08-Oct-2020

ତେଜସ୍‌ ଏକ୍ସପ୍ରେସ ପୁଣି ଥରେ ଅକ୍ଟୋବର ୧୭ରୁ ଲକ୍ଷ୍ନୌ ଏବଂ ଦିଲ୍ଲୀ ମଧ୍ୟରେ ତେଜସ୍ ଏକ୍ସପ୍ରେସ ପୁଣି ଥରେ ଗଡ଼ିବାକୁ ଯାଉଛି। ଆଜିଠାରୁ ସିଟ୍ ବୁକିଂ ଆରମ୍ଭ ହେବ। ଭାରତୀୟ ରେଳ କ୍ୟାଟରିଂ ଆଣ୍ଡ ଟୁରିଜିମ୍ କର୍ପୋରେସନ୍ ଅନୁସାରେ ଯାତ୍ରୀମାନଙ୍କୁ ଟ୍ରେନରେ ଖାଦ୍ୟ ପ୍ୟାକେଟ ମିଳିବ। ଆଇଆରସିଟିସି ତେଜସ ଏକ୍ସପ୍ରେସ ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ଫେସ୍ ସିଲ୍ଡ ବାଧ୍ୟତାମୂଳକ କରିଛି। ଏହା ବିନା ଯାତ୍ରୀମାନେ ଟ୍ରେନରେ ଯାତ୍ରା କରିପାରିବେ ନାହିଁ । ମଙ୍ଗଳବାର ରେଲଓ୍ବେ ବୋର୍ଡ ଏବଂ ଭାରତୀୟ ରେଳ କ୍ୟାଟରିଂ ଆଣ୍ଡ ଟୁରିଜିମ୍ କର୍ପୋରେସନ୍ ଅଧିକାରୀଙ୍କ ବୈଠକରେ ତେଜସ୍‌ ଏକ୍ସପ୍ରେସ ଚାଲୁ କରିବା ପାଇଁ ନିଷ୍ପତ୍ତି ନିଆଯାଇଛି!! ଏଥିରେ ଯାତ୍ରା କରିବା ପାଇଁ ଯାତ୍ରୀଙ୍କୁ ପାଖାପାଖି ଦେଢ଼ ଘଣ୍ଟା ପୂର୍ବରୁ ପହଞ୍ଚିବାକୁ ପଡ଼ିବ। ଅର୍ଥାତ୍ ସକାଳ ୬ଟା ୧୦ ମିନିଟ୍‌ ସମୟରେ ଲକ୍ଷ୍ନୌ ଜଙ୍କସନ୍‌ ଷ୍ଟେସନ୍‌ରୁ ଯାତ୍ରା କରିବା ପାଇଁ ସକାଳ ୪ଟା ୩୦ ମିନିଟ୍‌ରେ ପହଞ୍ଚିବାକୁ ପଡ଼ିବ। ଟ୍ରେନ ଅପରାହ୍ନ ୧୨ଟା ୨୫ ମିନିଟ୍‌ରେ ନୂଆଦିଲ୍ଲୀରେ ପହଞ୍ଚିବ।  ସାନିଟାଇଜ୍‌ର ଏବଂ ମାସ୍କ ଦେବା ନେଇ ବିଚାର କରାଯିବ। ୧୭ରୁ ମୁମ୍ବାଇ ଏବଂ ଅହମଦାବାଦ ମଧ୍ୟରେ ତେଜସ୍‌ ଏକ୍ସପ୍ରେସ୍‌ର ସଞ୍ଚାଳନ ଆରମ୍ଭ ହୋଇଯିବ!!*