14-Jan-2025

ବଲାଙ୍ଗୀର: ବଲାଙ୍ଗୀର ସହରର ତାଲପାଲିପଡା/ବରପାଲିପଡା ମାଁଚନ୍ଦ୍ରାସେନୀ ପୂଜାକମିଟି ପକ୍ଷରୁ ଆଜି ପବିତ୍ର ମକରସଂକ୍ରାନ୍ତି ଉପଲକ୍ଷେ ସୁନ୍ଦରାକାଣ୍ଡ ପାରାୟଣ ଅନୁଷ୍ଠିତ ହୋଇଯାଇଛି । ଏକ ଆଧ୍ୟାତ୍ମିକ ପରିବେଶ ମଧ୍ୟରେ ଭଜନକିର୍ତ୍ତନରେ ପଡା ଉତ୍ସବ ମୁଖର ହୋଇ ଉଠିଥିଲା । ଏଥିରେ ଯୁବଗାୟକ ଲିପକ ମିଶ୍ର ବ୍ୟାସ ହୋଇ ସୁନ୍ଦରାକାଣ୍ଡ

ଗାୟନ ଓ ଭଜନ କାର୍ଯ୍ୟକ୍ରମ କରିଥିଲେ । ପୂଜାକମିଟିର ପ୍ରଦୀପ ଷଢଙ୍ଗୀ ଓ ତାଙ୍କ ଧର୍ମପତ୍ନୀ ମମତା ଷଢଙ୍ଗୀ କର୍ତ୍ତା ଦାୟୀତ୍ୱ ନେଇଥିଲେ । ଲିପକ ମିଶ୍ର ଓ ତାଙ୍କ ସାଂସ୍କୃତିକ ଟିମର ଭଜନ ଦର୍ଶକଙ୍କୁ ବିଭୋର କରିଦେଇଥିଲା । ଏହି କାର୍ଯ୍ୟକ୍ରମରେ ସଂକ୍ରାନ୍ତିଗ୍ରୂପର ଶତାଧିକ ମହିଳାମାନେ ସାମିଲ ହୋଇଥିଲେ । ପୂଜାକମିଟିର ପିଣ୍ଟୁ ଦାସ,କୃଷ୍ଣଚନ୍ଦ୍ର ପଟ୍ଟନାୟକ,ସୌରଭ ମେହେର,ଗୋବର୍ଦ୍ଧନ ନେଗୀ, ଜ୍ଞାନ ନାଏକ,ରାକେଶ ପଧାନ ପ୍ରମୁଖ କାର୍ଯ୍ୟକ୍ରମକୁ ସହଯୋଗ କରି ସଫଲ କରାଇଥିଲେ ।