16-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା  ବିଜେପୁର ମହାବିଦ୍ୟାଳୟ, ବିଜେପୁର, ଓଡ଼ିଆ ଭାଷା ଓ ସାହିତ୍ୟ ବିଭାଗର ଯୁକ୍ତତିନି ତୃତୀୟ ବର୍ଷ ଶେଷ ପର୍ଯ୍ୟାୟର ଛାତ୍ରଛାତ୍ରୀମାନଙ୍କ ଉଦ୍ଦେଶ୍ୟରେ ବିଦାୟ ସମ୍ବର୍ଦ୍ଧନା ସମାରୋହ ପାଳିତ ହୋଇଯାଇଛି l ବିଜେପୁର ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ପ୍ରଦୀପ କୁମାର ମିଶ୍ର ସାରଙ୍କ ସଭାପତିତ୍ୱରେ ଏ ନିରାଡ଼ମ୍ବର ସହ ବିଦାୟ ଉତ୍ସବ ପାଳିତ ହୋଇଛି l ସଭାର ଆରମ୍ଭରେ ଓଡ଼ିଆ ଭାଷା ଓ ସାହିତ୍ୟ ବିଭାଗର ଅଧ୍ୟାପକ-ଅଧ୍ୟାପିକା ମା ସରସ୍ବତୀଙ୍କ ଫୋଟୋଚିତ୍ରରେ ପୁଷ୍ପମାଲ୍ୟ ଓ ପ୍ରଦୀପ ପ୍ରଜ୍ବଳନ କରିବା ସହ ବିଭାଗର ସଞ୍ଚିତା ଥଇତ, ମନୀଷା ସାହା, ଇନ୍ଦୁମତୀ ପଧାନ ପ୍ରମୁଖ ବିଦାୟ ସଂଗୀତ ଗାନ କରିଥିଲେ l ଅଧ୍ୟକ୍ଷ ଶ୍ରୀ ମିଶ୍ର ଛାତ୍ରଛାତ୍ରୀମାନଙ୍କୁ ଉତ୍ତମ ମଣିଷ କରିବା କ୍ଷେତ୍ରରେ ଅନୁଷ୍ଠାନିକ ଶିକ୍ଷାର ଭୂମିକାକୁ ଅଭିବ୍ୟକ୍ତି ଛଳରେ ପ୍ରକାଶ କରିଥିବା ବେଳେ ସଂସ୍କୃତ ବିଭାଗ ପ୍ରାଧ୍ୟାପକ ମହେନ୍ଦ୍ର ପଧାନ ଶୃଙ୍ଖଳିତ ଜୀବନ ଧାରା ହିଁ ମଣିଷକୁ ଆଗକୁ ନିଏ ବୋଲି ବକ୍ତବ୍ୟ ରଖିଥିଲେ l ବିଭାଗର ମୁଖ୍ୟ ଶ୍ରୀଯୁକ୍ତ ସରୋଜ କୁମାର ପାଣିଗ୍ରାହୀ ନିଜ ଜୀବନର ଅନୁଭୂତିକୁ ବଖାଣିଥିଲେ l 
ବିଭାଗର ତରୁଣ ଅଧ୍ୟାପକ ଡକ୍ଟର ଦିନେଶ ଅଗ୍ରୱାଲା ଶିକ୍ଷା ଜୀବନରେ ପାଠ୍ୟପୁସ୍ତକର ଭୂମିକାକୁ ଆଲୋଚନା କରି ସ୍ୱରଚିତ କଳ୍ପିତା ପୁସ୍ତକର ହିନ୍ଦୀ ଅନୁବାଦ ତୃତୀୟ ବର୍ଷର ପ୍ରତ୍ୟେକ ଛାତ୍ରଛାତ୍ରୀମାନଙ୍କୁ ଉପହାର ସ୍ୱରୂପ ପ୍ରଦାନ କରିଥିଲେ l ଯାହା ବିଜେପୁର ମହାବିଦ୍ୟାଳୟ ପାଇଁ ଏକ ନୂଆ ପରମ୍ପରା ସୃଷ୍ଟି କରିଛି l ଅଧ୍ୟାପିକା ସ୍ଵାଗତିକା ଗଡତିଆ ଉଜ୍ଜ୍ୱଳ ଭବିଷ୍ୟତର କାମନା କରିଥିଲେ l 
ସଭାର ପରିଚାଳନା କରୁଥିଲେ ଦ୍ଵିତୀୟ ବର୍ଷର ଛାତ୍ର ପ୍ରଭାତ ସାହୁ l ଏ ସଭାର ପ୍ରତ୍ୟେକ କାର୍ଯ୍ୟରେ ପ୍ରଥମ ବର୍ଷର ମିଳନ ଦେହେରୀ, ସମୀର ପଧାନ, ପିଙ୍କି ଗଡତିଆ ପ୍ରତ୍ୟୁଷ କୁମାର ଦାସ, ପୂଜା ସେଠ, ଇନ୍ଦୁମତୀ ପଧାନ, ଝରଣା ମେହେର ଦ୍ଵିତୀୟ ବର୍ଷର ପ୍ରଭାତ ସାହୁ, ମାନସ ତାଣ୍ଡି, ରିମଝିମ ଗଡତିଆ, ସୀମା ମେହେର, ମନୋଜ ବରିହା, ଲିଜା ପଧାନ, ଶୁଭମ ମୁଖି ଆଦି ଛାତ୍ରଛାତ୍ରୀ ସାହାଯ୍ୟ ସହଯୋଗ କରିଥିଲେ l ପରିଶେଷରେ ମାନସ ତାଣ୍ଡି ଧନ୍ୟବାଦ ଜ୍ଞାପନ କରିଥିଲେ l