25-Jan-2025

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)"ବିବାହ " ଏମିତି ଏକ ବନ୍ଧନ ଯାହା ଯୁଗ ଯୁଗ ଧରି ରହି ଆସିଛି। ସତ୍ୟଯୁଗର ଶିବ ପାର୍ବତୀ ଙ୍କ ବିବାହ ଗାଥା ଶୁଣିବାକୁ ମିଳେ ତ ତ୍ରେତୟା ଯୁଗର ରାମ ସୀତା ଙ୍କ ବିବାହ ଗାଥା ଶୁଣିବାକୁ ମିଳେ। ଦ୍ଵାପର ଯୁଗରେ ଶ୍ରୀକୃଷ୍ଣ ଓ ରୁକ୍ମିଣୀ ଙ୍କ ଶୁଣିବାକୁ ମିଳେ। ଏହି କଳିଯୁଗେ ମଧ୍ୟ ହିନ୍ଦୁ ଧର୍ମରେ "ବିବାହ" ବନ୍ଧନକୁ ପବିତ୍ର ସମ୍ପର୍କ କୁହାଯାଏ। କିନ୍ତୁ ଏ ଆଧୁନିକ ଯୁଗରେ ସେହି ପବିତ୍ର ସମ୍ପର୍କରେ କଲଙ୍କିତ କରୁଛନ୍ତି କିଛି ଅମଣିଷ ଯାହାକି ପୁରା ମାନବ ସଭ୍ୟତାର ମର୍ଯ୍ୟାଦା ହାନୀ ହେଉଛି। ପ୍ରତିଦିନ ପ୍ରତି ମୂହୁର୍ତ୍ତ ରେ ବିବାହ ଦମ୍ପତି ଙ୍କ ଉପରେ ବିଭିନ୍ନ ଗଣମାଧ୍ୟମରେ ଖବର ପ୍ରକାଶିତ ହେଉଅଛି। କେତେବେଳେ ସ୍ତ୍ରୀ କୁ ନିର୍ଯାତନାର ଶିକାର ହେବାକୁ ପଡୁଛି ତ କେତେବେଳେ ସ୍ବାମୀ ହାତରେ ସ୍ତ୍ରୀ ର ବଳି ପଡୁଛି କିଛି ସ୍ବାମୀ ସ୍ତ୍ରୀଙ୍କ ମଧ୍ୟରେ ଛାଡ଼ପତ୍ର ହୋଇ ଅଲଗା ହେଉଛନ୍ତି ସେଥିପାଇଁ ଦାୟୀ ମଣିଷ ର ହୀନ ମାନସିକତା।
ବିବାହ କାହିଁକି କରାଯାଏ ? ନିଜ ପିଢ଼ି କୁ ଜୀବିତ ରଖିବା ପାଇଁ ବିବାହ କରାଯାଇଥାଏ। ନିଜ ସମ୍ପ୍ରଦାୟର ଗୋଟିଏ ଝିଅ ଓ‌ ଗୋଟିଏ ପୁଅକୁ ବିବାହ ବନ୍ଧନରେ ବାନ୍ଧି ଦିଆଯାଇଥାଏ। ବିବାହ ବନ୍ଧନରେ ଆବଦ୍ଧ ହେବା ପରେ ଦୁହେଁ ଦୁହିଁଙ୍କୁ ଚିରଦିନ ସକାଶେ ଯୁଡି ହୋଇ ରହିଥାନ୍ତି। ବିବାହ ପରେ ଗୋଟିଏ ନାରୀ ଗୋଟିଏ ପୁରୁଷ କୁ ସବୁ ସମର୍ପିତ କରିଥାଏ । ନିଜ ତନ,ମନ ଦେଇ ମାନିନେଇଥାଏ। ଆଗାମୀ ପିଢ଼ି ତିଆରି କରିବାକୁ ହେଲେ ଦୁଇ ଜଣ ଙ୍କ ମଧ୍ୟରେ ସମ୍ପର୍କ ସ୍ଥାପନ କରିବାକୁ ପଡିଥାଏ। ହେଲେ ସେହି ସମ୍ପର୍କ କୁ କଲଙ୍କିତ କରି ଦେଇଥାନ୍ତି କିଛି କୁଳାଙ୍ଗାର।

ସୂଚନା ଅନୁସାରେ ନୂଆପଡ଼ା ଜିଲ୍ଲା କୋମନା ଥାନା ଅଞ୍ଚଳର ଜଣେ ଯୁବକ ବଲାଙ୍ଗିର ଜିଲ୍ଲା ପାଟଣାଗଡ଼ ଥାନା ଅଞ୍ଚଳର ଜଣେ ଯୁବତୀକୁ ବୈଦିକ ରୀତିରେ ବିବାହ କରିଥିଲେ।ଦୁଇ ଜଣ ଙ୍କ ସମ୍ପର୍କ ସ୍ଥାପନ ହେବା ସମୟର କିଛି ଆପତ୍ତିଜନକ ଫଟୋ ଓ ଭିଡ଼ିଓ କରି ରଖିଥିଲେ। ଯେତେବେଳେ କିଛି ଅର୍ଥ ପାଇବା ପାଇଁ ଲୋଭ ଜାତ ହେଲା ସେତେବେଳେ ସ୍ତ୍ରୀ କୁ ଟଙ୍କା ମାଗିଥିଲେ। ସ୍ତ୍ରୀ ଟଙ୍କା ନ ଦେବାରୁ ସେ ସ୍ବାମୀ ଜଣକ ମଣିଷ ରୁ ପିଚାଶ ପାଳଟି ଅନ୍ତରଙ୍ଗ ଫଟୋ ଓ ଭିଡ଼ିଓ କୁ ସୋସିଆଲ ମିଡିଆରେ ଭାଇରାଲ କରିଦେଲା ।ଏ ବିଷୟରେ ଝିଅ ଘରେ‌ ଖବର ପାଇ ପାଟଣାଗଡ଼ ଥାନାରେ ଅଭିଯୋଗ କରିବା ପରେ ପାଟଣାଗଡ଼ ଥାନା କେଶ୍ ନମ୍ବର ୨୮/୨୪ ଆଇ ଟି ଆକ୍ଟ ଅନୁସାରେ ଆସାମୀ କୁ କୋର୍ଟ ଚାଲାଣ କରାଯାଇଥିବା ଉପଖଣ୍ଡ ପୋଲିସ ଅଧିକାରୀ ସଦାନନ୍ଦ ପୁଝାରୀ ସାମ୍ବାଦିକ ସମ୍ମିଳନୀରେ କହିଛନ୍ତି।