12-Jan-2025

ପାଟଣାଗଡ଼ (ଦର୍ଶନ ନ୍ୟୁଜ) ଆସନ୍ତାକାଲି ପୌଷ ପୂର୍ଣ୍ଣିମା ଥିବାବେଳେ ସୋମବାର ଥିବା ଯୋଗୁଁ ଆଜି ସାରା ପଶ୍ଚିମ ଓଡ଼ିଶାର ଲୋକେ ପୌଷ ପୂର୍ଣ୍ଣିମା ଉତ୍ସବ ପାଳନ କରାଯାଇଛି। ସମସ୍ତେ ମଜା ମସ୍ତି କରିବାରେ ଲାଗିଥିବାବେଳେ ବଲାଙ୍ଗିର ଜିଲ୍ଲା ବେଲପଡା ବ୍ଳକ ନୁନହାଡ ଗାଁ ଏକ ଅଭାବନୀୟ ଘଟଣା ଘଟିଛି। ସୂଚନା ଅନୁସାରେ ଆଜି ଅପରାହ୍ନ ପ୍ରାୟ ୩ ଟା ବେଳକୁ ଉକ୍ତ ଗ୍ରାମର ଅରୁଣ ଶବର ଙ୍କ ପୁଅ ନିରାକାର (ଗୁଲ୍ଠୁ) କୌଣସି କାରଣରୁ ନୁନହାଡ ଗାଁ ବସଷ୍ଟାଣ୍ଡ ଠାରେ ଥିବା ଏକ ଟାଓ୍ବର ଖୁଣ୍ଟ କୁ ଚଢ଼ିଯାଇ ଥିଲେ।ଭାରସାମ୍ୟ ହରାଇ ତଳେ ପଡ଼ିଯାଇଥିବା ବେଳେ ସେଠାରେ ବେଲ ପଡ଼ା ପୋଲିସ ଓ ଅଗ୍ନିଶମ ବିଭାଗ ପହଞ୍ଚି ବେଲ ପଡ଼ା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଆଣିଥିଲେ। ହେଲେ ସେଠାରେ କର୍ତ୍ତବ୍ୟ ରେ ଥିବା ଡଃ ସୁବ୍ରତ କୁମାର ସାହୁ ତାଙ୍କୁ ମୃତ ଘୋଷଣା କରିଥିଲେ।ଶବ ବ୍ୟବଚ୍ଛେଦ ପରେ ପରିବାର କୁ ଶବ ହସ୍ତାନ୍ତର କରାଯାଇଛି।ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ସମ୍ପୂର୍ଣ୍ଣ ଘଟଣା ପଦାକୁ ଆସିବ ବୋଲି ଜନସାଧାରଣରେ ମତ ପ୍ରକାଶ ପାଇଛି।