14-Jan-2025

ଲୋଇସିଂହା, (ବିନୋଦ ଦୀପ) ଲୋଇସିଂହା ସ୍ଥିତ ଦୁର୍ଗାମଣ୍ଡପ ଠାରେ ୧୫ ତମ ଲୋଇସିଂହା ମହୋତ୍ସବ ଅନୁଷ୍ଠିତ ହୋଇଯାଇଛି l ପୁଷ୍ ପୁନି ଅବସରରେ ଆୟୋଜିତ ଏହି ୨ ଦିନିଆ ଉତ୍ସବକୁ ଆୟୋଜକ କମିଟି ଏକ ବିଶାଳ ମଶାଲ ଶୋଭାଯାତ୍ରା କରି ଉତ୍ସବ ସ୍ଥଳକୁ ପହଂଚି ସ୍ଥାପନା କରିଥିଲେ l ଉକ୍ତ କାର୍ଯ୍ୟକ୍ରମରେ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ମନ୍ତ୍ରୀ ଡ ମୁକେଶ ମହାଲିଙ୍ଗ ମୂଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ କ୍ରୀଡା, ଯୁବ, ସଂସ୍କୃତି ଓ ଉଚ୍ଚ ଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୁରଜ୍ ଓ ବଡ଼ସାହି ବିଧାୟକ ସନାତନ ବିଜୁଳି ସମ୍ମାନିତ ଅତିଥି ଭାବେ ଯୋଗଦେଇ ଥିଲେ l  ପଶ୍ଚିମ ଓଡ଼ିଶାର ମହାନ୍ କୃଷି ଭିତ୍ତିକ ପର୍ବ ପୁଷ୍ ପୁନି ର ମହକ ସାରା ରାଜ୍ୟରେ ମହକୁ ବୋଲି ଅତିଥି ବୃନ୍ଦ କହିବା ସହିତ ଲୋଇସିଂହା ର ଆତିଥ୍ୟ କୁ ମନ୍ତ୍ରୀ ସୂର୍ଯ୍ୟବଂଶୀ ସୁରଜ୍ ଘୋର ପ୍ରଶଂସା କରିଥିଲେ l ଆଗାମୀ ଦିନରେ ଏହି ଉତ୍ସବ କୁ ଅଧିକ ଲୋକାଭିମୁଖୀ କରିବା ଦିଗରେ ମଧ୍ୟ ସେ ଚେଷ୍ଟା କରିବେ ବୋଲି କହିଥିଲେ l ଉତ୍ସାହ ବଢ଼ିଲେ ଉତ୍ସବ ଓ ଧୀରେ ଧୀରେ ମହୋତ୍ସବ ହୁଏ ବୋଲି ବିଧାୟକ ଶ୍ରୀ ବିଜୁଳି ନିଜ ବକ୍ତବ୍ୟରେ କହିଥିଲେ । ପଶ୍ଚିମ ଓଡ଼ିଶାର ପୁଷପୁନି ର ସଂସ୍କୃତି ଓ ପରମ୍ପରା କୁ ସାରା ଓଡ଼ିଶା ଜାଣିବା ଦରକାର ବୋଲି ସ୍ୱାସ୍ଥ୍ୟ ମନ୍ତ୍ରୀ ଡ. ମହାଲିଙ୍ଗ ପ୍ରକାଶ କରିଥିଲେ l ଏହାସହ ଏ ଅଞ୍ଚଳ ର ସାମୁହିକ ବିକାଶ ପାଇଁ ସେ ପ୍ରତିଶ୍ରୁତି ବଦ୍ଧ ବୋଲି ନିଜ ବକ୍ତବ୍ୟରେ କହିଥିଲେ l ଅନ୍ୟ ମାନଙ୍କ ମଧ୍ୟରେ ଆୟୋଜକ କମିଟି ସଭାପତି ରବୀନ୍ଦ୍ର ପୁଟେଲ, ସମ୍ପାଦକ ଭୂତନାଥ ନାଏକ ମଞ୍ଚାସୀନ ଥିଲେ l ଏହି ଅବସରରେ ଅତିଥି ମାନଙ୍କୁ ସ୍ମାରକୀ ସ୍ୱରୂପ ନିଜ ନିଜ ଫଟୋ ଚିତ୍ର ପ୍ରଦାନ କରାଯାଇଥିବା ବେଳେ ବିଶିଷ୍ଟ ଶିଳ୍ପୀ ଶଙ୍କର ବେଜ ମଧ୍ୟ ପୁଆଲ ରେ ନିର୍ମିତ ଫଟୋ ଚିତ୍ର ଦେଇଥିଲେ । ପୂର୍ବରୁ କମେଡିଆନ ବିନ୍ଦୁ ଦର୍ଶକ ଙ୍କୁ ହସାଇ ଥିବା ବେଳେ ପୁରୀ ର ଶିଳ୍ପୀ ଅନୁଷ୍ଠାନ ର କଳାକାର ଜଗନ୍ନାଥଙ୍କ ଉପରେ କଳା ପ୍ରଦର୍ଶନ କରିଥିଲେ l ସେହିପରି ସ୍ଥାନୀୟ କଳାକାର ଙ୍କ ପକ୍ଷରୁ ମଧ୍ୟ ବିଭିନ୍ନ ପ୍ରକାର ର କଳା ପ୍ରଦର୍ଶନ କରାଯାଇଥିଲା l ଉକ୍ତ କାର୍ଯ୍ୟକ୍ରମକୁ ଜ୍ୟୋତି ପ୍ରକାଶ ସାହୁ ସଂଯୋଜନା କରିଥିବା ବେଳେ ମହୋତ୍ସବ ର ସମସ୍ତ କର୍ମକର୍ତ୍ତା କାର୍ଯ୍ୟକ୍ରମ ରେ ସହଯୋଗ କରିଥିଲେ l