23-Jan-2025

ବରୀ ବ୍ଲକ ତରଫରୁ ଆଜି ଗୋପବନ୍ଧୁ ଚୌଧୁରୀ ମହାବିଦ୍ୟାଳୟ ପରିସରରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ୨୦୨୫ ଅନୁଷ୍ଠିତ ହୋଇଯାଇଛି। ଏହି ଶିବିର କୁ ବରୀ ବ୍ଲକ ଅଧ୍ୟକ୍ଷ ଅଶୋକ କୁମାର ଗେଡି ଓ ସାଂସଦ ଙ୍କ ପ୍ରତିନିଧି ଅଭୟ ପଳେଇ ପହଞ୍ଚି ଉଦ୍ଘାଟନ କରିଥିଲେ। ପ୍ରଶାସନ ସାମାଜିକ ସୁରକ୍ଷା ଏବଂ ଭିନ୍ନକ୍ଷମ ସଶକ୍ତିକରଣ ବିଭାଗ ପକ୍ଷରୁ ଆୟୋଜିତ ଏହି ଶିବିରରେ ଭିନ୍ନକ୍ଷମ ପ୍ରମାଣପତ୍ର ପାଇପାରିନଥିବା ଭିନ୍ନକ୍ଷମ ବ୍ୟକ୍ତି ମାନଙ୍କୁଡାକ୍ତରୀ ଟିମ ଉପସ୍ଥିତ ରହି ବିଭିନ୍ନ ପରୀକ୍ଷା ନିରୀକ୍ଷା ଓ ଯାଞ୍ଚ କରିଥିଲେ। ଏହି ଶିବିର କୁ ପରେ ଉପଯୁକ୍ତ ଯୋଗ୍ୟ ଭିନ୍ନକ୍ଷମ ବ୍ୟକ୍ତି ମାନଙ୍କୁ ଚିହ୍ନଟ କରାଯାଇ ସେମାନଙ୍କୁ ଭିନ୍ନକ୍ଷମ ପ୍ରମାଣପତ୍ର ସହ ବିଭିନ୍ନ ଆବଶ୍ୟକୀୟ ଉପକରଣ ପ୍ରଦାନ କରାଯାଇଛି । କାର୍ଯ୍ୟକ୍ରମରେ ବରୀ ବିଡିଓ ଅସିତ୍ କୁମାର ମହାନ୍ତି,ବରୀ ବ୍ଲକ ଅଧକ୍ଷ ଅଶୋକ କୁମାର ଗେଡି ପହଞ୍ଚି ସମସ୍ତ କାର୍ଯ୍ୟ ସଠିକ ଭାବେ ଚାଲିଛି କି ନାହି ବୁଲି ଦେଖିଥିଲେ। ଏହି ଶିବିର ରେ ମୋଟ ୫୬୬ ଜଣ ଦିବ୍ୟାଙ୍ଗ ବିଭିନ୍ନ ବିଭାଗରେ ସେମାନଙ୍କ ର ନାମ ପଞ୍ଜିକୃତ କରିଛନ୍ତି। ଶାରୀରିକ, ଅସ୍ଥିସଲ୍ୟରେ ୨୪୧ ଜଣ , ମାନସିକ ବିଭାଗରେ ୧୧୮ଜଣ ,ଦୃଷ୍ଟି ବାଧିତବିଭାଗ ୭୮ ,ଶ୍ରବଣ ବାଧିତ ବିଭାଗରେ ୮୫ଜଣ ଓ ସେହିପରି ଔଷଧ ବିଭାଗରେ ୪୪ ଜଣ ଦିବ୍ୟାଙ୍ଗ ନାମ ପାଞ୍ଜିକରଣ କରିଛନ୍ତି ବୋଲି ବରୀ ବ୍ଲକ ଅତିରିକ୍ତ ଉନ୍ନୟନ ମହେଶ୍ୱର ସେଠୀ ସୂଚନା ଦେଇଛନ୍ତି। ଗ୍ରାମ ପଞ୍ଚାୟତ ସମ୍ପ୍ରଶାରଣ ଅଧିକାରି ଲକ୍ଷ୍ମୀକାନ୍ତ ମହାରଣା,ମୁଖ୍ୟ କିରାଣୀ ସରୋଜ କୁମାର ମହାନ୍ତି,ବ୍ଲକ ସାମାଜିକ ସୁରକ୍ଷା ଅଧିକାରୀ ରଞ୍ଜିତ କୁମାର ଜେନା ଙ୍କ ସମେତ ସମସ୍ତ ବିଭାଗୀୟ ଅଧିକାରୀ ମାନେ ଏହି ଶିବିର ରେ ଉପସ୍ଥିତ ଥିଲେ। ଏହି ଶିବିର ରେ ବିଭିନ୍ନ ବିଭାଗର ଡ଼ାକ୍ତର ମାନେ ପରୀକ୍ଷା ନିରୀକ୍ଷା କରି ପ୍ରମାଣ ପତ୍ର ଦେବାର ବ୍ୟବସ୍ଥା କରିଛନ୍ତି।

(ରଞ୍ଜିତ ମହାନ୍ତିଙ୍କ ରିପୋର୍ଟ)