20-Apr-2025

କୋର୍ଟ ଚାଲାଣ, ଚୋରି ସାମଗ୍ରୀ ଉଦ୍ଧାର

ଅତାବିରା(ଆକାଶ ମିଶ୍ର)  ଅତାବିରା ଅଞ୍ଚଳର ବିଭିନ୍ନ ସ୍ଥାନରେ  ହୋଇଥିବା  ଚୋରି ଘଟଣା କୁ କେନ୍ଦ୍ର କରି ପୋଲିସ ଚୋର କୁ ଧରିବା ପାଇଁ ଜାଲ ବିଛେଇଥିଲା । ଆଜି ସେଇ ଜାଲରେ  ତିନି ଜଣ ଚୋର  ଧରା ପଡ଼ି ଗିରଫ ହୋଇଛନ୍ତି । ଏ ନେଇ ଆଜି ଏକ ପ୍ରେସ ବିବୃତି ହୋଇଥିଲା । ଏଥିରେ ବରଗଡ଼ ଏସ ଡି ପି ଓ ପଦାରବିନ୍ଦ ତ୍ରିପାଠୀ ଓ ଅତାବିରା ଥାନା ଅଧିକାରୀ ପ୍ରକାଶ କୁମାର କର୍ଣ୍ଣ ଙ୍କ ଉପସ୍ଥିତି ରେ   ଦେଇଥିବା ପୋଲିସ ର ସୂଚନା ଅନୁସାରେ  ଗତ  ୯ ତାରିଖରେ ଅତାବିରା ଅନ୍ତର୍ଗତ ଚକୁଳି ଫାର୍ମ କୋଶଳ ସ୍କୁଲ୍ ନିକଟରେ ଥିବା କେ ସାବିତ୍ରୀ ଙ୍କ ଘରେ ହୋଇଥିବା  ଚୋରି  ଘଟଣା କୁ କେନ୍ଦ୍ର କରି  ପୋଲିସ ଚୋର ମାନଙ୍କୁ ଧରିବା ପାଇଁ   ନିରନ୍ତର ପ୍ରୟାସ ଜାରି ରଖିଥିଲା ।ଆଜି ବରଗଡ଼ ରେ  ଏହି ଚୋର ଙ୍କୁ ଧରିବାରେ ପୋଲିସ ସଫଳ ହୋଇଥିଲା । ଚୋର ମାନେ  ହେଲେ ବରଗଡ଼  ପଞ୍ଚାୟତ କଲେଜ୍ ନିକଟସ୍ଥ କୁଲି ବନ୍ଧ ପଡ଼ା ର ରୀଙ୍କୁ ଭୋଇ(୨୫) , ତୋରା  ଗ୍ରାମର କଣ୍ଟା ଟିକ୍ରା ର ସୁଶାନ୍ତ ତାଣ୍ଡି (୩୭),  ବରଗଡ଼ ଟାଉନ ଥାନା ପାଣ୍ଡରି ପଥର ର ଗଙ୍ଗା ହନୁମାନ(୨୫)  । ଏମାନଙ୍କ ଠାରୁ  ୧୦୮ ସେ ମି ର ୩ ଟି  ସାମ୍ ସଂ ଟି ଭି, ଗୋଟିଏ  ଆଇ ଟି ୫୫୦୦ ସଫ କମ୍ପ୍ୟୁଟର ମଲ୍ଟି ମିଡ଼ିଆ ସ୍ପିକର୍ , ପ୍ଲେନ୍ ସ୍ପିକର ଗୋଟିଏ,ଗୋଟିଏ ସଂସଂ ଟାବ୍ଲେଟ , ୪ ଟି ଲାପଟପ୍,୪ ଟି ଦାମିକିଆ ମୋବାଇଲ, ଗୋଟିଏ କାର , ଗୋଟିଏ ସ୍କୁଟି, କେ ସାବିତ୍ରୀ ଙ୍କ ଘରୁ ଚୋରି ହୋଇଥିବା  ସାଢେ଼ ତିନି ଗ୍ରାମ ର ସୁନା  ନାକଫୁଲ, ୧୩ ଖଣ୍ଡ ନୂଆ ଶାଢ଼ୀ, ୪ ଖଣ୍ଡ ଅଣ୍ଡର ୱେର, ୯୨୫ ଗ୍ରାମ ରୂପା ଜବତ ହୋଇଛି ।ଏହା ବ୍ୟତୀତ ଚୋର ମାନଙ୍କ ଠାରୁ ଏହି ଚୋରି ସାମଗ୍ରୀ କୁ   ଗ୍ରହଣ କରୁଥିବା ବରଗଡ଼ ୱାର୍ଡ ନଂ ୪ ର ଜଗନ୍ନାଥ ଦାଶ (୩୭)  ଙ୍କୁ ମଧ୍ୟ ପୋଲିସ  ଗିରଫ କରିଛି । ଏହି ଚୋର ମାନେ ଦୀର୍ଘ ଦିନ ଧରି ଚୋରି ଘଟଣାରେ ଲିପ୍ତ ରହି  ବିଭିନ୍ନ ସ୍ଥାନରୁ ନିତି ଦିନିଆ ଭାବରେ  ଚୋରି କରି ଆସୁଥିଲେ । ଏମାନଙ୍କ ବିରୋଧରେ  କେସ ରୁଜୁ କରି  ତାଙ୍କୁ ଆଜି କୋର୍ଟ ଚାଲାଣ କରାଯାଇଛି ।