03-Apr-2025

ଆଗଲପୁର, (ବିନୋଦ ଦୀପ) ଡୁଡୁକା ସରକାରୀ  ପ୍ରାଥମିକ ବିଦ୍ୟାଳୟ ପରିସରରେ ବ୍ଳକ ସ୍ତରିୟ ପ୍ରବେସ ଉତ୍ସବ ସହ ଶିକ୍ଷା ସଚେତନା ରଥ ପରିକ୍ରମା ଶୁଭାରମ୍ଭ ହୋଇଯାଇଛି। ଗୋଷ୍ଠୀ ଶିକ୍ଷା ଅଧିକାରୀ ଶ୍ୟାମ ମେହେର ଙ୍କ ସଭାପତିତ୍ବରେ ପ୍ରବେଶ ଓ ଖଡ଼ିଛୁଆ ଉତ୍ସବ ପାଳିତ ହୋଇଥିଲା l ଏ.ବି.ଡି.ଓ. ରଜନୀକାନ୍ତ ସାହୁ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଶତାଧିକ ଛାତ୍ରଛାତ୍ରୀ , ଅଭିଭାବକ ଓ ଅଭିଭାବିକା ତଥା ଶିକ୍ଷକ ଶିକ୍ଷୟତ୍ରୀ ଏଥିରେ ଯୋଗଦାନ କରିଥିଲେ । ଉତ୍ସବରେ ୫ବର୍ଷରୁ ୬ବର୍ଷ ବୟସର ଶିଶୁମାନଙ୍କୁ ଚକଖଡ଼ି ଧରା ପର୍ବ ପାଳିତ ହେବାସହ ଅତିଥିମାନେ ବିଦ୍ୟାଳୟରେ ନାମ ଲେଖାଇବାର ଶୁଭାରମ୍ଭ କରିଥିଲେ । ସାକ୍ଷରତା ଷ୍ଟଲ୍ , ସଂଖ୍ୟାଜ୍ଞାନ ଷ୍ଟଲ୍ ତଥା ସୃଜନାତ୍ମକ ଷ୍ଟଲ୍ ର ମଧ୍ୟ ବ୍ୟବସ୍ଥା କରାଯାଇଥିଲା । ଅତିଥି, ଅଭିଭାବକ ତଥା ଉପସ୍ଥିତ ମାନ୍ୟଗଣ୍ୟ ବ୍ୟକ୍ତିମାନେ ଏହି ଷ୍ଟଲ୍ ଗୁଡ଼ିକୁ ଅବଲୋକନ କରିଥିଲେ l ଏହି ଅବସରରେ ଅତିଥିମାନେ ପତାକା ପ୍ରଦର୍ଶନ କରି ଶିକ୍ଷା ସଚେତନତା ରଥ ଗଡିବାର ସବୁଜ ସଙ୍କେତ ଦେଇଥିଲେ । ଏହି ରଥ ତିନି ଦିନ ଧରି ସମସ୍ତ ପଞ୍ଚାୟତ ରେ ଥିବା ସମସ୍ତ ବିଦ୍ୟାଳୟ କୁ ଯିବ ବୋଲି ଗୋଷ୍ଠୀ ଶିକ୍ଷା ଅଧିକାରୀ ସୂଚନା ଦେଇଛନ୍ତି l