21-Apr-2025

ଅମ୍ବାଭୋନା (ପ୍ରକାଶ ଚନ୍ଦ୍ର ରଥ)ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅଧିନସ୍ଥ ଭୈନାତୋରା ଗ୍ରାମରେ ଏକ ଡମ୍ଫର ବୁଲାଣି ରାସ୍ତାରେ ଗଛ ରେ ପିଟି ହୋଇ  ଦୁର୍ଘଟଣା ହୋଇଛି। ସୂଚନା ଥାଉ କି ଛତିଶଗଡ଼ ରାଜ୍ୟ କନ୍ଦାଗଡ଼ ରୁ ଚିଖିଲି ବ୍ରିଜ ଦେଇ ସମ୍ବଲପୁର ଅଭିମୁଖେ ଖାଲି ଗାଡ଼ିରେ ଯାଉଥିବା ବେଳେ ଭୈନାତୋରା ଗ୍ରାମରେ ଏକ ବୁଲାଣି ରାସ୍ତାରେ ବ୍ରେକ ଫେଲ ହୋଇ ଗଛ ରେ ପିଟି ହୋଇଛି ଏକ ଡମ୍ଫର ଯାହାର ନମ୍ବର ଓଡି ୧୫ ପି ୬୮୨୯ ଅଟେ। ଉକ୍ତ ଡମ୍ଫର ଗାଡ଼ିରେ ଡ୍ରାଇଭର ର ଗୋଡ଼ ଦୁଇ ଘଣ୍ଟା ଉପରେ ହେବ ଫସି ରହିଥିଲା।ଏକ ଇଲେକ୍ଟ୍ରି ଖମ୍ବ ସହିତ ଧକ୍କା ଦେବାରୁ ଖମ୍ବ ଟି ଭାଙ୍ଗି ଯାଇଛି, ଗାଡ଼ିର ସାମ୍ନାରେ ଗଛ ସହିତ ଜୋର ରେ ଧକ୍କା ହେବାରୁ ଡ୍ରାଇଭର ଙ୍କ ଗୋଡ଼ ଫସି ରହିଛି।

ତୁରନ୍ତ ଖବର ପାଇବା ମାତ୍ରେ ଅମ୍ବାଭୋନା ଅଗ୍ନିଶମ ବାହିନୀ ଓ ଅମ୍ବାଭୋନା ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରୀ ରଖିଥିଲେ ।ଉକ୍ତ ଡମ୍ଫର କୁ ଜେ ସି ବି ସାହାଯ୍ୟରେ ଉଦ୍ଧାର କରାଯାଇଥିଲା। ଘଟଣା ସ୍ଥଳ ରେ ଆମ୍ବୁଲାନ୍ସ ରହିଥିଲା ଦୀର୍ଘ ୫ ଘଣ୍ଟା କାଳ ଫସିରହିଥିଲା ଉକ୍ତ ଗାଡ଼ି ର ଡ୍ରାଇଭର ୫ ଘଣ୍ଟା ପରେ ଉଦ୍ଧାର କାର୍ଯ୍ୟ ସଫଳ ହୋଇଥିଲା। ଅଗ୍ନିଶମ ବାହିନୀ ଓ ପୋଲିସ ଦ୍ୱାରା ନିକଟସ୍ଥ ଭୁକ୍ତା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ନେଇ ଚିକତ୍ସା କରାଯାଇଥିଲା ସେଠାରେ ଡାକ୍ତର ପ୍ରାଥମିକ ଚିକତ୍ସା କରି ବରଗଡ ମୁଖ୍ୟ ଚିକତ୍ସାଳୟ କୁ ସ୍ଥାନାନ୍ତର କରିଥିଲେ।ଉକ୍ତ ଡ୍ରାଇଭର ଙ୍କ ଗୋଡ଼ ଭାଙ୍ଗିଥିବା ସୂଚନା ରହିଛି ଓ ଡ୍ରାଇଭର ଜଣଙ୍କ ସମ୍ବଲପୁର ଜୁଯୁମୁରା ର ବୁଦ୍ଧଦେବ କୁମୁରା( ୩୨)ବୋଲି ଜଣା ପଡିଛି।