30-Mar-2025

ବଲାଙ୍ଗୀର(ପ୍ରେରଣା ଖବର): ସ୍ଥାନୀୟ ସରକାରୀ ମହିଳା ମହାବିଦ୍ୟାଳୟରେ ଓଡ଼ିଆ ଭାଷା ଓ ସାହିତ୍ୟ ବିଭାଗ ଆନୁକୂଲ୍ୟରେ ଏକଦିବସୀୟ ଜାତୀୟ ସମ୍ପାନ ଅନୁଷ୍ଠିତ ହୋଇଯାଇଛି  I  ପୂର୍ବାହ୍ନ ୧୦ ଟା ରେ ସମ୍ପାନର ଉଦ୍ଘାଟନୀ ପର୍ବ ଅନୁଷ୍ଠିତ ହୋଇଥିଲା I ସୁଦୂର ବିଶ୍ଵଭାରତୀ, ଶାନ୍ତିନିକେତନରୁ ଅନ୍‌ଲାଇନ୍‌  ମୋଡ଼ରେ ଯୋଗଦେଇ ବିଷୟ ବିଶେଷଜ୍ଞ ଡ଼ଃ କଇଲାଶ ପଟ୍ଟନାୟକ ନିଜ ବକ୍ତବ୍ୟରେ ‘ସ୍ୱାଧୀନତା ପରବର୍ତ୍ତୀ ଓଡ଼ିଆ ଉପନ୍ୟାସରେ ଇତିହାସର ସ୍ୱର ଓ ସ୍ଵାକ୍ଷର’ ଶୀର୍ଷକ ଉପରେ ସାରଗର୍ଭକ ଆଲୋଚନା କରିଥିଲେ I ସମ୍ମାନିତ ଅତିଥି ଭାବରେ ସୋନପୁର ମହାବିଦ୍ୟାଳୟର 

ପ୍ରାକ୍ତନ ଅଧ୍ୟକ୍ଷ ଡ଼ଃ କେଦାରନାଥ ମିଶ୍ର ଯୋଗଦେଇ ଇତିହାସ ଓ ସାହିତ୍ୟର ସଂଜ୍ଞା ନିରୂପଣ କରି ଐତିହାସିକ ଉପନ୍ୟାସର ବୈଶିଷ୍ଟ୍ୟ ସମ୍ପର୍କରେ ବିଶଦ ଆଲୋଚନା କରିଥିବାବେଳେ ମୁଖ୍ୟବକ୍ତା ଭାବରେ ସମ୍ବଲପୁର ବିଶ୍ୱବିଦ୍ୟାଳୟର ସ୍ନାତକୋତ୍ତର ଓଡ଼ିଆ ଭାଷା ଓ ସାହିତ୍ୟ ବିଭାଗର ପ୍ରାକ୍ତନ ପ୍ରଫେସର ଡ଼ଃ ଅଶୋକ କୁମାର ଦାଶ ସାର୍ଥକ ଐତିହାସିକ ଉପନ୍ୟାସର ବିଧିବଦ୍ଧ ପରିଭାଷା, ଉଦ୍ଦେଶ୍ୟ ଓ ପରିସର ସମ୍ପର୍କରେ ବକ୍ତବ୍ୟ ଉପସ୍ଥାପନ କରିଥିଲେ I ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ଅରବିନ୍ଦ କୁମାର ଓଝା ଅଧ୍ୟକ୍ଷତା କରିଥିବାବେଳେ IQAC ସଂଯୋଜକ ବିଭୁତି ଭୂଷଣ ସାହୁ, ସହକାରୀ ପ୍ରଫେସର ରତିକାନ୍ତ ନାଏକ ଏବଂ ସମ୍ପାନର ଆବାହକ ଡ଼ଃ ସରୋଜ କୁମାର ଜଗଦଲା ମଞ୍ଚାସୀନ ଥିଲେ I ସ୍ନାତକୋତ୍ତର ଦ୍ଵିତୀୟ ବର୍ଷର ଛାତ୍ରୀ ଶିବାନୀ ତାଣ୍ଡି  ମଞ୍ଚ ପରିଚାଳନା କରିଥିବାବେଳେ ଅଧ୍ୟାପକ ବିପ୍ଳବ ପଧାନ ଧନ୍ୟବାଦ ଅର୍ପଣ କରିଥିଲେ I ସମ୍ପାନର ସୂଚୀକ୍ରମରେ ପ୍ୟାନେଲ ଆଲୋଚନା ରେ ସାତଜଣ ଗବେଷକ ଅଧ୍ୟାପକ ଭିତ୍ତିପ୍ରବନ୍ଧ ଆଲୋଚନା କରିଥିଲେ I ଡ଼ଃ ଲିଙ୍ଗରାଜ ସାହୁ, ସହକାରୀ ପ୍ରଫେସର ଜିତେନ୍ଦ୍ରିୟ ତ୍ରିପାଠୀ, ଡ଼ଃ ମୀନକେତନ କୁମ୍ଭାର, ଡ଼ଃ କୌତୁକ ପନ୍ଦର, ସହକାରୀ ପ୍ରଫେସର ରତିକାନ୍ତ ନାଏକ, ଗବେଷକ ଡୋଳାମଣି ମାଝୀ, ଗବେଷକ ରଞ୍ଜନ ମାଝୀ ପ୍ରଭୃତି ଆଲୋଚନାରେ ଅଂଶଗ୍ରହଣ କରିଥିବାବେଳେ ସମୀକ୍ଷକ ଭାବରେ ଡ଼ଃ ଅଶୋକ କୁମାର ଦାଶ ଦାୟିତ୍ୱ ନିର୍ବାହ କରିଥିଲେ I ପରବର୍ତ୍ତୀ ସମାନ୍ତରାଳ ଆଲୋଚନାରେ ମଧ୍ୟ

ବିଭିନ୍ନ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା, ଗବେଷକ ଗବେଷିକା ତଥା ବିଭାଗୀୟ ଛାତ୍ରୀମାନେ ଅନେକ ଭିତ୍ତିପ୍ରବନ୍ଧ ପାଠ କରିଥିଲେ I  
ଉଦ୍‌ଯାପନୀ  ଉତ୍ସବରେ ଅତିଥି ଭାବରେ ଡ଼ଃ ଇତିଶ୍ରୀ ଦାଶ ଏବଂ ସହକାରୀ ପ୍ରଫେସର ଜିତେନ୍ଦ୍ରିୟ ତ୍ରିପାଠୀ ଯୋଗଦେଇଥିବାବେଳେ ସମ୍ପାନର ବିବରଣୀ ପାଠ କରିଥିଲେ ଆବାହକ ଡ଼ଃ ସରୋଜ କୁମାର ଜଗଦଲା I  ଉକ୍ତ ସମ୍ପାନରେ ପ୍ରବନ୍ଧପାଠ, ଆଲୋଚକ, ଆଲୋଚିକା ଏବଂ ଅଂଶଗ୍ରହଣକାରୀଙ୍କୁ ପ୍ରମାଣପତ୍ର ମଧ୍ୟ ପ୍ରଦାନ କରାଯାଇଥିଲା  ଏବଂ ଶେଷରେ ଧନ୍ୟବାଦ ପ୍ରଦାନ କରିଥିଲେ  ଓଡ଼ିଆ ବିଭାଗର ଅଧ୍ୟାପକ ଶ୍ରୀ ଯୁଗେଶ୍ୱର ପଧାନ I