15-Jan-2025

କଣ୍ଟାମାଳ:  ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ପଲଶାଗୋରା ର ପ୍ରସିଦ୍ଧ ମକରମେଳା ମଙ୍ଗଳବାର ଦିନ ଆରମ୍ଭ ହୋଇଯାଇଛି |ସକାଳୁ ବାବା କପିଳେଶ୍ଵରର ଙ୍କ ପୀଠରେ ମକର ଚାଉଳ ଭୋଗ ଲାଗି ହେବାପରେ ବାବାଙ୍କ ସେବକ ନିରଞ୍ଜନ ଖମାରୀ, ଅଚ୍ୟୁତ ଖମାରୀ, ବ୍ରହ୍ମାନନ୍ଦ ଖମାରୀ, ଅଜିତ ଖମାରୀ ମକର ଚାଉଳ ସର୍ବସାଧାରଣରେ ମକର ଚାଉଳ ବାଣ୍ଟିଥିଲେ |ଏହି ମକର ଚାଉଳ ପରସ୍ପର ପରସ୍ପର କୁ ଖୁଆଖୁଇ ହୋଇ ଯୁବକ ଯୁବତୀ ମକର ଓ ମିତ ବସିଥିଲେ |ସକାଳ 9ଘଣ୍ଟାରେ ବାବା ଙ୍କ ମନ୍ଦିର ସମ୍ମୁଖରେ ନାମଯଞ୍ଜ ଆରମ୍ଭ ହୋଇଥିଲା |ଯଞ୍ଜରେ ରାମ ପ୍ରଧାନ ଓ ତାଙ୍କ ଧର୍ମପତ୍ନୀ କୁନି ପ୍ରଧାନ କର୍ତ୍ତା ଦାୟିତ୍ୱ ତୁଲାଇ ଥିଲେ |ପୂଜକ ବନମାଳୀ ପ୍ରହରାଜ ପୂଜା କାର୍ଯ୍ୟ ତୁଲାଇଥିଲେ |ମଧ୍ୟାହ୍ନ ରୁ ଧିରେ ଧିରେ ଲୋକଙ୍କ ସମାଗମ ଦେଖିବାକୁ ମିଳିଥିଲା |ସନ୍ଧ୍ୟାରେ କମିଟି ସଭାପତି ରବୀନ୍ଦ୍ର ପ୍ରଧାନ ଙ୍କ ଅଧ୍ୟକ୍ଷତାରେ ଆୟୋଜିତ ସାଂସ୍କୃତିକ ସଭାରେ ମୁଖ୍ୟ ଅତିଥି ଭାବେ କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗ, ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ସଭ୍ୟା ପଦ୍ମାଳୟା ପ୍ରଧାନ,ସ୍ଥାନୀୟ ସରପଞ୍ଚ ସୌଦାମିନୀ ମଲିକ, ରୁଣ୍ଡିମହୁଲ ସରପଞ୍ଚ ପଞ୍ଚାନନ ସାହୁ,ସ୍ବେଛାସେବୀ ପୁରନ୍ଦର କର୍ମୀ, ଯୁବନେତା ତଥା ସ୍ବେଛାସେବୀ ଶିତିକଣ୍ଠ ମିଶ୍ର, ଡାକ୍ତର ସୁବ୍ରତ ଚନ୍ଦ୍ର ମିଶ୍ର ଯୋଗଦେଇ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ |ଏହି ଅବସରରେ କମିଟି ତରଫରୁ ବିଧାୟକ କହ୍ନେଇ ଡାଙ୍ଗ,କୃଷ୍ଣଚନ୍ଦ୍ର ମଲିକ, ଯତନ ସେଠି,ଦିଲ୍ଲୀପ ମହାନ୍ତି, ଲକ୍ଷ୍ମଣ ମହାପାତ୍ର, ଜଳନ୍ଧର ବେହେରା ଙ୍କୁ ମାନପତ୍ର ଓ ଉପଢୌକନ ଦେଇ ସମ୍ମାନିତ କରାଯାଇଥିଲା |କାର୍ଯ୍ୟକ୍ରମ କୁ ଅଚ୍ୟୁତ ଖମାରୀ ସଂଯୋଜନା କରିଥିଲେ |ପରେ ମଞ୍ଚରେ ବରପଦର ବଉଳି କଳାପରିଷଦ ଓ କଳାହାଣ୍ଡି ର ସାନ ଓ ବଡ଼ ଘୁଡୁକା ନୃତ୍ୟ ପରିବେଷଣ କରିଥିଲେ |କାର୍ଯ୍ୟକ୍ରମ ପରିଚାଳନାରେ ପଞ୍ଚାନନ ଖମାରୀ,ନବୀନ ମହାକୁଡ଼, ଗୌର ପ୍ରଧାନ, ମହାଦେବ ପ୍ରଧାନ ଓ ଅନ୍ୟମାନେ ସହଯୋଗ କରିଥିଲେ |