02-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲାର ବରଗଡ ଟାଉନ ଅଧିକାରୀ ଶ୍ରୀ  ସତ୍ୟଜିତ କନ୍ଦେଲକର, ଶ୍ରୀ ଶିବ ପ୍ରସାଦ ଖରା,( ଓଡ଼ିଶା ଅକ୍ସୀଲେରୀ  ପୋଲିସ ଫୋର୍ସ)ଓ ଶ୍ରୀ ଶରତ ପ୍ରସାଦ ମଲ୍ଲିକ ( ଡ଼୍ରାଇଭର) ନିଜର କର୍ତ୍ତବ୍ୟ ପରାୟଣତା, ମାଓ ଦମନ, ଶାନ୍ତି ଶୃଙ୍ଖଳା ରକ୍ଷା ତଥା ପୋଲିସ୍ ସେବା କ୍ଷେତ୍ରରେ ଉଲ୍ଲେଖନୀୟ ଯୋଗଦାନ ପାଇଁ ରାଜ୍ୟ ସରକାରଙ୍କ ତରଫରୁ ୨୦୨୪-୨୫ ବର୍ଷ ପାଇଁ ସମ୍ମାନଜନକ ଡିଜିପି ଡିସ୍କ ପାଇବା ପାଇଁ ମନୋନୀତ ହୋଇଛନ୍ତି। ୯୦ ତମ ପୋଲିସ୍ ପ୍ରତିଷ୍ଠା ଦିବସ ଅବସରରେ ତାଙ୍କୁ ଏହି ମର୍ଯ୍ୟାଦା ଜନକ ସମ୍ମାନ ପ୍ରଦାନ କରାଯିବ।ଜିଲ୍ଲା ପ୍ରଶାସନ ସହିତ ସୁନ୍ଦର ତାଳମେଳ ରଖି ବରଗଡ ସହରକୁ ଶାନ୍ତି ଶୃଙ୍ଖଳା ପ୍ରଗତି ପଥରେ ଆଗେଇ ନେବାରେ ବରଗଡ ଟାଉନ ଅଧିକାରୀ ଙ୍କ ଉଲ୍ଲେଖନୀୟ ଭୂମିକା ରହିଛି।  ଏହି ୩ ପୋଲିସ୍ ଅଧିକାରିଙ୍କର ସମ୍ମାନ ସମଗ୍ର ବରଗଡ଼ ଜିଲ୍ଲା ପାଇଁ ଗୌରବ ଆଣିଥିବାରୁ  ଏସପି ଶ୍ରୀ ପ୍ରହ୍ଲାଦ ସହାନି ମିନାଙ୍କ  ସମେତ ପ୍ରଶାସନର ବରିଷ୍ଠ ଅଧିକାରୀ ମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ଏହା ନିଶ୍ଚିତ ଭାବରେ ଆରକ୍ଷୀ ବାହିନୀଙ୍କୁ ଆହୁରି ସମର୍ପିତ ଭାବରେ ସେବା ଯୋଗାଇଦେବା ପାଇଁ ପ୍ରେରଣା ଦେବ