01-Feb-2025

ବଲାଙ୍ଗୀର/ତରଭା(ପ୍ରେରଣା ଖବର): ତରଭା ବ୍ଲକଅନ୍ତର୍ଗତ ମେଣ୍ଡା ହାଇସ୍କୁଲର ବାର୍ଷିକୋତ୍ସବ ପାଳିତ ହୋଇଯାଇଛି । ପ୍ରଧାନଶିକ୍ଷକ ଝସକେତନ ମେହେରଙ୍କ ସଭାପତିତ୍ୱ ଓ ସହକାରୀ ଶିକ୍ଷକ ଚିତ୍ତରଂଜନ ବଣ୍ଡକିଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ତରଭା ବ୍ଲକଶିକ୍ଷାଅଧିକାରୀ ନାରାୟଣ ମିଶ୍ର, ସମ୍ମାନୀତ ଅତିଥି ଭାବରେ ପଞ୍ଚସଖା ଶିକ୍ଷାସେତୁର ସଭାପତି ନାରାୟଣ ଝାଙ୍କର, ସ୍କୁଲ ପରିଚାଳନା କମିଟିର ସଭାପତି ଅଶୋକ ବିଶି, ପିତା ମହୁଲ ସ୍କୁଲର ପ୍ରଧାନଶିକ୍ଷୟିତ୍ରୀ ମଞ୍ଜୁଲତା ଜଗଦଲା,ବରିଷ୍ଠ ଶିକ୍ଷକ ନୀଳକାନ୍ତ ବେହେରା ଓ ମୁଖ୍ୟବକ୍ତା ଭାବରେ ମେଣ୍ଡା ଫାଣ୍ଡି ଅଧିକାରୀ ରବିନ୍ଦ୍ରକୁମାର ସାହୁ ଯୋଗ ଦେଇଥିଲେ । ଛାତ୍ରଛାତ୍ରୀ ମାନେ କଠିନ ପରିଶ୍ରମ କରି ଏକ ଉତ୍ତମଚରିତ୍ର ଗଠନ କରିବାକୁ ଅତିଥିଗଣ ଛାତ୍ରଛାତ୍ରୀଙ୍କୁ ଉପଦେଶ ଦେଇଥିଲେ। ଏହି ଅବସରରେ ଗତବର୍ଷ ୨୦୨୫୪ ମାଟ୍ରିକ ବୋର୍ଡରେ ସ୍କୁଲରୁ ଏ୧ ଗ୍ରେଡ ରଖିଥିବା ଛାତ୍ରୀ ସୁଲଗ୍ନା ଫରିକାର, ଚଳିତବର୍ଷର ଶ୍ରେଷ୍ଠଛାତ୍ର  ସୁବ୍ରତ ମେହେର ଓ ଅନ୍ୟାନ୍ୟ କୃତୀ ଛାତ୍ରଛାତ୍ରୀଙ୍କୁ ପୁରସ୍କାର ଓ ସାର୍ଟିଫିକେଟ ଦେଇ ସମ୍ମାନୀତ କରାଯାଇ ଥିଲା। ଏହି ବିଦ୍ୟାଳୟରୁ ଅନ୍ୟ ବିଦ୍ୟାଳୟକୁ ବଦଳିହୋଇ ଯାଇଥିବା ଶିକ୍ଷକ ଓ କର୍ମଚାରୀଙ୍କୁ ମଧ୍ୟ ସମ୍ମାନୀତ କରାଯାଇଥିଲା। ଶିକ୍ଷୟିତ୍ରୀ ମୀନତୀ ନାୟକ ସ୍ୱାଗତ ଭାଷଣ ଦେଇଥିବା ବେଳେ ଶିକ୍ଷକ ଚିତ୍ତରଂଜନ ବଣ୍ଡକି ବିରରଣୀ ପଠନ କରି ସଭାକାର୍ଯ୍ୟ ପରିଚାଳନା କରିଥିଲେ । ଉଦଘାଟନୀ ଉତ୍ସବରେ ଶିକ୍ଷକ ସନ୍ତୋଷ କୁମାର ସାହୁ ଓ ଉଦଯାପନୀ ଉତ୍ସବରେ ମଧୁସୁଦନ ନାଏକ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ହୋଇଥିବା ବିଭିନ୍ନ ପ୍ରତିଯୋଗିତାର କୃତୀ ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରାଯାଇଥିଲା। ଶେଷରେ ଛାତ୍ରୀମାନଙ୍କ ଦ୍ୱାରା ସାଂସ୍କୃତିକ ବିଚିତ୍ରା  କାର୍ଯ୍ୟକ୍ରମ ପରିବେଷଣ କରାଯାଇ ଥିଲା ।