22-Jan-2025

କଣ୍ଟାମାଳ(ଜୟ କୁମାର ମହାରଣା):  ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଘଣ୍ଟାପଡ଼ାସ୍ଥିତ ସରସ୍ଵତୀ ଶିଶୁବିଦ୍ୟାମନ୍ଦିର ପ୍ରାଙ୍ଗଣରେ ଅଞ୍ଚଳରେ ପ୍ରଥମ ସଂସ୍କାରିତ ଭବ୍ୟ ୩୧ କୁଣ୍ଡୀୟ ବିଶ୍ଵଶାନ୍ତି  ବୈଦିକ  ମହାଯଜ୍ଞ  ଓ ବେଦାରମ୍ଭ ସଂସ୍କାର ଅନୁଷ୍ଠିତ ହୋଇଯାଇଛି   l   ଜଗତର କଲ୍ୟାଣ ନିମନ୍ତେ ଅଧ୍ୟକ୍ଷ ପୂଜ୍ୟ ସ୍ଵାମୀ ସୁଧାନନ୍ଦ ସରସ୍ଵତୀ ଶ୍ରୁତିନ୍ୟାସ ଙ୍କ ବ୍ରହ୍ମତ୍ଵ ରେ ଆୟୋଜିତ ଉକ୍ତ ବୈଦିକ କାର୍ଯ୍ୟକ୍ରମ ରେ ଆମ୍ବଗାଁ ପଞ୍ଚାୟତ କୁରୁକୁପା ନିବାସୀ ଶ୍ରୀମତୀ ମୀନତି  ଗରିଆ  ଓ  ଶ୍ରୀଯୁକ୍ତ ମଧୁସୂଦନ ଘିବେଲାଙ୍କ ଏକମାତ୍ର ପୁତ୍ର ଆୟୁଷ୍ମାନ ଶ୍ରୁତି ପ୍ରୟାସ  ର ଶୁଭ ବ୍ରତୋପନୟନ ଓ ବେଦାରମ୍ଭ ସଂସ୍କାର ବୈଦିକ ରୀତିନୀତି ରେ ସମ୍ପନ୍ନ ହୋଇଛି   l   କାର୍ଯ୍ୟକ୍ରମରେ ବହୁ ଶ୍ରଦ୍ଧାଳୁ ଓ ଜ୍ଞାନପିପାସୁ ଯୋଗଦେଇଥିଲେ I  ଏହି  କାର୍ଯ୍ୟକ୍ରମରେ  ବ୍ରହ୍ମାପୁଜ୍ୟ  ସ୍ଵାମୀଜୀ  ମହାରାଜ ମନୁଷ୍ୟ ଜୀବନରେ ଯଜ୍ଞ ର  ମହତ୍ତ୍ୱ ,ବ୍ରତୋପନୟନ ଓ  ବେଦାରମ୍ଭ ସଂସ୍କାର ର ଆବଶ୍ୟକତା ତଥା  ନିଜ ଜୀବନ ନିର୍ମାଣ  ଉପରେ ବେଦ ବର୍ଣ୍ଣିତ ବାଣୀ ମାର୍ଗଦର୍ଶନ କରିଥିଲେ I ୩୧ ଯୋଡି ଯଜମାନଙ୍କ ସହ ଉକ୍ତ କାର୍ଯ୍ୟକ୍ରମରେ  ଭାଗ ନେଇ ଥିବା ଶତାଧିକ  ବେଦ ପ୍ରେମୀ  ସ୍ଵାମୀଜୀ ଙ୍କ ପ୍ରବଚନ ରେ ଅନୁପ୍ରାଣିତ ହୋଇ  ନିଜ  ଜୀବନରୁ କୁସଂସ୍କାର, କୁନୀତି ଦୂର କରିବା ପାଇଁ ଶପଥ ନେଇଥିଲେ I ବେଦ ପ୍ରଚାର ସମିତି ବୌଦ୍ଧ ଓ ସୋନପୁରର କାର୍ଯ୍ୟକର୍ତ୍ତା ମାନେ ଭଜନ ଓ ଯଜ୍ଞ ପରିଚାଳନା ରେ  ସହଯୋଗ କରିଥିଲେ I