03-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ ଆହ୍ୱାନକ୍ରମେ ଏପ୍ରିଲ ୧, ଓଡ଼ିଶା ଦିବସରୁ ଏପ୍ରିଲ ୧୪, ଓଡ଼ିଆ ନବବର୍ଷ ଯାଏଁ ପ୍ରଥମଥର କରି ପାଳନ ହେଉଥିବା ‘ଓଡ଼ିଆ ପକ୍ଷ-୨୦୨୫’ର ତୃତୀୟ ଦିବସକୁ ପାରମ୍ପରିକ ପୋଷାକ ପରିଧାନ ଦିବସ ରୂପେ ପାଳିତ ହୋଇଛି । ଏହି ଅବସରରେ ଆମ ସ୍ୱାଭିମାନ ଓ ପରିଚୟ ବହନ କରୁଥିବା ସ୍ବଦେଶୀ ପାରମ୍ପରିକ ପୋଷାକର ପ୍ରଚାର ପ୍ରସାର ନିମନ୍ତେ ବରଗଡ ଜିଲ୍ଲାର ସମସ୍ତ ସରକାରୀ କର୍ମଚାରୀ ଆମ ଅଞ୍ଚଳର ସମାଲପୁରୀ ପାରମ୍ପରିକ ପୋଷାକ ପରିଧାନ କରି ନିଜ ନିଜର କର୍ମକ୍ଷେତ୍ରକୁ ଓହ୍ଲାଇବା ସହ ନିଜ ମୋବାଇଲରେ ସେଲ୍ଫି ନେଇ ସୋସିଆଲ ମିଡ଼ିଆରେ ପୋଷ୍ଟ କରିଥିଲେ  ଏବଂ ହସ୍ତତନ୍ତ ପୋଷକ ପରିଧାନକୁ ଅଭ୍ୟାସରେ ପରିଣତ କରି ଆମ ବୁଣାକାର ଏବଂ ଗ୍ରାମ୍ୟ ଅର୍ଥନୀତିକୁ ଆହୁରି ସଶକ୍ତ କରିବା ସହ ସମୃଦ୍ଧ ଓଡ଼ିଶା ଗଠନରେ ଅଂଶୀଦାର ହେବାପାଇଁ ନିବେଦନ କରିଛନ୍ତି ।

ଏହିକ୍ରମରେ ହସ୍ତତନ୍ତ ପୋଷକ ପରିଧାନକୁ ଅଧିକ ଆଦୃତ କରିବା ସହ ପ୍ରଚାର ପ୍ରସାର କରିବା ପାଇଁ ସ୍ଥାନୀୟ ଟାଉନ ହଲ ଠାରେ ଉଚ୍ଚ ବିଦ୍ୟାଳୟ ଏବଂ ମହାବିଦ୍ୟାଳୟ ଛାତ୍ରଛାତ୍ରୀଙ୍କ ମଧ୍ୟରେ ଏକ ପୋଷାକ ପରିଧାନ (ଫ୍ୟାନ୍ସି ଡ୍ରେସ୍) ପ୍ରତିଯୋଗିତା ଆୟୋଜିତ ହେବା ପରେ ଜିଲ୍ଲାର ସମସ୍ତ ବୁଣାକାରମାନଙ୍କୁ ନେଇ ଏକ ଆଲୋଚୋନ ଚକ୍ର ଆୟୋଜିତ କରିବା ସହ ସେମାନଙ୍କୁ ଉତ୍ସାହିତ କରିବା ପାଇଁ ଜିଲ୍ଲା ପ୍ରଶାସନ ଦ୍ଵାରା ସମ୍ବର୍ଦ୍ଧିତ କରାଯାଇଛି । 
ହସ୍ତତନ୍ତ ତଥା ବୟନ ଶିଳ୍ପ ବିଭାଗ ଏବଂ ଶିକ୍ଷା ବିଭାଗ ଆନୁକୁଲ୍ଯରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ଜିଲ୍ଲାର ବିଭିନ୍ନ ବିଦ୍ୟାଳୟ ଏବଂ ମହାବିଦ୍ୟାଳୟ ଛାତ୍ରଛାତ୍ରୀ ପୋଷାକ ପରିଧାନ ପ୍ରତିଯୋଗିତାରେ ଭାଗ ନେଇଥିବା ବେଳେ ଜିଲ୍ଲାର ୧୫ ଜଣ ସନ୍ଥ କବି ପୁରଷ୍କାର ପ୍ରାପ୍ତ ବୁଣାକାରଙ୍କୁ ସମ୍ମାନିତ କରଯାଇଥିଲା । ସେମାନେ ହେଲେ ବରପାଲିର ଡ ସୁରେନ୍ଦ୍ର ମେହେର, ଶ୍ରୀ କ୍ଷେତ୍ର ମୋହନ ମେହେର, ଭିକାରି ମେହେର, ଦୟାଳୁ ମେହେର, ଶ୍ରୀମତୀ କଳାବତୀ ମେହେର, ସ୍ବରନାଲଟ ମେହେର, ମକରଧ୍ଵଜ ମେହେର, କାପବାରିର ଶ୍ରୀ ମୁରଲୀ ମେହେର, ଭକ୍ତରାଜ ମେହେର, ଦେବକୀ ମେହେର , ସରସରାର ରୁଷଭ ମେହେର, ଚିଚିଣ୍ଡାର ହରେକୃଷ୍ଣ ମେହେର, କଟପାଲିର ଇଶ୍ଵର ମେହେର, ବରଗଡର ଶ୍ରୀ ରାମକୃଷ୍ଣ ମେହେର ଏବଂ ଝିଲିମିଣ୍ଡାର ହାରିଲାଲ ମେହେର  ।