01-Apr-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଉପରବାହାଲ ପଂଚାୟତ ଅନ୍ତର୍ଗତ ମହାକୁରପାଲି ରେ ପ୍ରଶାସନ ତରଫରୁ ନୂତନ ନଳକୂପ ତଥା ସୋଲାର ମାଧ୍ୟମରେ ପାଣି ର ବ୍ୟବସ୍ଥା କରିବା ଯୋଗୁଁ ମହାକୁରପାଲି ବାସନ୍ଦା ବହୁତ ଖୁସିବ୍ୟକ୍ତ କରିଛନ୍ତି l ଲୋକଙ୍କ କହିବାନୁଯାୟୀ ଦୀର୍ଘଦିନ ହେଲା ମହାକୁର ପାଲି ରେ ଅନେକ ଗୁଡିଏ ନଳକୂପ ଖନନ କରାଯାଇଛି l ହେଲେ ନଳକୂପ ରେ ପାଣି ର ସ୍ରୋତ ନ ହେବାରୁ ସବୁ ନଳକୂପ ଶୁଖିଲା ପଡିଛି l ବର୍ତମାନ ଗ୍ରୀଷ୍ମପ୍ରବାହ ସମୟ, ପାଣି ପାଇଁ ଲୋକେ ଡହଳବିକଲ l

କିଛିଦିନ ପୂର୍ବରୁ ଗ୍ରାମଲୋକେ ପିଇବା ପାଣି ପାଇଁ ବ୍ଲକ ପ୍ରଶାସନ ଠାରେ ଦାବୀ କରି ଆସୁଥିଲେ l ଆଜି ବିଭାଗୀୟ ଯନ୍ତ୍ରୀ, ବ୍ଲକ ପ୍ରଶାସନ, ଜିଲ୍ଲା ପ୍ରଶାସନ ତଥା ସ୍ଥାନୀୟ ସରପଞ୍ଚ ଙ୍କ ପ୍ରଚେଷ୍ଟା ରେ ନୂତନ ନଳକୂପ ର ବ୍ୟବସ୍ଥା କରାଗଲା l ଯାହାକି ସୋଲାର ମାଧ୍ୟମରେ ଲୋକେ ପାନୀୟ ଜଳ ପାଇ ପାରିବେ l ନୂତନ ନଳକୂପ ର ପାଣିସ୍ରୋତ କୁ ଦେଖି ଗ୍ରାମ୍ୟଲୋକେ ବ୍ଲକ ପ୍ରଶାସନ କୁ ଖୁବ ପ୍ରଶଂସା କରିବା ସହ ଧନ୍ୟବାଦ ଦେଇଛନ୍ତି l ପାଣି ବିଷୟ କୁ ନେଇ ଆମ୍ଭେ ଉପରବାହାଲ ସରପଞ୍ଚ ଶ୍ରୀମତୀ ମାମି ସାହୁ ଙ୍କ ପାଖକୁ ଯାଇଥିଲୁ ସେ ମଧ୍ୟ ପାଣି ର ସୁ ବ୍ୟବସ୍ଥା ଯୋଗୁଁ ପ୍ରଶାସନ କୁ ଧନ୍ୟବାଦ ଜଣାଇଛନ୍ତି l