03-Feb-2025

ବରୀ(ରଞ୍ଜିତମହାନ୍ତି):ସାମ୍ବାଦିକ ଅରୁଣ ବେହେରାଙ୍କ ପିତା ନିଳମଣି ବେହେରା (ଗୁରୁଜି)ଙ୍କର ୮୨ ବର୍ଷ ବୟସରେ ଶନିବାର ସଂଧ୍ୟାରେ ପରଲୋକ ହୋଇ ଯାଇଛି । ସେ କିଛିଦିନ ହେବ ବାର୍ଦ୍ଧକ୍ୟ ଜନିତ ରୋଗରେ ପୀଡିତ ଥିଲେ। ମୁତ୍ୟୁ ଶଯ୍ୟା ନିକଟରେ ତାଙ୍କର ୨ ପୁଅ ଉପସ୍ଥିତ ଥିଲେ। ସେ ଜଣେ ଧର୍ମପରାୟଣ ଓ ସ୍ନେହୀ ବ୍ୟକ୍ତି ଥିଲେ ଅଂଚଳରେ ସେ ଗୁରୂଜି ଭାବେ ବେଶ୍ ପରିଚିତ ଥିଲେ ଗ୍ରାମ୍ୟ ଶ୍ମଶାନରେ ତାଙ୍କର ଶେଷକୃତ୍ୟ ସଂପନ୍ନ କରାଯାଇଥିଲା। ବରିଷ୍ଠ ସାମ୍ୱାଦିକ ଚୈତନ୍ୟ ଜେନା, ସାମ୍ୱାଦିକ ପ୍ରଶାନ୍ତ ଦ୍ବିବେଦୀ, ପ୍ରତାପ ଦାସ, ମହେନ୍ଦ୍ର ସ୍ୱାଇଁ, ସତ୍ୟଜିତ ବାରିକ, ସ୍ନେହାଶୁ ମହାନ୍ତି, ପ୍ରଦିପ ମହାରଣା, ସୁମନ କଲ୍ୟାଣ ଦାସ, ରଞ୍ଜିତ ମହାନ୍ତିଙ୍କ ସମେତ ବହୁ ସାମ୍ୱାଦିକ, ଜିଲ୍ଲା ଯୁବ କଂଗ୍ରେସର ପୁର୍ବତନ ସଭାପତି ବିଶ୍ଵ ପ୍ରକାଶ ସାମଲ, ସମାଜସେବୀ ମନୋଜ ସିଂ ପ୍ରମୁଖ ତାଙ୍କ ବାସଭବନରେ ପହଞ୍ଚି ମର ଶରୀରରେ ପୁଷ୍ପ ମାଲ୍ୟ ଅର୍ପଣ କରିବା ସହିତ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଥିଲେ। ଖବର ପାଇ ବରୀ ବିଧାୟକ ବିଶ୍ବ ରଞ୍ଜନ ମଲିକ, ପଞ୍ଚାୟତ ସମିତି ଅଧକ୍ଷ ଅଶୋକ କୁମାର ଗେଡି, ଉପାଧକ୍ଷା ଅର୍ଚ୍ଚନା ମଲିକ, ଜିଲ୍ଲା ପରିଷଦ ସଭ୍ୟ ଅଶୋକ କୁମାର ସାମଲ, ସନ୍ତୋଷ ସାମଲ, ପୂର୍ବତନ ବିଧାୟିକା ସୁନନ୍ଦା ଦାସ, ବିଜେପି ରାଜ୍ୟ ମୁଖପାତ୍ର ମନୋଜ ମହାପାତ୍ର, ଯୁବ ସମାଜସେବୀ ସଂଜୀବ ଜେନା ପ୍ରମୁଖ ଶୋକ ବ୍ୟକ୍ତ କରିଛନ୍ତି।