02-Feb-2025

ବଲାଙ୍ଗିର:(ପ୍ରେରଣା ଖବର)-ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ବବଜା ସରକାରୀ ଉଚ୍ଚପ୍ରାଥମିକ ବିଦ୍ୟାଳୟର ବାର୍ଷିକ କ୍ରୀଡାଉତ୍ସବ ଅନୁଷ୍ଠିତ ହୋଇଯାଇଛି। ସ୍କୁଲର ପ୍ରଧାନ ଶିକ୍ଷକ ରାହାସ ବିହାରୀ ପଟେଲଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ମୁଖ୍ୟଅତିଥି ଭାବେ ବବଜା କ୍ଳଷ୍ଟର ସଂଯୋଜକ ଶରତ ପଧାନ ଯୋଗ ଦେଇଥିଲେ। ସଭାପତି ଭାବରେ ବିଦ୍ୟାଳୟ ଚେୟାରମେନ ରଘୁ ପଟେଲ ଉପସ୍ଥିତ ରହି ଛାତ୍ରଛାତ୍ରୀଙ୍କ ମନୋବଳ ବଢ଼ାଇ ଥିଲେ । ପ୍ରଧାନ ଶିକ୍ଷକ ଶ୍ରୀ ପଟେଲ ସତ୍ୟବାଦୀତା, ନିର୍ଭିକତା ଓ ଏକାଗ୍ରତା ଛାତ୍ରଛାତ୍ରୀଙ୍କୁ ଭଲ ମଣିଷ କରି ଗଢ଼ି ତୋଳିବାରେ ସହାୟକ ହୋଇପାରିବ ବୋଲି ମତପ୍ରକାଶ କରିଥିଲେ। ଏଥି ସହିତ ଶିଶୁମାନଙ୍କୁ ମୋବାଇଲରୁ ଦୂରରେ ରଖିବା ପାଇଁ ପରାମର୍ଶ ଦେଇଥିଲେ। ସଂଯୋଜକ ଶରତ ପଧାନ ମଧ୍ଯ ଉଦବୋଧନ ଦେଇଥିଲେ । ସହକାରୀ ଶିକ୍ଷକ ରାଜେଶ ସୁନା ଉତ୍ସବକୁ ପରିଚାଳନା କରିବା ସହିତ ଛାତ୍ରଛାତ୍ରୀଙ୍କୁ ବ୍ୟାୟାମ ସଂଯମ ଓ ଯୋଗର ଗୁରୁତ୍ଵ ଓ ନୀତିଆଦର୍ଶରେ ଅନୁପ୍ରାଣିତ ହୋଇ ଦେଶ ଗଠନରେ ସହାୟକ ହେବାକୁ ପରାମର୍ଶ ଦେଇଥିଲେ | ଏହି ଅବସରରେ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀଙ୍କୁ ଅତିଥିମାନେ ପୁରସ୍କୃତ କରିଥିଲେ। ମଞ୍ଚ ପରିଚାଳନାରେ ସହକାରୀ ଶିକ୍ଷକ ସରୋଜ ପଧାନ,ସମ୍ବିତ ବିଶ୍ଵାଳ,ସରୋଜ ଧଳ ଓ ସ୍ବେଚ୍ଛାସେବୀ ମୁନ ଗଡତ୍ୟା ସହଯୋଗ କରିଥିଲେ ।ଶେଷରେ ବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା।