15-Jan-2021

ବଲାଙ୍ଗୀର, (ସନ୍ତୋଷ କୁମାର ଠାକୁର)- ବଲାଙ୍ଗୀର ଜିଲ୍ଲାରେ ଦିନକୁ ଦିନ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଉଛି । ଦିନ ଦ୍ୱିପହରରେ ଲୁଟତରାଜ, ଚୋରୀ, ଡକାୟତି ଆଦି ଘଟଣା ଘଟି ଚାଲିଛି । ମଦୁଆ ଓ ପଲସର ବାଇକ୍ ଲୁଟେରାଙ୍କ ଦୌରାତ୍ମ୍ୟ ଯୋଗୁଁ ଜନସାଧାରଣ ନିଜକୁ ସୁରକ୍ଷିତ ମଣୁ ନାହାନ୍ତି । ସହରର ବିଭିନ୍ନ ସ୍ଥାନରେ ଅବାଧରେ ସଟ୍ଟା ଖେଳ ଚାଲିଥିଲେ ମଧ୍ୟ ଏମାନଙ୍କୁ ଦମନ କରବାରେ ପୋଲସି କୌଣସି ତତ୍ପରତା ପ୍ରକାଶ କରୁ ନାହିଁ । ଏହି ସବୁ କାର୍ଯ୍ୟକଳାପରେ ଯୁବସମାଜ ପଥଭ୍ରଷ୍ଟ ହେଉଛନ୍ତି । ନିକଟ ଅତୀତରେ ସହରର ଦୈନିକ ପରିବା ବଜାରରେ ସ୍ଥାନୀୟ ପ୍ରବାବଶାଳୀ ରାଜନେତା ମାନଙ୍କର ସଂପର୍କୀୟ ମାନଙ୍କ ଦ୍ୱାରା ମାରନାସ୍ତ୍ର ଧରି ସାଧାରଣ ବ୍ୟବସାୟୀଙ୍କୁ ଆକ୍ରମଣ କରିବା ଘଟଣା ଏହାର ଜ୍ୱଳନ୍ତ ଉଦାହରଣ ଅଟେ ବୋଲି କହିଛି ସଚେତନ ନାଗରିକ ମଂଚ । ତେଣୁ ବଲାଙ୍ଗୀର ପୋଲିସ ପ୍ରସାସନ ଆଇନଗତ ଭାବରେ ପଦକ୍ଷେପ ଗ୍ରହଣ କରି ଅସାମାଜିକ ବ୍ୟକ୍ତି ମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସଚେତନ ନାଗରିକ ମଂଚ ଦାବି କରିଛି । ଆଜି ମଂଚର ଶତାଧିକ ପୁରୁଷ ଓ ଓ ମହିଳା ଏକତ୍ରିତ ହୋଇ ତଥା ପ୍ଲାକାର୍ଡ ଧରି ବଲାଙ୍ଗୀର ଆଦର୍ଶ ଥାନାରେ ପହଂଚି ଥିଲେ । ଅପରାଧୀ ତତ୍ତ୍ୱକୁ ଦମନ କରିବାରେ ପୋଲିସର ନିସ୍କ୍ରିୟତା ବିରୁଦ୍ଧରେ ସ୍ଲୋଗାନ ଦିଆଯିବା ସହ ଶାନ୍ତିର ସହରର ବଲାଙ୍ଗୀରରେ ବଢ଼ୁଥିବା ଅପରାଧିକ କାର୍ଯ୍ୟକାଳାପ ଯୋଗୁଁ ପୋଲିସ ପ୍ରତି ଲୋକଙ୍କ ଆସ୍ଥା ତୁଟି ଯାଉଛି ବୋଲି ମଞ୍ଚ ପକ୍ଷରୁ କୁହାଯାଇଥିଲା । ଏହି ପରିପ୍ରେକ୍ଷୀରେ ଆଜି ସଚେତନ ନାଗରିକ ମାନଙ୍କ ପକ୍ଷରୁ ବଲାଙ୍ଗୀର ଟାଉନ ଥାନା ଅଧିକାରୀଙ୍କ ଜରିଆରେ ବଲାଙ୍ଗୀର ଏସ୍‌ପିଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।