05-Mar-2025

ଲୋଇସିଂହା, (ବିନୋଦ ଦୀପ) ମଙ୍ଗଳବାର ବଲାଙ୍ଗୀର ଜିଲା ଲୋଇସିଂହା ବ୍ଲକ ବୁର୍ଡା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି ।  ଉତ୍ସବରେ ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ମୌନାବତୀ ଛତ୍ରିଆ ଅଧ୍ୟକ୍ଷତା କରିଥିଲେ । ଏଥିରେ ସ୍ଥାନୀୟ ସରପଂଚ ସୁଦୀପ କୁମାର ସା ମୁଖ୍ୟ ଅତିଥି, ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ଜ୍ୟୋତିରଞ୍ଜନ ସା, ଶିକ୍ଷାବିତ ନାରାୟଣ ସାହୁ,ସାମ୍ୱାଦିକ ସୁଶାନ୍ତ ବାରିକ, ସ୍କୁଲ କମିଟି ସଭ୍ୟ ଗୋପବନ୍ଧୁ ସାହୁ, ପ୍ରମୁଖ ସମ୍ମାନୀତ ଅତିଥି ଭାବେ ମଚାସୀନ ହୋଇଥିଲେ । ମୁଖ୍ୟଅତିଥି ସା ତାଙ୍କ ବକ୍ତବ୍ୟରେ ଛାତ୍ରୀଛାତ୍ରଙ୍କୁ ବିଭିନ୍ନ ପରାମର୍ଶ ଦେବା ସହିତ ବିଦ୍ୟାଳୟର ଆବଶ୍ୟକାତ ପୂରଣ ଯଥା ପିଇବା ପାଣି, ପାଚେରି ଓ ରାସ୍ତା ନିର୍ମାଣ ଦିଗରେ ସେ କାର୍ଯ୍ୟ କରିବେ ବୋଲି କହିଥିଲେ । ସାମ୍ୱାଦିକ ସୁଶାନ୍ତ ବାରିକ କହିଥିଲେ ଯେ, ଶିକ୍ଷୟିତ୍ରୀଶିକ୍ଷକ ସମୟାନୁବାର୍ତ୍ତୁତ ସହିତ ନିଷ୍ଠା ଓ ଆନ୍ତରିକତା ସହ ଶିକ୍ଷାଦାନ କଲେ ଛାତ୍ରୀଛାତ୍ରମାନେ ବିଦ୍ୟାଳୟର ଗୌରବ ଆଣିବେ ବୋଲି ମତବ୍ୟକ୍ତ କରିଥିଲେ । ବାର୍ଷିକ କ୍ରୀଡା ସହିତ ୨୦ ଟି ବିଭାଗରେ ବିଭିନ୍ନ ପ୍ରତିଯୋଗୀତା ଅନୁଷ୍ଠିତ ହୋଇଥିଲା ।ବିଦ୍ୟାଳୟ ୯୦ ଜଣ କୃତୀ ଛାତୀଛାତ୍ରଙ୍କୁ ଟ୍ରଫି ଓ ମାନପ‌ତ୍ର ଦେଇ ଅତିଥି ପୁରସ୍କୃତ କରିଥିଲେ । ସଭାକାର୍ଯ୍ୟକୁ ଶିକ୍ଷକ ବାବୁଲୁ ନାୟକ ପରିଚାଳନା କରିଥିଲେ । ସହକର୍ମୀ ସୌଦାମିନୀ ସାହୁ, ରା ଶେଶ୍ଵରୀ ସାହୁ, ସଂସୁଭା ପାତ୍ର, ଅଙ୍କିତା ରଥ, ପ୍ରକାଶ କୁମାର ସାହୁ, ସନ୍ତୋଶ ପରୁଆ ସମେତ ୨ ଜଣ ସ୍ୱେଚ୍ଛାସେବୀ ଶିକ୍ଷକ କାର୍ଯ୍ୟକ୍ରମ ପରିଚାଳନାରେ ସହ ‌ଯୋଗ କରିଥିଲେ l