13-Jan-2025

ବୀରମହାରାଜପୁର,( ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ବାଗବର ପଞ୍ଚାୟତ ଅନ୍ତର୍ଗତ ନୂଆଗଡ ଠାରେ ପବିତ୍ର ମକର ସଂକ୍ରାନ୍ତି ଅବସରରେ ଅଷ୍ଟ ପ୍ରହରୀ ନାମ ଯଜ୍ଞ ପାଇଁ ସୋମବାର କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ସକାଳୁ ମହାନଦୀ ପଠାରେ ଗଙ୍ଗାମାତା ଙ୍କୁ ଆବାହନ କରି ରୀତିନୀତି ଅନୁସାରେ ପୂଜାର୍ଚ୍ଚନା କରାଯାଇଥିଲା। ଗ୍ରାମର ବହୁ ମହିଳା ଓ ପୁରୁଷ ହରିବୋଲ,ହୁଳହୁଳି , ସଂକୀର୍ତ୍ତନ ଓ ଶଙ୍ଖ ଧ୍ବନିରେ ଏକ ଆଧ୍ୟାତ୍ମିକ ପରିବେଶରେ ନଗର ପରିକ୍ରମା କରାଯାଇଥିଲା। ପରେ ନାମ ମଣ୍ଡପ ଠାରେ ପହଞ୍ଚି କଳସ ସ୍ଥାପନ କରିଥିଲେ। ଏଥିରେ ପୂଜକ  ସାରଙ୍ଗ ଦାସ ଓ ପ୍ରଦୀପ କୁମାର ରଥ ପୂଜା କାର୍ଯ୍ୟ ତୁଲାଇଥିବା ବେଳେ  ସୌମିତ୍ରୀ ଦଣ୍ଡସେନା ଓ ଧର୍ମପତ୍ନୀ କର୍ତ୍ତା ଦାୟିତ୍ୱ ତୁଲାଇଥିଲେ। ଏଥିରେ କମିଟିର ସଭାପତି  ଅଜିତ କୁମାର ରଥ,ସମ୍ପାଦକ  ଚୈତନ୍ୟ ଝାଙ୍କର ,ପିଙ୍କୁ ରଥ,ଇଶ୍ୱରଚନ୍ଦ୍ର ବାରିକ,ଦାମୋଦର ଦେହୁରୀ,ରଞ୍ଜନ ନାୟକ,ପାଣ୍ଡବ ସେଠୀ,ଦୁର୍ଯ୍ୟୋଧନ ଝାଙ୍କର,ସୁଧୀର ପଧାନ ,ପ୍ରବୀଣ ରଥ,ଅଶୋକ ଦେହୁରୀ ପ୍ରମୁଖ ସାମିଲ ହୋଇ ପରିଚାଳନା କରିଥିଲେ। ସେହିପରି ସୁବଳୟା ଅଷ୍ଟମ ବାବା ଅବଧୂତ ମହୋତ୍ସବ ପାଇଁ ରୀତିନୀତି ଅନୁସାରେ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି।