01-Apr-2025

(ଡୋଲେଶ୍ୱର ବାଗ )
ନୂଆପଡ଼ା ଜିଲ୍ଲା ସଦର ମହକୁମା ଠାରେ ନୂଆପଡ଼ା ଜିଲ୍ଲା ପ୍ରତିଷ୍ଠା ଦିବସ ଏବଂ ମାରାଗୁଡ଼ା ମହୋତ୍ସବ ଉଦଘାଟନ ଉତ୍ସବ ଉପଲକ୍ଷେ ସାଂସ୍କୃତିକ ଶୋଭାଯାତ୍ରା ଅନୁଷ୍ଠିତ ହୋଇଯାଇଅଛି। ଏହି ଉପଲକ୍ଷେ ପବିତ୍ର ସ୍ବାଧୀନ ସଂଗ୍ରୀମି ପୀଠ ସାଳିହା, କଣା ଭାଇଁରା ମନ୍ଦିର ରୁ ମଶାଲ ଆସି ଗାୟତ୍ରୀ ମନ୍ଦିର ରେ ସାମିଲ ହୋଇଥିଲେ। ସାଂସ୍କୃତିକ ଶୋଭାଯାତ୍ରା ନୂଆପଡ଼ା ନଗର ପରିକ୍ରମା କରି ମଞ୍ଚ ସମ୍ମୁଖରେ ପହଞ୍ଚିଥିଲା। ପାରମ୍ପାରିକ ପୂଜା ଅର୍ଚ୍ଚନା ପରେ ମଶାଲକୁ ସ୍ଥାପିତ କରି ଆନୁଷ୍ଠାନିକ ଭାବରେ ମାରାଗୁଡ଼ା ମହୋତ୍ସବ ଉଦ୍ଘାଟିତ ହୋଇଅଛି। ଏହି ଶୋଭାଯାତ୍ରା ରେ ଜିଲ୍ଲାପାଳ ମଧୁସୂଦନ ଦାସ ମଶାଲ ଗ୍ରହଣ କରିବା ସହ ମୃଦଙ୍ଗ ବଜାଇ କଳାକାରଙ୍କୁ ଉତ୍ସାହିତ କରିଥିଲେ। ଏସପି ଜିଆର୍ ରାଘବେନ୍ଦ୍ର ଢୋଲ ବଜାଇଥିଲେ। ଅନ୍ୟମାନଙ୍କ ମଧ୍ୟରେ ପୂର୍ବତନ କଳାହାଣ୍ଡି ସାଂସଦ ବସନ୍ତ କୁମାର ପଣ୍ଡା, ଅତିରିକ୍ତ ଜିଲ୍ଲାପାଳ ସୁବାସ ଚନ୍ଦ୍ର ରଇତା, ଉନ୍ନୟନ ଅଧିକାରୀ ଲମ୍ବୋଦର ଧରୁଆ, ଉପ ଜିଲ୍ଲାପାଳ ଯୋଗେନ୍ଦ୍ର ମାଝୀ, ସୂଚନା ଓ ଲୋକ ସମ୍ପର୍କ ଅଧିକାରୀ ବିଦ୍ୟାପତି ପଣ୍ଡା, ଜିଲ୍ଲା କ୍ରୀଡା ଅଧିକାରୀ ରାଜେନ୍ଦ୍ର ବଢେଇ, ବରିଷ୍ଠ ଆଇନଜୀବୀ ପ୍ରଶନ୍ନ ପାଢୀ, ପ୍ରମୁଖ ଯୋଗ ଦେଇଥିଲେ। ଅନେକ ସାଂସ୍କୃତିକ ଦଳ ସାମିଲ ହୋଇଥିଲେ।