24-Jan-2025

ତୁଷୁରା(ପଞ୍ଚାନନ ନାଏକ): ତୁଷୁରା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଚଳିତ ବର୍ଷର "ବନ ବିହାର" କାର୍ଯ୍ୟକ୍ରମ ସ୍ଥାନୀୟ ବାପୁଜୀ ଆଶ୍ରମ ଠାରେ ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ଡ. ହେମନ୍ତ କୁମାର ଦାଶଙ୍କ ନେତୃତ୍ୱରେ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ, ପାଚିକା ତଥା ପରିଚାଳନା ସମିତିର ସଦସ୍ୟ ସଦସ୍ୟାଙ୍କୁ ନେଇ ଉକ୍ତ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଛାତ୍ରଛାତ୍ରୀଙ୍କ ମଧ୍ୟରେ ଗୀତ, ପଦ୍ଯାନ୍ତ, ନୃତ୍ୟ, ଖେଳ ଆଦି ପ୍ରତିଯୋଗିତା କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ଯୁବ ସମାଜସେବୀ ବିଭୋର କେଡିଆ ମୁଖ୍ୟ ଅତିଥି ଭାବେ ଯୋଗ ଦେଇ ନିଜେ ଏକ ହିନ୍ଦୀ ଗୀତ ଗାଇ ପିଲାମାନଙ୍କର ମନୋରଞ୍ଜନ କରିଥିଲେ। ସହକାରୀ ଶିକ୍ଷୟିତ୍ରୀ ପ୍ରଶାନ୍ତି ଦାସ, ରଞ୍ଜିତା ନାଗ, ବିନ୍ଦୁ ମହାଣା ଓ ଆକାଂକ୍ଷା ରାଣୀ ଯୋଶୀ ଶିଶୁ ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା କରାଇଥିବା ବେଳେ ପାଚିକା ଗୀତା ଦର୍ଜୀ, ଗୁଣମତି ମହାଲିଙ୍ଗ, ସତ୍ଯପ୍ରଭା ଠେଲା, ହୃଷିକେଶ ଦାସ ସହଯୋଗ କରିଥିଲେ। ସାଂସ୍କୃତିକ କାର୍ଯ୍ୟକ୍ରମ ରେ ଗଗନ ସୁନା ଓ ପ୍ରତିଭା ଛତ୍ରିଆ ସହଯୋଗ କରିଥିଲେ।