04-Nov-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ସହରରେ ମହିଳାଙ୍କ ବେକରୁ ସୁନା ମଙ୍ଗଳସୂତ୍ର ଝାମ୍ପି ନେବା ଘଟଣାର ପର୍ଦ୍ଦାଫାସ କରିଛି ଟାଉନ୍ ଥାନା ପୋଲିସ। ଏହି ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରିବା ସହ ତାଙ୍କଠାରୁ ଲୁଟ୍ ହୋଇଥିବା ସୁନା ମଙ୍ଗଳସୂତ୍ର, ଟଙ୍କା ଓ ଅପରାଧରେ ବ୍ୟବହୃତ ମୋଟରସାଇକେଲ ଜବତ କରିଛି ପୋଲିସ।

ପୋଲିସର ସୂଚନା ଅନୁସାରେ, ଗତ ୧ ନଭେମ୍ବର ୨୦୨୬ ରାତି ପ୍ରାୟ ୧୦ଟା ୪୫ ମିନିଟ୍ ସମୟରେ ଲକ୍ଷ୍ମୀଜୋର ଥାନା ଅଞ୍ଚଳର ତାଳପାଲିପଡ଼ା ନିବାସୀ

ରବିଚନ୍ଦ୍ର ସତପଥୀ ନିଜ ପତ୍ନୀଙ୍କ ସହ ବଲାଙ୍ଗୀର ଗାନ୍ଧୀନଗରପଡ଼ାସ୍ଥିତ ଟିଭିଏସ୍ ଶୋ’ରୁମ୍ ନିକଟରେ ଥିବା ଏକ ହୋଟେଲରୁ ରାତ୍ରିଭୋଜନ ସାରି କୋଶଳ କଳାମଣ୍ଡଳ ପଡ଼ିଆକୁ ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଉଥିଲେ। ଏହି ସମୟରେ ଜଣେ ଅଜଣା ଦୁର୍ବୃତ୍ତ ତାଙ୍କ ପତ୍ନୀଙ୍କ ବେକରୁ ପ୍ରାୟ ୬ ଗ୍ରାମ ଓଜନର ସୁନା ମଙ୍ଗଳସୂତ୍ର ଝାମ୍ପି ନେଇ ଫେରାର ହୋଇଯାଇ ଥିଲା। ଏହାର ଆନୁମାନିକ ମୂଲ୍ୟ ୮୦ରୁ ୯୦ ହଜାର ଟଙ୍କା ହେବ ବୋଲି ଅଭିଯୋଗରେ ଦର୍ଶାଯାଇଥିଲା।