18-Jan-2025

ଆଗଲପୁର, (ବିନୋଦ ଦୀପ) ସରକାରଙ୍କ ଅଦ୍ଵେକା ଅଧୀନରେ କିଶୋରୀ ବାଳିକା ମାନଙ୍କୁ ନେଇ ପ୍ରକଳ୍ପ ସ୍ତରୀୟ ପ୍ରତିଭା ଅନ୍ୱେଷଣ କାର୍ଯକ୍ରମ ଆଗଲପୁର ବ୍ଲକ୍ ମିଶନ୍ ଶକ୍ତି ଭବନ ରେ ଅନୁଷ୍ଠିତ ହୋଇଥିଲା l ଏହି କାର୍ଯକ୍ରମ ରେ ମୁଖ୍ୟ ଅତିଥି ଭାବରେ ବ୍ଲକ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ ଯୋଗ ଦେଇଥିଲେ l ଏହାସହ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି ଓ ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀମତୀ ଶୁଭଶ୍ରୀ ମିଶ୍ର ଉପସ୍ଥିତ ଥିଲେ l ତାଙ୍କ ସହିତ ଜିଲ୍ଲା ବାଲ୍ୟ ବିବାହ ସଂଯୋଜିକା ସନ୍ଧ୍ୟାରାଣୀ ପତି ମଧ୍ୟ ଉପସ୍ଥିତ ରହି କାର୍ଯ୍ୟକ୍ରମ ସମ୍ପାଦନ କରିଥିଲେ l ଏହି କାର୍ଯ୍ୟକ୍ରମ ରେ କିଶୋରି ବାଳିକା ମାନଙ୍କୁ ନେଇ ନୃତ୍ୟ, ଚିତ୍ରାଙ୍କନ ଏବଂ ପ୍ରବନ୍ଧ ଲିଖନ ଇତ୍ୟାଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା l ବ୍ଲକ୍ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ ନିଜର ଅଭିଭାଷଣ ପ୍ରଦାନ କରିବା ସହିତ କୃତିଛାତ୍ରୀ ମାନଙ୍କୁ ମାନପତ୍ର ଦେଇ ପୁରସ୍କୃତ କରିଥିଲେ l ବ୍ଲକ୍ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି ମଧ୍ୟ ନିଜ ଅଭିଭାଷଣ ରେ ନାରୀ ମାନେ ସବୁବେଳେ ପୂଜନୀୟ ବୋଲି ସମ୍ବୋଧିତ କରିଥିବା ସହିତ ଝିଅ ମାନେ ପାଠ ପଢ଼ି ସମସ୍ତ କ୍ଷେତ୍ରରେ ନିଜର ପାରଦର୍ଶିତା ଲାଭ କରି ଆଗକୁ ଯାଆନ୍ତୁ ବୋଲି ନିଜ ମନ୍ତବ୍ୟରେ ପ୍ରକାଶ କରିଥିଲେ l ଉକ୍ତ କାର୍ଯ୍ୟକ୍ରମ କୁ ମମତା ପ୍ରୋଗ୍ରାମ ଆସିଷ୍ଟାଣ୍ଟ ସୁଶ୍ରୀ ପ୍ରଣତି ନାୟକ ପରିଚାଳନା କରିଥିଲେ l ମହିଳା ସୁପରଭାଇଜର ଶ୍ରୀମତୀ ପଦ୍ମିନୀ ପାତ୍ର, ପ୍ରଫୁଲ୍ଲ କୁମାରୀ ଦୋରା, ଦୁଲାରି ଧରୁଆ, ଅନୁପମା ନାଏକ, ବରିଷ୍ଠ ସହାୟକ ସୋମନାଥ ମିର୍ଦ୍ଧା, କନିଷ୍ଠ ସହାୟକ ବିକାଶ ନାଏକ ଓ ନବନିତ୍ ମେହେର, ପୋଷଣ ସହାୟକ ପଙ୍କଜ୍ ମାଝୀ, ମିସନ୍ ଶକ୍ତି ବ୍ଲକ୍ ପ୍ରକଳ୍ପ ସଂଯୋଜକ ସୁବାଷ ଚନ୍ଦ୍ର ବିଶି ଯୋଗ ଦେଇଥିଲେ l ସଂଯୋଜକ ତଥା ଏକାଉଣ୍ଟାଣ୍ଟ ଶ୍ରୀ ସୁଶାନ୍ତ ରାଏ ଗରିଆ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ l କାର୍ଯ୍ୟକ୍ରମ ଶେଷରେ ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀମତୀ ଶୁଭଶ୍ରୀ ମିଶ୍ର ଧନ୍ୟବାଦ୍ ଅର୍ପଣ କରିଥିଲେ l