19-Jan-2025

ହରଭଙ୍ଗା - ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ଅନ୍ତର୍ଗତ ତିଳେଶ୍ୱର ହାଇସ୍କୁଲ ଖେଳପଡିଆ ଠାରେ ବଜାର ଆସୋସିଏସନ ପକ୍ଷରୁ ୨୧ତମ ତିଳେଶ୍ୱର କପ ରାଜ୍ୟସ୍ତରୀୟ ଫୁଟବଲ ଟୁର୍ନାମେଣ୍ଟ ଚତୁର୍ଥ ଦିନର ମ୍ୟାଚ ଶନିବାର ଅନୁଷ୍ଠିତ ହୋଇଯାଇଛି  । ଆଜିର  ମ୍ୟାଚ୍  ସୁରଜ ଫୁଟବଲ କ୍ଲବ ଫୁଲବାଣୀ ଓ ଫୁଟବଲ କ୍ଲବ ସମ୍ବଲପୁର ମଧ୍ୟରେ ରୋମାଞ୍ଚକର ମ୍ୟାଚ ଅନୁଷ୍ଠିତ ହୋଇ ଥିଲା । ଉଭୟ ଦଳର ସଂଘର୍ଷପୂର୍ଣ୍ଣ ମ୍ୟାଚ ମଧ୍ୟରେ  ମଧ୍ୟାନ୍ତର ସୁଦ୍ଧା  ଫୁଲବାଣୀ ପକ୍ଷରୁ ଗୋଟିଏ ଗୋଲ କରି ୧.୦ ଗୋଲ ରେ ଆଗୁଆ ରହିଥିବା ବେଳେ  ଖେଳର ଦ୍ଵିତୀୟାର୍ଦ୍ଧ  ରେ ଆଉ ଏକ ଗୋଲ ସ୍କୋର କରି ଦଳର ସ୍କୋର ସଂଖ୍ୟା ୨ କୁ ବୃଦ୍ଧି କରିଥିଲେ । ମ୍ୟାଚ ସମାପ୍ତ ହେବା ପର୍ଯ୍ୟନ୍ତ ସମ୍ବଲପୁର ଦଳ ଗୋଲ ପରିଷଦ କରିପାରିନଥିଲା । ତେଣୁ ଫୁଲବାଣୀ ଦଳ ୨.୦ ଗୋଲୀ ବିଜୟୀ ହୋଇ ଟୁର୍ଣ୍ଣାମେଣ୍ଟ ଦ୍ଵିତୀୟ ସେମିଫାଇନାଲ୍ କୁ ପ୍ରବେଶ କରିଛି ।
  ଏଥିରେ ମୁଖ୍ୟ ଅତିଥି ଭାବରେ ସମାଜ ସେବୀ ନିରାକାର ଭୋଇ   , ସ୍ଵତନ୍ତ୍ର ଅତିଥି ଭାବେ ପୁରୁଣାକଟକ ଭାରତୀୟ ଷ୍ଟେଟ ବ୍ୟାଙ୍କ ଶାଖା ପରିଚାଳକ ଶୁସାନ୍ତ ପ୍ରଧାନ, ତିଳେଶ୍ୱର ପଂଚାୟତ ନାଏକ ସରପଞ୍ଚ ରାଜେଶ୍ୱରୀ ପ୍ରଧାନ , ସମାଜସେବୀ ବିପୁଳ ବିପୁଳ ବିଶ୍ୱାସ ଯୋଗ ଦେଇଥିବା ବେଳେ  ସମ୍ମାନିତ ଅତିଥି ଭାବରେ  ଆସୋଷିଏସନ ର ମୁଖ୍ୟ ଉପଦେଷ୍ଟା ପ୍ରଶାନ୍ତ ପ୍ରଧାନ,ସଭାପତି ଅର୍ଜୁନ ପ୍ରଧାନ ଓ ସମ୍ପାଦକ ମହେଶ୍ୱର ମହାପାତ୍ର ମଞ୍ଚାସିନ ଥିଲେ ।   ଖେଳକୁ  ମୁଖ୍ୟ ରେଫରି ଭାବରେ  ଦିଲ୍ଲୀପ ରାଉତ ପରିଚାଳନା କରିଥିବା ବେଳେ ଲାଇନସ ଭାବେ ଲକ୍ଷ୍ମଣ ସେଠ ,ସଲିଲ ବେହେରା  ଓ ଚତୁର୍ଥ ରେଫରି ଭାବେ ପାପୁନ୍ ବେହେରା  ଦାୟିତ୍ୱ ତୁଲାଇ ଥିଲେ l ସିମୁନ ନାଏକ ଙ୍କ ଦ୍ୱରା ଖେଳ ର ଧାରା ବିବରଣୀ ପ୍ରଦାନ କରାଯାଇଥିଲା  l ପୂର୍ବରୁ ଅନେକ ବଚ୍ଛା ବଚ୍ଛା ଦଳ ପଡିଆ ରେ ଖେଳ ପ୍ରଦର୍ଶନ କରି ଥିବା ବେଳେ ଆଜିର ମ୍ୟାଚରେ ବିଦେଶୀ ଖେଳାଳି ଭାବେ ବରଗଡ଼ ଦଳରେ ନାଇଜେରିଆ ର ୨ ଜଣ ଖେଳାଳିଙ୍କ ଖେଳ ଦେଖିବାକୁ ସୁଦୂର ଅନୁଗୋଳ ଜିଲ୍ଲା ଆଠମଲ୍ଲିକ, ବୌଦ୍ଧ ଜିଲ୍ଲା ର ବିଭିନ୍ନ ସ୍ଥାନରୁ ହଜାର ହଜାର ଦର୍ଶକ ଙ୍କ ଗହଳି ପରିଲକ୍ଷିତ ହୋଇଥିବା ଦେଖିବାକୁ ମିଳିଥିଲା । ଏଥିରେ ଆସୋଷିଏସନ ର ନାରାୟଣ ମହାନ୍ତି, ବିକାଶ ମିଶ୍ର, ଅଜିତ ମହାନ୍ତି, ଶୁଭ୍ରଜିତ ପ୍ରଧାନ, ପ୍ରବୀଣ ବେହେରା, କିନୁ ବେହେରା, କାହ୍ନା ବାରିକ, ବୁଲୁନ ବେହେରା ଙ୍କ ସମେତ  ସମସ୍ତ କର୍ମ କର୍ତ୍ତା ସହଯୋଗ କରିଥିଲେ l