02-Feb-2025

ବରୀ(ରଞ୍ଜିତ ମହାନ୍ତି): ଜାତିର ପିତା ମହାତ୍ମା ଗାନ୍ଧୀଙ୍କ ତିରୋଧାନ ଦିବସ ଓ ବିଶିଷ୍ଟ ଗାନ୍ଧୀବାଦୀ, ବରିଷ୍ଠ ସ୍ତମ୍ଭକାର, ମିଳିତ ଓଡ଼ିଶା ନିଶା ନିବାରଣ ଅଭିଯାନର ସଭାପତି ତଥା ପୂର୍ବତନ ବିଧାୟକ ପଦ୍ମଚରଣ ନାୟକଙ୍କ ୧୦୦ତମ ଜନ୍ମଦିନ ସ୍ଥାନୀୟ ଗୋପବନ୍ଧୁ ଚୌଧୁରୀ ମହାବିଦ୍ୟାଳୟ ଠାରେ ବରୀ ପୂଜ୍ୟପୂଜା ପରିଷଦ ପକ୍ଷରୁ ଆୟୋଜିତ ମଦମୁକ୍ତ ଭାରତ ଗଠନ ଉପରେ ଏକ ଆଲୋଚନା ଚକ୍ର  ଅନୁଷ୍ଠାନର ଆବାହକ ସମାଜସେବୀ ସତ୍ୟରଞ୍ଜନ କରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି l ଆଲୋଚନା ଚକ୍ରର ଉଦଘାଟକ ତଥା ମୁଖ୍ୟଅତିଥି ରୂପେ ମହାବିଦ୍ୟାଳୟର ଅଧ୍ୟକ୍ଷ୍ୟ ପ୍ରବୋଧ ସାମଲ ଯୋଗଦେଇ ମହାତ୍ମା ଗାନ୍ଧୀ ଜୀବନୀକୁ ପାଠକଲେ ଛାତ୍ର ଛାତ୍ରୀମାନଙ୍କୁ ଜାତୀୟ ପ୍ରେମି ମଣିଷ ଭାବରେ ଗଠନ ନିମନ୍ତେ ପ୍ରେରଣା ଯୋଗାଇବ ସହ ପଦ୍ମଚରଣ ନାୟକଙ୍କ ନିଷ୍ଠାକୁ ଇତିହାସ ମନେରଖିବ ବୋଲି କହିଥିଲେ l ଗାନ୍ଧିବାଦୀ ମଣିଷ କୁଳମଣୀ ଶୁକ୍ଳ  ମୁଖ୍ୟବକ୍ତା ଭାବରେ ଯୋଗଦେଇ ଶ୍ରୀଯୁକ୍ତ ନାୟକଙ୍କ କାର୍ଯ୍ୟ ଧାରାକୁ ମୂଲ୍ୟାୟନ କରିଥିଲେ l ସମ୍ମାନିତଅତିଥି ଭାବେ କୃଷକନେତା ପ୍ରଶାନ୍ତ ବେହୁରିଆ ଯୋଗଦେଇ l ଅଧ୍ୟାପକ ସୁଦୀପ୍ତ ବିଶ୍ୱାଳ ଅତିଥି ପରିଚୟ ପ୍ରଦାନ କରିଥିଲେ ବେଳେ ଅଧ୍ୟାପକ ରଶ୍ମିରଂଜନ ପତି ସ୍ୱାଗତ ଅଭିଭାଷଣ ଦେଇଥିଲେ l ମହାବିଦ୍ୟାଳୟର ଛାତ୍ର ବାଦଲ କୁମାର ନାଥଶର୍ମା ସ୍ୱାଗତ ସଂଗୀତ ପରିବେଷଣ କରିଥିଲେ l ଉକ୍ତ ଆଲୋଚନା ଚକ୍ରରେ ବହୁ ଛାତ୍ର, ଯୁବକ, ଯୋଗ ଦେଇ ଥିବା ବେଳେ ଅଧ୍ୟାପକ ସତ୍ୟସୋରୂପ ଦାସ ଧନ୍ୟବାଦ ଦେଇଥିଲେ l ଜାତିର ପିତା ମହାତ୍ମା ଗାନ୍ଧୀଙ୍କ ଅମର ଆତ୍ମାର ସଦଗତି ନିମନ୍ତେ ଦୁଇ ମିନିଟ ନୀରବ ପ୍ରର୍ଥନା କରିବା ସହ ସ୍ଲୋଗାନ ଦେଇ କାର୍ଯ୍ୟକ୍ରମ ଆରମ୍ଭ କରାଯାଇଥିଲା l