05-Mar-2025

ବରଗଡ଼:(ପ୍ରେରଣା)-ବରଗଡ଼ ଗାନ୍ଧୀଭବନ ଠାରେ ସ୍ୱୟଂପ୍ରଭା ସାହିତ୍ୟ ସଂସଦର ବାର୍ଷିକ ଉତ୍ସବ ଶ୍ରୀମତୀ ନୁରାବତୀ ସାହୁଙ୍କ ଅଧ୍ୟକ୍ଷତାରେ ମହାସମାରୋହରେ ପାଳିତ ହୋଇଯାଇଛି!ମୁଖ୍ୟ ଅତିଥି ଭାବେ ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡା ଶକ୍ତିକୁମାର ତ୍ରିପାଠୀ ଓ ମୁଖ୍ୟ ବକ୍ତା ଭାବେ ସଂସ୍କୃତ ପ୍ରଫେସର ଡ. ପ୍ରତିମା ଷଢଙ୍ଗୀ ଯୋଗଦେଇ ଉତ୍ତମ ମାନର ସାହିତ୍ୟ ସମାଜକୁ ଦିଗଦର୍ଶନ ଦିଏ ବୋଲି ମତ ପ୍ରକାଶ କରିଥିଲେ ।ଚଉରାନବେ ଜଣ ପ୍ରବୀଣ ଲେଖକ ଲେଖିକାଙ୍କ ଗଳ୍ପ, କବିତା, ଭ୍ରମଣ କାହାଣୀ, ଅନୁସୃଜନ ସନ୍ନିବେଶିତ ସଂସଦର ମୁଖପତ୍ର 'ସ୍ୱୟଂପ୍ରଭା 'ପତ୍ରିକା ସହିତ କବୟତ୍ରୀ ଶ୍ରୀମତୀ ସନ୍ତୋଷିନୀ ଦାଶଙ୍କ ପୁସ୍ତକ 'ମାଟିର ମହକ ', କବୟତ୍ରୀ କବିତା ଦେବତାଙ୍କ ପୁସ୍ତକ 'ମଧୁଗୀତି ', କବୟତ୍ରୀ କମଳିନୀ ଦେବୀଙ୍କ ପୁସ୍ତକ 'ପ୍ରତୀକ୍ଷା ', ବିଶିଷ୍ଟ ଲେଖକ ଅନୁପ ଗଡ଼ନାୟକଙ୍କ' ଆମ ପ୍ରକୃତି 'ଓ 'ଭକ୍ତିସାଗର 'ପୁସ୍ତକ ଉନ୍ମୋଚିତ ହୋଇଯାଇଛି । ଏହି ସଭାରେ ଡ଼.ସଂଗୀତା ରଥଙ୍କୁ ସ୍ୱୟଂପ୍ରଭା ସାହିତ୍ୟ ସମ୍ମାନ, କବୟତ୍ରୀ ବାସନ୍ତୀ ଗୁରୁଙ୍କୁ ଭୂମିସୁତା ସମ୍ନାନ, ଅଭିନେତ୍ରୀ ଡ଼. ତପସ୍ୱିନୀ ଗୁରୁଙ୍କୁ ସ୍ୱୟଂପ୍ରଭା ପ୍ରଜ୍ଞା ସମ୍ନାନ, ବିଶିଷ୍ଟ କବି ଓ ଗାୟକ ଶ୍ରୀଯୁକ୍ତ ଶରତ ଚନ୍ଦ୍ର ପାଢୀଙ୍କୁ ସ୍ୱୟଂପ୍ରଭା ଗାୟକ ରତ୍ନ ସମ୍ମାନ ତଥା ସାହିତ୍ୟ ଓ ସାମ୍ବାଦିକତାରେ ଉଲ୍ଲେଖନୀୟ ଅବଦାନ ଥିବା ଯୁଗୋପଯୋଗୀ ସୁବର୍ଣ୍ଣଦୀପ ପତ୍ରିକାର ସମ୍ପାଦକ ଶ୍ରୀଯୁକ୍ତ ପ୍ରଦୀପ୍ତ ଭାନୁ ମହାନ୍ତି ଏବଂ ଦୈନିକ ସମ୍ବାଦ ପତ୍ର ବିଶ୍ୱବାଣୀ ଖବର କାଗଜ ତଥା ବଲାଙ୍ଗିର ରୁ ପ୍ରକାଶିତ ପ୍ରେରଣାର ବରଗଡ଼ ଜିଲ୍ଲା ପ୍ରତିନିଧି ଶ୍ରୀଯୁକ୍ତ ନିରଞ୍ଜନ ତ୍ରିପାଠୀଙ୍କୁ ସମ୍ବର୍ଦ୍ଧିତ କରାଯାଇଛି । ସ୍ୱୟଂପ୍ରଭା ସାହିତ୍ୟ ସଂସଦର ସମସ୍ତ ସଦସ୍ୟ, ସଦସ୍ୟା ଏଥିରେ ସାହାଯ୍ୟ କରିଥିଲେ  । ବାର୍ଷିକ ଉତ୍ସବ କାର୍ଯ୍ୟକ୍ରମରେ ତିନି ଜଣ କବୟତ୍ରୀ ଅତି ସୁନ୍ଦର ଭାବରେ ମଞ୍ଚ ସଞ୍ଚାଳନ କରିଥିଲେ  । ସେମାନେ ହେଲେ ସ୍ବର୍ଣ୍ଣକାନ୍ତୀ ପତି,ସାଗରୀକା ପାଣିଗ୍ରାହୀ, ସଙ୍ଗୀତା ଦୀପ୍  । ପରିଶେଷରେ ସୂର୍ଯ୍ୟସ୍ନାତା  ସମ୍ପାଦିକା ଶ୍ରୀମତୀ ସୁପ୍ରଭା ସାମଲ ଧନ୍ୟବାଦ ଅର୍ପଣ କରିଥିଲେ ।