01-Feb-2025

ଆଗଲପୁର, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ର ମିଶନ ଶକ୍ତି ଭବନ ଠାରେ ବ୍ଲକ୍ ସ୍ତରୀୟ ଦକ୍ଷତା ଭିତ୍ତିକ ଶିବିର ଅନୁଷ୍ଠିତ ହୋଇଯାଇଛି l ଏହି ଶିବିରରେ ମୁଖ୍ୟ ଅତିଥି ଭାବେ ବ୍ଲକ୍ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ ଯୋଗ ଦେଇଥିଲେ l ଏହାସହ ଆଗଲପୁର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି ଯୋଗ ଦେଇଥିଲେ l ଜିଲ୍ଲା ସ୍ଵତନ୍ତ୍ର ନିୟୋଜନ ଅଧିକାରୀ ଶ୍ରୀ ଭରତ ଦାସ, ମାନ୍ୟବର ସ୍ବାସ୍ଥ୍ୟ ମନ୍ତ୍ରୀ ଙ୍କ ପ୍ରତିନିଧି ଶ୍ରୀ ପିତାମ୍ବର କଣ୍ଟା ଓ ବ୍ଲକ୍ ବି ପି ଏମ ଶ୍ରୀ ସରୋଜ ଧରୁଆ ପ୍ରଭୃତି ମଂଚାସୀନ ଥିଲେ। ଏହି କାର୍ଯ୍ୟକ୍ରମ କୁ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ଓଡ଼ିଶା ସରକାର ଙ୍କ ଦ୍ଵାରା ଆୟୋଜିତ ହୋଇଥିଲା l

ଏହି କାର୍ଯ୍ୟକ୍ରମ ମାଧ୍ୟମରେ ବେକାରୀ ପିଲା ମାନଙ୍କ ର ଦକ୍ଷତା ର ବିକାଶ ହୋଇ ପାରିବ ବୋଲି ଅତିଥି ମାନେ ସୂଚନା ଦେଇଥିଲେ l ଏହି କାର୍ଯକ୍ରମ ଦ୍ଵାରା ପିଲା ମାନଙ୍କୁ ମାଗଣା ରେ ରହିବା ଖାଇବା ସହିତ ବିଭିନ୍ନ ଟ୍ରେଡ ରେ ଶିକ୍ଷା ଦିଆ ଦେବାର ବ୍ୟବସ୍ଥା ରହିଛି l ଯଦ୍ୱାରା ଅନେକ ପରିମାଣ ରେ ନିଯୁକ୍ତି ସୃଷ୍ଟି ହୋଇ ପାରିବ ବୋଲି ନିୟୋଜନ ଅଧିକାରୀ ସୂଚନା ଦେଇଛନ୍ତି l ଏହାଦ୍ଵାରା ପିଲା ମାନେ ବିଭିନ୍ନ ବିଭାଗରେ ନିଯୁକ୍ତି ପାଇ ପାରିବେ l ଆଜି ସର୍ବମୋଟ ଶହେ ରୁ ଅଧିକ ପିଲା ନିଜ ନିଜ ନାମ ପଞ୍ଜିକରଣ କରିଛନ୍ତି l ବ୍ଲକ୍ ଜୀବିକା ସଂଯୋଜକ ଶ୍ରୀ ଜ୍ଞାନରଞ୍ଜନ ସା ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆଜିର ତାଲିମ ଶିବିର ପରିଚାଳିତ ହୋଇଥିଲା