19-Jan-2025

ବିନିକା(ହିମାଂଶୁ ଶେଖର ପୁଟେଲ) ଭାରତ ସରକାରଙ୍କ କ୍ରୀଡା ଓ ଯୁବ ବିକଶ ମନ୍ତ୍ରଣାଳୟ ପକ୍ଷରୁ ଅନୁଷ୍ଠିତ ଯୁବ ବିକାଶ କାର୍ଯ୍ୟକ୍ରମରେ ଭାଗନେଇ ସଂସ୍କୃତି ସଂଚାଲିକା ପାଣିଗ୍ରାହୀ ନିର୍ଭୀକ ଓ ଦକ୍ଷତାର ସହିତ ଯୁବ ନେତୃତ୍ୱ ବାର୍ତ୍ତା ପ୍ରଦାନ କରି ସୁବର୍ଣ୍ଣପୁର ଜିଲ୍ଲା ପାଇଁ ଗୌରବ ଆଣିଥିବାରୁ ସବୁ ମହଲରେ ଖୁସିର ଲହରୀ ଖେଳିଯାଇଛି।ସୂଚନା ଯୋଗ୍ୟ ଯେ ସୁଶ୍ରୀ ସଂସ୍କୃତି ସଂଚାଲିକା ବିନିକା ବ୍ଲକ ସିଲାଟି ଗ୍ରାମର ।ସେ ବିନିକା ସିଦ୍ଧାର୍ଥ ଡ଼ିଗ୍ରୀ କଲେଜ ଓଡ଼ିଆ ଅଧ୍ୟାପିକା ଶ୍ରୀମତୀ ପ୍ରମିତା କୁମାରୀ ମିଶ୍ର ଓ ପିତା ଜୟାନନ୍ଦ ପାଣିଗ୍ରାହୀଙ୍କ ଝିଅ ।ସ୍କୁଲରେ ପାଠ ପଢିବା ସାଙ୍ଗକୁ ଦୃଢ ମନବଳ ନେଇ ସଂସ୍କୃତି ବିଭିନ୍ନ ଅନୁଷ୍ଠାନ ପକ୍ଷରୁ ଆୟୋଜିତ ପ୍ରତିଯୋଗିତା ମାନଙ୍କରେ ଭାଗନେଇ ସଫଳତା ପାହାଚ ଅତିକ୍ରମ କରିବାର ଲାଗିଛନ୍ତି ।ସେ ବର୍ତ୍ତମାନ ସରକାରୀ ଆଦର୍ଶ ବିଦ୍ୟାଳୟରେ ଦଶମ ଶ୍ରେଣୀରେ ଅଧ୍ୟୟନ କରୁଥିବା ବେଳେ ଭୁବନେଶ୍ୱର ସ୍ଥିତ ଏକ ଘରୋଇ ମହାବିଦ୍ୟାଳୟରେ ନିଟ ପ୍ରସ୍ତୁତି ଚଳାଇଛନ୍ତି । ସରକାରଙ୍କ କ୍ରୀଡା ଓ ଯୁବ ବିକାଶ ମନ୍ତ୍ରଣାଳୟ ପତ୍ର ସଂଖ୍ୟା ୯୧ ତା ୨/୧/୨୦୨୫ ଦ୍ଵାରା ବିଜ୍ଞପ୍ତି କାର୍ଯ୍ୟକ୍ରମରେ ଭାଗନେଇ ସଂସ୍କୃତି ସୁବର୍ଣ୍ଣପୁର ଜିଲ୍ଲାରୁ ଚୟନ ହୋଇଥିଲେ । ଭାରତ ସରକାରଙ୍କ ତରଫରୁ ଚଳିତ ମାସ ୯ତାରିଖରୁ ୧୨ତାରିଖ ପର୍ଯ୍ୟନ୍ତ ଦିଲ୍ଲୀ ସ୍ଥିତ ଭାରତ ମଣ୍ତପମ ଠାରେ ଆୟୋଜିତ କାର୍ଯ୍ୟକ୍ରମରେ ଓଡ଼ିଶା ସରକାରଙ୍କ ତତ୍ତ୍ୱାବଧାନରେ ସଂସ୍କୃତି ସଞ୍ଚାଲିକା ଭୁବନେଶ୍ୱରରୁ ଦିଲ୍ଲୀ ଗସ୍ତ କରି ସେଠାରେ ଯୁବ ସଶକ୍ତି କରଣ ଉପରେ ତୃଣମୂଳ ସ୍ତରରେ ଯୁବକ ମାନଙ୍କୁ

କିପରି ସଶକ୍ତି କରାଯାଇ ପାରିବ ଓ ଏକ ରାଷ୍ଟ୍ର ଏକ ଶିକ୍ଷାନୀତି ଉପରେ ପୁଙ୍ଖାନୁପୁଙ୍ଖ ତଥ୍ୟ ଉପସ୍ଥାପନ କରିବାର ସୁଯୋଗ ପାଇଥିଲେ ।ସେହିପରି ନିଜ ମାଟି ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ସ୍ଥିତ ବାବା କପିଳେଶ୍ୱର ଓ ମା ଚରଦେଇଙ୍କ ଐତିହ୍ୟ ଓ ସଂସ୍କୃତି ଉପରେ ବର୍ଣ୍ଣିତ ଏକ ପୁସ୍ତକକୁ ମାନ୍ୟବର କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ପ୍ରଦାନ କରିଥିଲେ ।ଯୁବ ବିକାଶ କାର୍ଯ୍ୟକ୍ରମରେ ଭାଗନେଇ ସଂସ୍କୃତି ଦେଶ ପାଇଁ ଯୁବକ ମାନଙ୍କ ଲକ୍ଷ୍ୟ,କର୍ତ୍ତବ୍ୟ ଓ ବିକଶିତ ଭାରତ ଗଠନର ଭୂମିକା ଉପରେ ବାର୍ତ୍ତା ପ୍ରଦାନ କରି ଯୁବ ସମାଜକୁ ଜାଗ୍ରତ କରିଥିବାରୁ ସମ୍ପ୍ରତି ବିନିକା ଅଞ୍ଚଳବାସୀଙ୍କ ପକ୍ଷରୁ ପ୍ରଶଂସା କରାଯାଇଛି ।