14-Apr-2025

ରାୟଗଡା(ସୁପ୍ରିୟା ଷଡଙ୍ଗୀ): ଗତ ରବିବାର ଦିନ  ସ୍ଥାନୀୟ ସ୍ବାଗତ ହଟେଲ ଠାରେ ନିଖିଳ ଓଡ଼ିଶା ମଧ୍ଯାହ୍ନ ଭୋଜନ ପାଚକ ପାଚିକା ରାଜ୍ଯ ସଂଘ ଶାଖା ରାୟଗଡ଼ା ଜିଲ୍ଲାର କର୍ମକର୍ତ୍ତା ବୈଠକ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ମୂଖ୍ଯ ଅତିଥି ରୂପେ ଶ୍ରୀ ମୋତି ଦିପାଂଜଳୀ ୟାଦବ ରାଜ୍ଯ ସାଧାରଣ ସମ୍ପାଦିକା ଯୋଗ ଦେଇଥିବା ବେଳେ ରାଜ୍ଯ ମୂଖ୍ଯ ସଂଯୋଜକ ନିରଂଜନ ପାତ୍ର ମୂଖ୍ଯ ବକ୍ତା ରୂପେ ଯୋଗ

ଦେଇଥିଲେ। ଶ୍ରୀ ମୋତି ସଂଯୁକ୍ତା ବିଷଇ ଅନ୍ୟତମ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ। ଉପଦେଷ୍ଟା ଅନନ୍ତ ପାଢୀ ମଧ୍ଯ ଅନ୍ୟତମ ଅତିଥି ରୂପେ ଯୋଗ ଦେଇଥିଲେ। ଉକ୍ତ ସଭା ରେ କୋଲନରା, ରାୟଗଡ଼ା, କଲ୍ଯାଣ ସିଂହପୁର, କାଶୀପୁର, ବିଷମକଟକ, ମୁନିଗୁଡା, ଚନ୍ଦ୍ର ପୁର ବ୍ଳକରୁ ପ୍ରମୂଖ କାର୍ଯ୍ୟକର୍ତ୍ତା ମାନେ ଉପସ୍ଥିତ ରହି ପାଚିକା ମାଁ ମାନଙ୍କ ସମସ୍ଯା ତଥା ୧୦ ଦପାଂ ସମ୍ବଳିତ ଦାବୀ ଉପରେ ଆଲୋଚନା କରିବା ସହିତ ଏପ୍ରିଲ ୧ , ୨୦୨୫ ଏକହଜାର ଟଙ୍କା ସରକାର ବଡେଇ ଥିବା ରୁ ଧନ୍ଯବାଦ ଦେବା ସହିତ ସମୁଦ୍ରକୁ ଶଙ୍ଖେ ଭଳି ସରକାର ଦେଇଛନ୍ତି ବୋଲି ମତପ୍ରକାଶ ପାଇଥିଲା। ଆଜି ମହିଳା ଓ ଶିଶୁ ବିକାଶ ବିଭାଗ ର ପାଚିକା ମାଁ ମାନେ ୫୨୫୦ ଟାଙ୍କା

ପାଉଥିବା ବେଳେ ପିଏମ୍ ପୋଷଣ ଯୋଜନା ରେ କାର୍ଯ୍ଯ କରୁଥିବା ପାଚିକା ମାଁ ମାନଙ୍କ ପ୍ରତି ଡ଼ବଲ୍ ଇଂଜିନ୍ ସରକାର ସମ୍ପୂର୍ଣ୍ଣ ଅଣଦେଖା କରୁଥିବା ରୁ ଉକ୍ତ ସଭା ରେ ଗଭୀର ଦୁଖ ପ୍ରକାଶ କରାଯାଇଥିଲା। ତତ୍ ସଂଗେସଂଗେ ପରିଚୟ ପତ୍ର, ନିଯୁକ୍ତି ପତ୍ର, ଦୈନିକ ମଜୁରୀ, ୧୦ ମାସ ବଦଳ ରେ ୧୨ ମାସ ର ଦରମା ପ୍ରଦାନ ଇତ୍ୟାଦି ୧୦ ଦଫା ସମ୍ବଳିତ ଦାବୀ ପୁରଣ କରିବା ପାଇଁ ସରକାରଙ୍କୁ ଅନୁରୋଧ କରାଯାଇଥିଲା। ରାୟଗଡ଼ା ଜିଲ୍ଲାର ପାଚିକା ମାଁ ମାନଙ୍କୁ ତ୍ରୁଣମୂଳ ସ୍ତରରେ ସଂଘଟିତ ହେବ ପାଇଁ ଆହ୍ବାନ ଦିଆଯାଇଥିଲା। ଉକ୍ତ ସଭା ରେ ଗୌରୀ ବିଶ୍ବାଳ, ହେମଲତା ସିଂହ, ସଜନାବତୀ ରତ୍ନାଲୁ, ପିଙ୍କି କାଡ୍ରାକା, ଡି ଗଡବା, ମମିତା କୁଡ଼ୁମ୍ବାକା, ଶାନ୍ତି କୁଟ୍ରୁକା ଏବଂ ୟେଦୁ ଚିନ୍ନାମା ପ୍ରମୁଖ ଯୋଗ ଦେଇଥିଲେ।