12-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ପୂର୍ବତନ ପ୍ରଧାନ ଶିକ୍ଷକ ଶ୍ରୀ ସୁଧାଂଶୁ ତ୍ରିପାଠୀ ଙ୍କ ଅଧ୍ୟକ୍ଷତା ରେ  ବିଶାଖା ଦାଶ ହାଇସ୍କୁଲ କଟାପାଲି (ବରପାଲି )ଠାରେ ବିଶିଷ୍ଟ ଶିଳ୍ପପତି, ସମାଜସେବୀ ତଥା ପୂର୍ବତନ ରାଜ୍ୟ ସଭା ସଂସଦ ଇଲା ପଣ୍ଡା ଙ୍କ ବିଂଶତମ ଶ୍ରାଦ୍ଧ ବାର୍ଷିକୀ ମହା ସମାରୋହରେ ପାଳିତ ହୋଇ ଯାଇ ଅଛି l ଅତିଥି ମାନଙ୍କ ଦ୍ୱାରା ଦୀପ ପ୍ରଜ୍ବଳନ ପରେ ହାଇସ୍କୁଲ ର ଛାତ୍ରୀ ମାନେ ପ୍ରାରମ୍ଭିକ ସଂଗୀତ ଗାନ କରିଥିଲେ l ସ୍କୁଲ ର ସହକାରୀ ଶିକ୍ଷକ ବିଶ୍ୱଜିତ ବିଶ୍ୱାଳ ସ୍ୱାଗତ ସମ୍ଭାଷଣ ଦେଇଥିବା ବେଳେ ଲିପି ଭୁଏ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ l ପ୍ରଧାନ ଶିକ୍ଷକ ଶ୍ରୀ ଅଶୋକ ଭୋଇ ଙ୍କ ସଭା ର ଉଦ୍ଦେଶ୍ୟ ଜ୍ଞାପନ ପରେ ସ୍କୁଲ କମିଟି ର ସଭାପତି ଶ୍ରୀ ଗଣେଶ ଭୋଇ ତାଙ୍କ ଅଭିଭାଷଣ ରେ ପିଲା ମାନଙ୍କ ପାଇଁ ବିଭିନ୍ନ ପ୍ରତିଯୋଗିତା ଆୟୋଜନ କରିବା ଉପରେ ଗୁରୁତ୍ୱାରୋପ କରିଥିଲେ l ମୁଖ୍ୟ ଅତିଥି ରୂପେ ଘେସ କଲେଜ ର ଅବସର ପ୍ରାପ୍ତ ଅଧ୍ୟକ୍ଷ ଡ଼ ଉଦ୍ଧବ ପାତ୍ର ଓ ମୁଖ୍ୟ ବକ୍ତା ଭାବେ କଟାପାଲି ସ୍ନାତକ ମହାବିଦ୍ୟାଳୟ ର ଓଡ଼ିଆ ଅଧ୍ୟାପକ ଶ୍ରୀ ବିଭୁଦତ୍ତ ପଧାନ ଯୋଗଦେଇ ଇଲା ପଣ୍ଡା ଙ୍କ ସ୍ମୃତି ଚାରଣ କରି ତାଙ୍କର ଆଦର୍ଶ ରେ ଅନୁପ୍ରାଣିତ ହେବା ପାଇଁ ଛାତ୍ର ମାନଙ୍କୁ ପରାମର୍ଶ ଦେଇଥିଲେ l ମୁଖ୍ୟ ଅତିଥି ଡ଼ ପାତ୍ର ସାମାଜିକ କ୍ଷେତ୍ରରେ ଅଗ୍ରଣୀ ଭୂମିକା ନିଭେଇଥିବା ଅନେକ ମହିୟସୀ ନାରୀ ଙ୍କ ଦୃଷ୍ଟାନ୍ତ ଦେଇଥିଲେ l ସମ୍ମାନିତ ଅତିଥି ଭାବେ ଯୋଗ ଦେଇ ଶ୍ରୀ ତରଣୀ ସେନ ବୁଧିଆ, ଅବସର ପ୍ରାପ୍ତ ଇଂରାଜୀ ଶିକ୍ଷକ ଓ ଶ୍ରୀ ପ୍ରଦୀପ ପଣ୍ଡା ଅବସର ପ୍ରାପ୍ତ ଅବକାରୀ ବିଭାଗ ର ଡେପୁଟି ସୁପର ଇନ ଟେଣ୍ଡେଣ୍ଟ ଇଲା ପଣ୍ଡା ଙ୍କୁ ସ୍ମୃତି ନୈବେଦ୍ୟ ଅର୍ପଣ କରିଥିଲେ l ଅନ୍ୟତମ ସମ୍ମାନିତ ଅତିଥି ରୂପେ ଶ୍ରଦ୍ଧା ସୁମନ ଅର୍ପଣ କରିଥିଲେ କଟାପାଲି ସ୍ନାତକ ମହାବିଦ୍ୟାଳୟ ର ଅଧ୍ୟକ୍ଷ ଶ୍ରୀ ବୁଦ୍ଧଦେବ ଭୋଇ  ଏବଂ କବି ଶ୍ରୀ ରୋହିତ ଦାଶ l ଶ୍ରୀ ଦାଶ ଏକ କବିତା ମାଧ୍ୟମ ରେ ପିଲା ଙ୍କୁ ଭଲ ମଣିଷ ହେବା ପାଇଁ ଉଦବୋଧନ ଦେଇ କହିଥିଲେ ବଡ଼ ମଣିଷ ହେବା ପାଇଁ ପ୍ରଥମେ ଭଲ ମଣିଷ ହେବା ଆବଶ୍ୟକ l ଶ୍ରୀ ସୁଧାଂଶୁ ତ୍ରିପାଠୀ ତାଙ୍କ ଦୀର୍ଘ ବକ୍ତବ୍ୟ ରେ ଇଲା ପଣ୍ଡା ଙ୍କ ସ୍ମୃତି ଚାରଣ କରି ସ୍କୁଲ ଓ ସମାଜ ପ୍ରତି ଇଲା ପଣ୍ଡା ଙ୍କ ମହାନ ଅବଦାନ ସମ୍ପର୍କ ରେ ଅବଗତ କରେଇଥିଲେ l କଟାପାଲି ଗ୍ରାମ ପଂଚାୟତ ର ସରପଞ୍ଚ ଶ୍ରୀ ଗଙ୍ଗାଧର ଦାଶ ପିଲା ମାନଂକୁ ଭଲ ପାଠ ପଢି ଇଲା ପଣ୍ଡା ଙ୍କ ପରି ବଡ଼ ମଣିଷ ହେବା ପାଇଁ ପରାମର୍ଶ ଦେଇଥିଲେ l ସଭା କୁ ସଂଯୋଜନା କରିଥିଲେ ସହକାରୀ ଶିକ୍ଷକ ଧୀରେନ୍ଦ୍ର ବିଶ୍ଵାଳ l ଜୟନ୍ତ ସା ଙ୍କ ଧନ୍ୟବାଦ ଅର୍ପଣ ପରେ ସଭା ସମାପ୍ତ ହେଲା lଏହି ଶ୍ରଦ୍ଧାଞ୍ଜଳି ସଭା ରେ ବିଭିନ୍ନ ଅଞ୍ଚଳ ରୁ ଶହ ଶହ  ଛାତ୍ର ଛାତ୍ରୀ ଅଭିଭାବକ, ଗ୍ରାମ ବାସି, ବୁଦ୍ଧିଜୀବୀ ତଥା ଅନେକ ବିଜ୍ଞ ବ୍ୟକ୍ତି ବିଶେଷ ଯୋଗ ଦେଇଥିଲେ l