14-Jan-2025

 ବଲାଙ୍ଗୀର (ପ୍ରେରଣା ଖବର): ଆଜି ମଙ୍ଗଳବାର ମାଁ ଉଗ୍ରତାର ସାଂସ୍କୃତିକ କଳାକାର ସଂଘ କୁଶଙ୍ଗ ଆନୁକୂଲ୍ୟରେ ମକରମିଳନ ଉତ୍ସବ ସ୍ଥାନୀୟ କଳାକାର ସଂଘ କାର୍ଯ୍ୟାଳୟ ପ୍ରାଙ୍ଗଣ ରେ ଅନୁଷ୍ଠିତ ହୋଇଯାଇଛି। ଉକ୍ତ ଅନୁଷ୍ଠିତ ସଭା ଅବସରରେ ବରିଷ୍ଠ କଳାକାର କରୁଣାକର ବାଗ, ସଭାପତି ମାଁ ଉଗ୍ରତାର ସାଂସ୍କୃତିକ କଳାକାର ସଂଘ କୁଶଙ୍ଗ ସଭାପତିତ୍ୱ କରିଥିଲେ। ମୁଖ୍ୟ ଅତିଥି ଭାବରେ ଲୋଇସିଙ୍ଗା ବ୍ଲକ କଳାକାର ସଂଘର ସଭାପତି  ସରୋଜ ବିଶ୍ୱାଳ ଯୋଗ

ଦେଇଥିବା ବେଳେ ସମ୍ମାନିତ ଅତିଥି ଭାବରେ ସମାଜସେବୀ ତଥା ବିଜେଡି ଯୁବ ନେତା ନିହାର ରଞ୍ଜନ ବେହେରା ଓ ଲୋଇସିଂହା ବ୍ଲକ କଳାକାର ସଂଘ ସମ୍ପାଦକ ସରୋଜ ମହାକୁର, ମୁଖ୍ୟ ବକ୍ତା  ଦୂତିଆ ଦେହେରି, ଆବାହକ ଗୋଲକ ବିହାରୀ ପଟେଲ ଉପସ୍ଥିତ ଥିଲେ। ସଭାକୁ ସଂଯୋଜନା କରିଥିଲେ ପ୍ରେମାନନ୍ଦ ପଟେଲ। ପ୍ରତିବର୍ଷ ଭଳି ଏ ବର୍ଷ ମଧ୍ୟ ସ୍ବର୍ଗତ ସଂଗୀତ ଗୁରୁ ଦମ୍ବୋଦର ଭୋଇ ସ୍ମୃତି ସମ୍ମାନ ବରିଷ୍ଠ କଳାକାର ସାଧୁ ଚରଣ ବିଶିଙ୍କୁ ପ୍ରଦାନ କରାଯାଇଥିଲା। ଉକ୍ତ ଉତ୍ସବରେ କଳାକାର ମାନେ ବିଭିନ୍ନ ଲୋକକଳା ଓ ଲୋକଵାଦ୍ୟ,  ଲୋକନୃତ୍ୟ ଉପରେ ଆଧାରିତ ଦାସକାଠିଆ, କରମା, ସମ୍ପ୍ରଦା, ହୁମୋ, ହାଲିଆ ଗୀତ, ସମ୍ବଲପୁରୀ ନୃତ୍ୟ ଆଦି ପରିବେଷଣ କରିଥିଲେ। ଏହି କାର୍ଯ୍ୟକ୍ରମକୁ ସଂଗଠନର କର୍ମକର୍ତା ସୁବଳ ଖଟୁଆ, ଗୋପାଳ ହୋତା, ଉଦ୍ଧବ ସା, ଲୋକନାଥ ପଟେଲ, ରବୀନ୍ଦ୍ର ଚନ୍ଦ୍ର ସାହୁ,ଦାଶରଥି ଦାସ, ଉଦ୍ଧବ ବେହେରା ସମେତ ସମସ୍ତ କର୍ମକର୍ତା ସହଯୋଗ କରିଥିଲେ। ସ୍ବର୍ଗତ ସଂଗୀତ ଗୁରୁ ଦାମୋଦର ଭୋଇ ସ୍ମୃତି

ସମ୍ମାନ ସମୟ ରେ ତାଙ୍କ ପରିବାର ସଦସ୍ୟ ପୁତ୍ର ବିନୋଦ ବିହାରୀ ଭୋଇ ପୁତ୍ରବଧୂ ଶ୍ରୀମତୀ ବାନ୍ଧବୀ ଭୋଇ, ନାତି ଭବାନୀ ଶଙ୍କର ଭୋଇ, ନାତିବୋହୁ ଶ୍ରୀମତୀ ଗୋପେଶ୍ବରୀ ଭୋଇ ଉପସ୍ଥିତ ଥିଲେ। ଉକ୍ତ କାର୍ଯ୍ୟକ୍ରମକୁ ଗ୍ରାମର ତଥା ଆଖ ପାଖ ଗାଁର ଶତାଧିକ ଦର୍ଶକ ଉପଭୋଗ କରିଥିଲେ। ଶ୍ରୀ ପ୍ରେମାନନ୍ଦ ପଟେଲ ପରିଶେଷରେ ରେ ଧନ୍ୟବାଦ ଅର୍ପଣ କରିଥିଲେ।