୍ଚ ପ୍ରାଥମିକ ବିଦ୍ୟାଳୟ ର ଆଦର୍ଶ  ଶିକ୍ଷକଶ୍ରୀ କୋଦଣ୍ଡ ବିଶ୍ୱାଳ ଙ୍କ ସମ୍ମାନ ଉଦ୍ଦେଶ୍ୟରେ ଝରଣିପାଲି ଉ.ପ୍ରା. ବିଦ୍ୟାଳୟ ଠାରେ  ଏକ ଅବସର କାଳୀନ ସମ୍ବର୍ଦ୍ଧନା ସଭା ଆୟୋଜିତ ହୋଇଯାଇଛି। ଝରଣିପାଲି କ୍ଲଷ୍ଟର ଅନ୍ତର୍ଗତ ପଣ୍ଡକିଟାଲ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ କେଶବ ଚନ୍ଦ୍ର ଭୋଇ ଙ୍କ   ସଭାପତିତ୍ୱରେ ଅନୁଷ୍ଠିତ ହୋଇଥିବା ସଭା ରେ ମିଳିତ ଶିକ୍ଷକ ସଂଘ ସଭାପତି ଜୟରାମ ଧଳ  ସମ୍ମାନିତ ଅତିଥି , ପ୍ରାଥମିକ ଶିକ୍ଷକ ସଂଘ ସଭାପତି ଦୂର୍ଯୋଧନ ପଶାୟତ- ମୁଖ୍ୟବକ୍ତା,ଶିକ୍ଷକ ସଂଘ ସଂପାଦକ ଦିଲ୍ଲୀପ ବେହେରା, ଆଗଲପୁର ଏକ୍ସ-କ୍ୟାଡ଼ର     ସଭାପତି ମୁରଲୀ ପଧାନ  ସମ୍ମାନିତ ଅତିଥି ଭାବରେ ଯୋଗଦେଇ ଥିଲେ ବିଦାୟୀ ଶିକ୍ଷକ ଶ୍ରୀବିଶ୍ୱାଳ ଙ୍କ ଶିକ୍ଷକତା ଜୀବନର ଅନୁଭୂତି ଓ ସଫଳତା ବିଷୟରେ  କ୍ଲଷ୍ଟର ଶିକ୍ଷକ ଓ ଅତିଥି ବୃନ୍ଦ ମତବ୍ୟକ୍ତ କରିଥିଲେ। ଶ୍ରୀ କୋଦଣ୍ଡ ବିଶ୍ୱାଳ ତାଙ୍କ ଦୀର୍ଘ ଶିକ୍ଷକତା ଜୀବନର ଯାତ୍ରା ବିଷୟରେ ଆବେଗ ଭରା କାହାଣୀ ବ୍ୟାଖ୍ୟା କରି ସମସ୍ତ ସହଯୋଗୀ ଶିକ୍ଷକ ଓ ଶିକ୍ଷା କର୍ମୀ ମାନଙ୍କୁ ସହଯୋଗ ନିମନ୍ତେ କୃତଜ୍ଞତା ଜ୍ଞାପନ କରିଥିଲେ। ଝରଣିପାଲି କ୍ଲଷ୍ଟର ର ସି ଆର ସି ସି ଶ୍ରୀ ଅନିରୁଦ୍ଧ ଭୋଇ ସଭାକାର୍ଯ୍ୟ ସଂଯୋଜନା କରିଥିଲେ। ପରେ ଝରଣିପାଲି କ୍ଲଷ୍ଟର ର ଶିକ୍ଷକ ଶିକ୍ଷୟିତ୍ରୀ ଓ ଅତିଥି ବୃନ୍ଦ ବିଦାୟୀ ଶିକ୍ଷକ ଶ୍ରୀ ବିଶ୍ୱାଳ ଙ୍କୁ ପୁଷ୍ପଗୁଚ୍ଛ ଓ ଉପଢୌକନ ଦେଇ ସମ୍ମାନିତ କରିଥିଲେ।

ଏହି କାର୍ଯ୍ୟକ୍ରମ ର ସଫଳ ସମ୍ପାଦନ ପାଇଁ ବରିଷ୍ଠ ଶିକ୍ଷକ ଶ୍ରୀ ପ୍ରମୋଦ କୁମାର ସାହୁ,ଦୟାନିଧି ସାହୁ, ପ୍ରଶାନ୍ତ ପଧାନ ରଞ୍ଜନ କୁମାର ସାହୁ, ପ୍ରକାଶ ଚନ୍ଦ୍ର ତ୍ରିପାଠୀ ତଥା ଝରଣିପାଲି କ୍ଲଷ୍ଟର ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗ ଓ ଯୋଗଦାନ କରିଥିଲେ। ପରିଶେଷରେ ଆଡେନଡୁଙ୍ଗୁରି ବିଦ୍ୟାଳୟର ପ୍ରଧାନ ଶିକ୍ଷକ ଚିତ୍ତରଞ୍ଜନ ଭୋଇ ଧନ୍ୟବାଦ ଅର୍ପଣ କରିଥିଲେ।