05-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ସରେଇକେଲା ଗ୍ରାମବାସୀଙ୍କ ତରଫରୁ  ରାଜ୍ୟ ସରକାରଙ୍କ ପ୍ରସ୍ତାବିତ ଅଙ୍ଗନଦୀ ଜଳସେଚନ ପ୍ରକଳ୍ପ ବିରୋଧରେ ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି l ଗତକାଲି ଓଡିଶା ର ମୁଖ୍ୟମନ୍ତ୍ରୀ ଜଲସମ୍ପଦ ବିଭାଗର ସମୀକ୍ଷା ବୈଠକରେ ରାଜ୍ୟ ର ୦୫ ଟି ବୃହତ ଜଳସେଚନ ପ୍ରକଳ୍ପକୁ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦେଇଛନ୍ତି l  ଏଥିରେ ବରଗଡ ଜିଲ୍ଲାର ବୃହତ ଅଙ୍ଗ ଜଳସେଚନ ପ୍ରକଳ୍ପ ରହିଛି l ବୁଡି ଅଞ୍ଚଳ ଅଧୀନରେ ଆସୁଥିବା ସରେଇକେଲା ଗ୍ରାମରେ ତୀବ୍ର ପ୍ରତିକ୍ରିୟା ସହ ବିରୋଧରେ ଗ୍ରାମବାସୀ ଏକ ପ୍ରତିବାଦ ସଭା କରିଥିଲେ l ଏହି ପ୍ରକଳ୍ପ ପାଇଁ ଇଞ୍ଚେ ବି ଜମି ଛାଡ଼ିବୁ ନାହିଁ ପ୍ରକଳ୍ପ ବନ୍ଦ ନ ହେବା ଯାଏଁ ଦୁର୍ବାର ଆନ୍ଦୋଳନ ଓ ଦରକାର ପଡିଲେ ରକ୍ତପାତ ହେବ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି l ଆଗାମୀ ଶୁକ୍ରବାର ଦିନ ପରବର୍ତ୍ତୀ ବୈଠକ ହୋଇ ପ୍ରକଳ୍ପ ବିରୋଧରେ ରଣନୀତି ପାଇଁ ନିଷ୍ପତ୍ତି ନିଆଯିବ l ଏହି ବୈଠକ ରେ,ନିରଞ୍ଜନ ପ୍ରଧାନ,ବିକାଶ ସାହୁ,ତପନ ସାହୁ, ବେଦପ୍ରକାଶ ପଟେଲ, ସୁନୀଲ ପ୍ରଧାନ,ଟିକୁନୁ ବରିହା, ସୁନ୍ଦର ସାହୁ, ତୀର୍ଥ ସାହୁ, ପ୍ରତାପ ସାହୁ, ବାବୁଲାଲ ବାରିକ ସମେତ ଶତାଧିକ ଗ୍ରାମବାସୀ ସାମିଲ ହୋଇଥିଲେ l