17-Mar-2025

ବଲାଙ୍ଗୀର/ତରଭା(ପ୍ରେରଣା ଖବର): ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ଅନ୍ତର୍ଗତ କମସରା ଓ କୁମ୍ଭାରମୁଣ୍ଡା ଗ୍ରାମ ପଞ୍ଚାୟତର ଚାଷଜମିକୁ ଉଠାଜଳସେଚନ ଜରିଆରେ ଜଳସେଚିତ କରିବାକୁ ଓଡିଶାର ଉପମୁଖ୍ୟମନ୍ତ୍ରୀ ତଥା କୃଷି, କୃଷକ ସଶକ୍ତିକରଣ ଓ ଶକ୍ତିମନ୍ତ୍ରୀ କନକବର୍ଦ୍ଧନଙ୍କ ପାଖରେ ଚାଷୀ ମାନେ ଦାବି କରିଛନ୍ତି । ଉପମୁଖ୍ୟମନ୍ତ୍ରୀ ଶ୍ରୀ ସିଂଦେଓଙ୍କ ବଲାଙ୍ଗୀର ଗସ୍ତସମୟରେ କୋସଳକଳାମଣ୍ଡଳ ପଡିଆରେ କମସରାର ଏକ ପ୍ରତିନିଧିଦଳ ଭେଟି ଏକ ଦାବିପତ୍ର ଦେବା ସହିତ ଆଲୋଚନା କରିଛନ୍ତି । ସୁବର୍ଣ୍ଣପୁର ଜିଲ୍ଲାର ଭାଜପା ଦଳର ପୂର୍ବତନ ଜିଲ୍ଲା ଯୁବମୋର୍ଚ୍ଚା ସଭାପତି ତଥା ଉସତ ଫାର୍ମରପ୍ରଡ୍ୟୁସରକମ୍ପାନୀର ପରିଚାଳନା ନିର୍ଦ୍ଦେଶକ ଭବାନୀ ଶଙ୍କର ପଣ୍ଡା ଓ ଦିଲିପ ପୂଜାରୀଙ୍କୁ ନେତୃତ୍ୱରେ ଏହି ପ୍ରତିନିଧି ଦଳ ଉପମୁଖ୍ୟମନ୍ତ୍ରୀଙ୍କୁ ଅବଗତ କରିଛନ୍ତି ଯେ, କମସରା ଓ କୁମ୍ଭାରମୁଣ୍ଡା ଗ୍ରାମପଞ୍ଚାୟତ ଏକ ପାହାଡିଆ ଅଞ୍ଚଳରେ ରହିଛି । ତେଣୁ ଜଳସେଚନର ସୁବିଧା ନାହିଁ । ଚାଷିମାନେ ବାରମ୍ବାର ମରୁଡିର ଶୀକାର ହେଉଛନ୍ତି ଓ ତାଙ୍କର ଅର୍ଥନୈତିକ ସ୍ଥିତି ବିଗିଡିଯାଉଛି । ତେଣୁ ତେଲନଦୀରୁ ମେଗାଉଠାଜଳସେଚନ ପଏଣ୍ଟ ଜରିଆରେ ଏହି ଅଞ୍ଚଳକୁ ଜଳସେଚନ ସୁବିଧା କରାଇବାକୁ ଦାବି କରାଯାଇଛି । ଉପମୁଖ୍ୟମନ୍ତ୍ରୀଙ୍କୁ ଦିଆଯାଇଥିବା ଦାବିପତ୍ରର ଏକକିତା ନକଲ ବଲାଙ୍ଗୀର ସାଂସଦ,ସୁବର୍ଣ୍ଣପୁର ଜିଲ୍ଲାପାଳ,ସୁବର୍ଣ୍ଣପୁର ମେଗା ଉଠା ଜଳସେଚନ ଡିଭିଜନର ନିର୍ବାହୀଯନ୍ତ୍ରୀଙ୍କୁ ପ୍ରଦାନ କରାଯାଇଛି । ରାଜ୍ୟସରକାର ତୁରନ୍ତ ଏଦିଗରେ ପଦକ୍ଷେପ ନେବେ ବୋଲି ଭବାନୀଶଙ୍କର ପଣ୍ଡା,ଦିଲିପ ପୂଜାରୀ, ରମେଶ ଚନ୍ଦ୍ର ପଣ୍ଡା, ପ୍ରଦୀପ ରଣା, ନୀଳାମ୍ବର ରଣା, ମନୋଜ କୁମାର ପଣ୍ଡା, ବିଷ୍ନୁ ମୁଣ୍ଡା,ଆଦିତ୍ୟ ମିଶ୍ର,ଶୁଭ୍ରାଂସୁ ଶେଖର ମିଶ୍ର,ଅଶୋକ ମିଶ୍ର, ଅଭିମନ୍ୟୁ ବହିଦାର,ପ୍ରଦୀପକୁମାର ସାମନ୍ତରା,ସୁନିଳ ରଣା, କୃତ୍ତିବାସ ରଣା,ଦୁର୍ଯ୍ୟୋଧନ ଘିବେଲା,ଜୟରାମ ମନହିରା, ନରେନ୍ଦ୍ର ରଣା,ପ୍ରତ୍ୟୁଷ ପୂଜାରୀ ପ୍ରମୁଖଙ୍କ ସହ ଶତାଧିକ ଚାଷି ଦାବି କରିଛନ୍ତି ।