31-Mar-2025

ଆଗଲପୁର, (ବିନୋଦ ଦୀପ) ଆଜି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝି ଙ୍କ କର କମଳ ରେ ଅନ୍ତ ଦୋୟ ଗୃହ ଯୋଜନା ର ଶୁଭାରମ୍ଭ କଳାହାଣ୍ଡି ଜିଲ୍ଲାର ଭବାନୀ ପାଟଣା ର ରିଶିଦା ଠାରେ ହୋଇ ଯାଇଛି। ଏହି ଶୁଭାରମ୍ଭ କାର୍ଯକ୍ରମ କୁ ଲୋକଙ୍କ ପାଖକୁ ପହଞ୍ଚାଇବା ପାଇଁ ଆଗଲପୁର ବ୍ଲକ କାର୍ଯ୍ୟାଳୟରେ ମଧ୍ୟ ଉକ୍ତ କାର୍ଯକ୍ରମ ର ଭିଡିଓ ବାର୍ତ୍ତା ର ସିଧା ପ୍ରସାରଣ ପାଇଁ ସମସ୍ତ ବ୍ୟବସ୍ଥା କରା ଯାଇଛି।। ଆଜିର ଏହି କାର୍ଯ୍ୟକ୍ରମକୁ ଭିଡିଓ ବାର୍ତ୍ତା ମାଧ୍ୟମରେ ପ୍ରତ୍ୟେକ ଲୋକଙ୍କ ପାଖରେ ପହଞ୍ଚାଇବାକୁ ସରକାର ଙ୍କ ଏହା ଏକ ଦୃଢ଼ ତଥା ସଫଳ ପ୍ରୟାସ ବୋଲି କୁହା ଯିବ। ଆଜିର ବ୍ଲକ୍ କାର୍ଯ୍ୟକ୍ରମରେ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି ଙ୍କ ତତ୍ତ୍ଵାବଧାନରେ ହଜାର ହଜାର ସଂଖ୍ୟାରେସୁଭଦ୍ରା ମା ମାନେ ଉପସ୍ଥିତ ହୋଇଥିବା ଦେଖିବାକୁ ମିଳିଥିଲା।

ମିଶନ୍ ଶକ୍ତି ର ସମସ୍ତ କାର୍ଯ କର୍ତ୍ତା ମଧ୍ୟ ଉପସ୍ଥିତ ଥିଲେ। ତା ସହିତ ବ୍ଲକ୍ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ, ଉପାଧାକ୍ୟା ଶ୍ରୀମତୀ ନିରୁପମା ପଧାନ୍, ଜିଲ୍ଲା ପରିଷଦ ଜୋନ ଦୁଇ ର ସଦସ୍ୟା ଶ୍ରୀମତୀ ବୀଣାପାଣି ଦାସ ଓ ମାନ୍ୟବର ସ୍ବାସ୍ଥ୍ୟ ମନ୍ତ୍ରୀ ଙ୍କ ପ୍ରତିନିଧି ଶ୍ରୀ ପିତାମ୍ବର କଣ୍ଟା ମଧ୍ୟ କରୁଆକ୍ରମ ରେ ଉପସ୍ଥିତ ଥିଲେ। ତା ସହିତ ବ୍ଲକ୍ ର ସମସ୍ତ ବିଭାଗର ଅଧିକାରୀ ମଧ୍ୟ ସକ୍ରିୟ ଭାବରେ ଉପସ୍ଥିତ ରହି ସମସ୍ତ କାର୍ଯକ୍ରମ ରେ ସହଯୋଗ କରିଥିଲେ। ସମସ୍ତ ପଞ୍ଚାୟତ ର ସରପଞ୍ଚ ସଭ୍ୟ, ସଭ୍ୟା ମଧ୍ୟ କାର୍ଯକ୍ରମ ରେ ଯୋଗ ଦେଇଥିଲେ। ପ୍ରଚଣ୍ଡ ଗ୍ରୀଷ୍ମ ପ୍ରବାହ ସତ୍ତ୍ୱେ ମଧ୍ୟ ହଜାର ହଜାର ସଂଖ୍ୟାରେ ମହିଳା ମାନେ ଉପସ୍ଥିତ ରହି କାର୍ଯକ୍ରମ ରେ ଯୋଗ ଦେଇ ଖୁସି ବ୍ୟକ୍ତ କରିଥିଲେ। ଓଡ଼ିଶା ସରକାର ଙ୍କ ପଞ୍ଚାୟତି ରାଜ ଓ ପାନୀୟ ଜଳ ବିଭାଗ ପଞ୍ଚାୟତ ସମିତି ଆଗଲପୁର ବ୍ଲକ୍ ରେ ମଧ୍ୟ ଏହି କାର୍ଯକ୍ରମ କୁ ନେଇ ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା।  ପ୍ରଥମ ପର୍ଯ୍ୟାୟରେ ବ୍ଲକ୍ ର 300 ଜଣ ହିତାଧିକାରୀ ଙ୍କୁ ଚିହ୍ନଟ କରି ଆଜି ସେମାନଙ୍କୁ କାର୍ଯ୍ୟାଦେଶ ପ୍ରଦାନ କରା ଯାଇଛି। ସମସ୍ତ ଅତିଥି ମାନେ  ହିତାଧିକାରୀଙ୍କୁ କାର୍ଯ୍ୟାଦେଶ ପ୍ରଦାନ କରିଥିଲେ l