30-Mar-2025

ଲୋଇସିଂହା, (ବିନୋଦ ଦୀପ) ଆଜି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝି ଙ୍କ କରକମଳ ରେ ଅନ୍ତ ଦୋୟ ଗୃହ ଯୋଜନା ର ଶୁଭାରମ୍ଭ କଳାହାଣ୍ଡି ଜିଲ୍ଲାର ଭବାନୀ ପାଟଣା ର ରିଶିଦା ଠାରେ ଅନୁଷ୍ଠିତ ହୋଇଯାଇଛି l ଏହି ଶୁଭାରମ୍ଭ କାର୍ଯ୍ୟକ୍ରମ କୁ ଲୋକଙ୍କ ପାଖକୁ ପହଞ୍ଚାଇବା ପାଇଁ ଲୋଇସିଂହା ବ୍ଲକ କାର୍ଯ୍ୟାଳୟରେ ମଧ୍ୟ ଉକ୍ତ କାର୍ଯ୍ୟକ୍ରମ ର ଭରଚୁଆଲ ମୋଡ଼ ରେ ସିଧାପ୍ରସାରଣ ପାଇଁ ସମସ୍ତ ବ୍ୟବସ୍ଥା କରାଯାଇଥିଲା l ଆଜିର ଏହି କାର୍ଯ୍ୟକ୍ରମକୁ ଭରଚୁଆଲ ମାଧ୍ୟମରେ ପ୍ରତ୍ୟେକ ଲୋକଙ୍କ ପାଖରେ ପହଞ୍ଚାଇବାକୁ ସରକାର ଙ୍କ ଏହା ଏକ ସଫଳ ପ୍ରୟାସ ବୋଲି କୁହାଯିବ l ବ୍ଲକ୍ କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଙ୍କ ତତ୍ତ୍ଵାବଧାନରେ ହଜାର ହଜାର ସଂଖ୍ୟାରେ ସୁଭଦ୍ରା ମା ମାନେ ଉପସ୍ଥିତ ହୋଇଥିବା ଦେଖିବାକୁ ମିଳିଥିଲା l କାର୍ଯ୍ୟକ୍ରମ ତି ସରପଞ୍ଚ ନବ ନାଏକ ଙ୍କ ତତ୍ୱାବଧାନ ରେ ହୋଇଥିବା ବେଳେ ଜିପିଓ କିଶୋର ଚନ୍ଦ୍ର ମାନସିଂହ, ବିପିସି କ୍ରିଷ୍ଣାମୟୀ ଛତ୍ରିଆ ଙ୍କ ଉପସ୍ଥିତି ରେ ମିଶନ୍ ଶକ୍ତି ର ସମସ୍ତ କାର୍ଯ୍ୟକର୍ତ୍ତା ମଧ୍ୟ ଥିଲେ।

ପରିଚାଳନା କରିଥିଲେ ପିଇଓ ଭିକାରିଚରଣ କର୍ମୀ ଏହାସହ ବ୍ଲକ୍  ମାନ୍ୟବର ସ୍ବାସ୍ଥ୍ୟ ମନ୍ତ୍ରୀ ଙ୍କ ଲୋଇସିଂହା ପ୍ରତିନିଧି ଗୌରାଙ୍ଗ ନାଏକ ଓ ସାଂସଦ ପ୍ରତିନିଧି ବାଳକୃଷ୍ଣ ଧରୁଆ ଉକ୍ତ କାର୍ଯ୍ୟକ୍ରମ ରେ ଉପସ୍ଥିତ ଥିଲେ ଏହାସହ ବ୍ଲକ୍ ର ସମସ୍ତ ବିଭାଗର ଅଧିକାରୀ ମଧ୍ୟ ସକ୍ରିୟ ଭାବରେ ଉପସ୍ଥିତ ରହି ସମସ୍ତ କାର୍ଯ୍ୟକ୍ରମ ରେ ସହଯୋଗ କରିଥିଲେ। ସମସ୍ତ ପଞ୍ଚାୟତ ର ସରପଞ୍ଚ ସଭ୍ୟ, ସଭ୍ୟା ମଧ୍ୟ କାର୍ଯକ୍ରମ ରେ ଯୋଗ ଦେଇଥିଲେ। ପ୍ରଚଣ୍ଡ ଗ୍ରୀଷ୍ମ ପ୍ରବାହ ସତ୍ତ୍ୱେ ମଧ୍ୟ ସହସ୍ରାଧିକ ସଂଖ୍ୟାରେ ମହିଳା ମାନେ ଉପସ୍ଥିତ ରହି କାର୍ଯକ୍ରମ ରେ ଯୋଗ ଦେଇ ଖୁସି ବ୍ୟକ୍ତ କରିଥିଲେ। ଓଡ଼ିଶା ସରକାର ଙ୍କ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ପଞ୍ଚାୟତ ସମିତି ଲୋଇସିଂହା ବ୍ଲକ୍ ରେ ମଧ୍ୟ ଏହି କାର୍ଯକ୍ରମ କୁ ନେଇ ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା।  ପ୍ରଥମ ପର୍ଯ୍ୟାୟରେ ବ୍ଲକ୍ ର 187 ଜଣ ହିତାଧିକାରୀ ଙ୍କୁ ଚିହ୍ନଟ କରି ଆଜି ସେମାନଙ୍କୁ କାର୍ଯ୍ୟାଦେଶ ପ୍ରଦାନ କରାଯାଇଛି। ସମସ୍ତ ଜନ ପ୍ରତିନିଧି ମାନେ  ହିତାଧିକାରୀଙ୍କୁ କାର୍ଯ୍ୟାଦେଶ ପ୍ରଦାନ କରିଥିଲେ l