19-Jan-2025

ନୂଆଁପଡ଼ା: ସିନାପାଲି କଲେଜ ନିକଟ ମଣ୍ଡି ପଡ଼ିଆ ଠାରେ ସିନାପାଲି ଓ କାପସିର ମିଳିତ ଆନୁକୂଲ୍ୟରେ ଅନୁଷ୍ଠିତ ପଞ୍ଚାୟତସ୍ତରୀୟ ମାଁ ଗଢିଆଣି କ୍ରିକେଟ ଟୁର୍ଣ୍ଣାମେଣ୍ଟର ସେମିଫାଇନାଲରେ ହାତିବନ୍ଧା ଓ ଖଡ଼ିଆଳ ଦଳ ବିଜୟୀ ହୋଇଛନ୍ତି। ଫଳରେ ଉଭୟ ହାତିବନ୍ଧା ଓ ଖଡ଼ିଆଳ ୟୁନାଇଟେଡ଼ ବ୍ରଦର୍ଶ ମଧ୍ୟରେ ଫାଇନାଲ ମୁକାବିଲା ହେବ ବୋଲି ସୂଚନା ମିଳିଛି। ଆଜିର ପ୍ରଥମ ସେମି ଫାଇନାଲରେ ସିନାପାଲି କୁ ହରାଇ ହାତିବନ୍ଧା ବିଜୟୀ ହୋଇଥିବା ବେଳେ ବୋଡେ଼ନ (ଟେମରି)କୁ ହରାଇ ଖଡ଼ିଆଳ ୟୁନାଇଟେଡ଼ ବ୍ରଦର୍ସ ବିଜୟୀ ହୋଇ ଫାଇନାଲକୁ ଉନ୍ନୀତ ହୋଇଛି। ବୋଡେ଼ନ (ଟେମରି) ଟସ ଜିଣି ପ୍ରଥମେ ବ୍ୟଟିଙ୍ଗ କରି ନିର୍ଦ୍ଧାରିତ ଦଶ ଓଭରରେ ୬ ବିକେଟ ବିନିମୟ ରେ ୧୧୯ ରନ ସଂଗ୍ରହ କରିଥିଲା। ଜବାବରେ ଖଡ଼ିଆଳ ୟୁନାଇଟେଡ଼ ବ୍ରଦର୍ସ ୮.୫ ଓଭରରେ ୪ ବିକେଟ ହରାଇ ୧୨୫ ରନ ସଂଗ୍ରହ କରି ବିଜୟୀ ହୋଇଥିଲା। ଆଜିର ମ୍ୟାଚରେ ପୟୋଜ କଶ୍ୟପ ଓ ଧନଞ୍ଜୟ ମେହେର ଖେଳ ପରିଚାଳନା କରିଥିବା ବେଳେ ନରେନ୍ଦ୍ର ନାଏକ ଓ ନରେଶ ମାଝୀ ଖେଳର ଧାରା ବିବରଣୀ ପ୍ରଦାନ କରିଥିଲେ। ରବିବାର ହାତିବନ୍ଧା ଓ ଖଡ଼ିଆଳ ୟୁନାଇଟେଡ଼ ବ୍ରଦର୍ସ ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହେବ। ଆଜିର  ଏହି ସେମିଫାଇନାଲରେ କ୍ରୀଡ଼ାବିତ ରଜନୀ ମାଝୀ, ସାମ୍ବାଦିକ ସନ୍ତୋଷ କୁମାର ବାଗ, ରାହୁଲ ରଣା ପ୍ରମୁଖ ଅତିଥି ଭାବରେ ଯୋଗ ଦେଇ ଖେଳାଳିଙ୍କୁ ଉତ୍ସାହିତ କରିଥିଲେ। ଏଥିରେ ଆୟୋଜକ କମିଟିର ସଭାପତି ଚିତ୍ତରଞ୍ଜନ ମେହେର, ଉପସଭାପତି ସଞ୍ଜୀବ ଭକ୍ତ, ସମ୍ପାଦକ ଅଜୟ ବାଗ, କୋଷାଧ୍ୟକ୍ଷ ଗିରିଶ ଚନ୍ଦ୍ର ମେହେର ପ୍ରମୁଖଙ୍କ ସମେତ ସମସ୍ତ ସଦସ୍ୟ ଉପସ୍ଥିତ ରହି ଖେଳ ପରିଚାଳନାରେ ସହଯୋଗ କରୁଛନ୍ତି।

(ରିପୋର୍ଟ: ପରମେଶ୍ୱର ମେହେର)