25-Jan-2025

ନାକଟିଦେଉଳ (କନ୍ଦର୍ପ ବେହେରା )
ରେଢାଖୋଲ ଉପଖଣ୍ଡ-ନିର୍ବାଚନ ମଣ୍ଡଳୀ ଅନ୍ତର୍ଗତ ନାକଟିଦେଉଳ ଠାରେ ଓଡିଶା ରାଜ୍ୟ ସରକାର ତଥା ଉପଖଣ୍ଡ ପ୍ରଶାସନ ର ନିର୍ଦ୍ଦେଶ ଅନୁଯାୟୀ ବ୍ଲକ୍ ସ୍ତରୀୟ ଜାତୀୟ ମତଦାତା ଦିବସ ପାଳିତ ହୋଇଯାଇଛି ା ନାକ୍ଟିଦେଉଳ ବିଡିଓ କ୍ଷମାନିଧି ଭୋଇ, ସ୍ନାତକ ମହାବିଦ୍ୟାଳୟ ର ବରିଷ୍ଠ ଅଧ୍ୟାପକ ଦେବେଶ କୁମାର ବିଶ୍ବାଳ ଓ ଉଚ୍ଚ ମାଧ୍ୟମିକ ବିଦ୍ୟାଳୟ ର ଅଧ୍ୟକ୍ଷ ହେମାନନ୍ଦ ପ୍ରଧାନ ଙ୍କ ପରିଚାଳନା ରେ ଛାତ୍ରଛାତ୍ରୀ ମାନେ ଏକ ସଚେତନତା ରାଲି ରେ ନାକଟିଦେଉଳ ମହାବିଦ୍ୟାଳୟ ଠାରୁ ବାହାରି ବ୍ଲକ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲେ ା ନାକଟିଦେଉଳ ପଞ୍ଚାୟତ ସମିତି ରେ ବିଡିଓ ଶ୍ରୀ କ୍ଷମାନିଧି ଭୋଇ ଙ୍କ ସଭାପତିତ୍ବ ରେ ଆୟୋଜିତ ସଚେତନତା ସଭା ରେ ସମ୍ମାନୀତ ଅତିଥି ଭାବେ ନାକଟିଦେଉଳ ଏଚ୍ ଏସ୍ ଏସ୍ ର ଅଧ୍ୟକ୍ଷ ହେମାନନ୍ଦ ପ୍ରଧାନ, ଡିଗ୍ରୀ କଲେଜ ର ରେଡକ୍ରସ୍ ପ୍ରୋଗ୍ରାମ ଅଫିସର ଦେବେଶ କୁମାର ବିଶ୍ବାଳ, ଅଧ୍ୟାପକ ସୁଭାଷ ଚନ୍ଦ୍ର ବେହେରା ଓ ଅଧ୍ୟାପିକା ଗିରିଶବାଳା ନାୟକ ଯୋଗ ଦେଇ ଅଧିକାର ତଥା କର୍ତ୍ତବ୍ୟ ଭାବେ ଭୋଟ୍ ଦାନ ର ଆବଶ୍ୟକତା ଓ ଭୋଟଦାନ ପାଇଁ ସଂକଳ୍ପ ବିଷୟରେ ଆଲୋକପାତ କରିଥିଲେ ା ପଞ୍ଚାୟତ ସମ୍ପ୍ରସାରଣ ଅଧିକାରୀ ରବିନ୍ଦ୍ର କୁମାର ସାହୁ ଜାତୀୟ ମତଦାତା ଦିବସ ର ଆଭିମୁଖ୍ୟ ଓ ଗୁରୁତ୍ବ ବିଷୟ ରେ ଆଲୋଚନା କରିଥିଲେ ା ବିଡିଓ ଶ୍ରୀ ଭୋଇ ସଚେନତା ସଭାରେ ଉପସ୍ଥିତ ସମସ୍ତ ଶିକ୍ଷକ,ଶିକ୍ଷୟତ୍ରୀ, ଛାତ୍ର ଛାତ୍ରୀ ମାନଙ୍କୁ ଦେଶର ଗଣତାନ୍ତ୍ରିକ ପରମ୍ପରା କୁ ବଜାୟ ରଖିବା, ମୁକ୍ତ ଅବାଧ ଶାନ୍ତିପୁର୍ଣ୍ଣ ନିର୍ବାଚନ ର ଗାରିମା କୁ ଅକ୍ଷୁର୍ଣ ରଖିବା ସହିତ ନିର୍ଭୀକତା ସହିତ ପ୍ରଲୋଭନ ରେ ପ୍ରଭାବିତ ନ ହୋଇ ନିଜ ମତାଧିକାର ସାବ୍ୟସ୍ତ କରିବାର ଶପଥ ପାଠ କରାଇଥିଲେ ା ପୁର୍ବରୁ ଆୟୋଜିତ କରାଯାଇଥିବା ପ୍ରବନ୍ଧ ଓ ତର୍କ ପ୍ରତିଯୋଗିତା ରେ ସଫଳତା ହାସଲ କରିଥିବାଛାତ୍ର ଛାତ୍ରୀ ମାନଙ୍କୁ ପୁରସ୍କୁତ କରାଯାଇଥିଲା ା