10-Jan-2025

ତୁଷୁରା, (ପଞ୍ଚାନନ ନାଏକ)  ବଲାଙ୍ଗୀର ଜିଲ୍ଲାର ତୁଷୁରା ଅବକାରୀ ବିଭାଗକୁ ମିଳିଛି ବଡ ସଫଳତା । ଏକ ଛତିଶଗଡ ନମ୍ବର ଥିବା ଚାରିଚକିଆ ଗାଡ଼ିରେ ରେ ଗଞ୍ଜେଇ ଚୋରା ଚାଲାଣ ହେଉଥିବାବେଳେ ଉକ୍ତ ଗଞ୍ଜେଇ ଗାଡିକୁ ଜବତ କରିବା ସହ ୪୫କେଜି ଗଞ୍ଜେଇ ମିଳିଛି । ବଲାଙ୍ଗୀର ଜିଲ୍ଲା ତୁଷୁରା ଅବକାରୀ ଥାନା ପଲସାପଡା ଗ୍ରାମର ଚୋରା ଗଞ୍ଜେଇ ଚାଲାଣ କରୁଥିବା ବେଳେ ୩ ଜଣ ଗଞ୍ଜେଇ ମାଫିଆ ଧରାପଡ଼ିଛନ୍ତି । ସୂଚନା ଅନୁସାରେ ତୁଷୁରା ଅବକାରୀ ଥାନା ଅନ୍ତର୍ଗତ ଫଲସାପଡା ଗାଁ ରାସ୍ତା ଦେଇ ଗଂଜେଇ ଚାଲାଣ ହେଉଥିବା ଖବର ପାଇ ଉକ୍ତ ଗ୍ରାମର ପ୍ରାଥମିକ ବିଦ୍ୟାଳୟ ପାଖରେ ଏକ ଚାରିଚକିଆ ଗାଡି ନଂ ସିଜି ୦୪ କେ କେପି ୬୩୬୯ ରୁ ୩ଟି ଜରି ବସ୍ତାରେ ଗଂଜେଇ ଥିବା  ଦେଖୁବାକୁ ମିଲିଥିଲା ।  ଗଞ୍ଜେଇ ଚୋରା ଚାଲାଣ ଅଭିଯୋଗ ରେ ଛତିଶଗଡ଼ ରାଜ୍ଯ ଅମଲେଶ୍ବର ଥାନା ଅନ୍ତର୍ଗତ ବଟଙ୍ଗ ଗ୍ରାମର ମର ରାଜେନ୍ଦ୍ର ଚକ୍ର ଧାରୀ(୩୮) ନିୱାଇ ଥାନା ମରୋଡା ଥାନାର ମନୋଜ ସାହୁ( ୨୬) ଓ ତୁଷୁରା ଥାନା କମାସିଂହା ଗ୍ରାମର ରାଜୁ ଭୋଇ (୨୪)କୁ ଗିରଫ କରାଯାଇଥିବା ସହ କାରକୁ ଜବତ କରାଯାଇଛି । ଏନେଇ ଅବକାରୀ ବିଭାଗ ପକ୍ଷରୁ ଏକ ମାମଲା ରୁଜୁ କରାଯାଇ ଗଞ୍ଜେଇ  ଚାଲାଣ ଅଭିଯୋଗରେ ଅଭିଯୁକ୍ତ ମାନଙ୍କୁ ଗିରଫ କରି କୋର୍ଟଚାଲାଣ କରାଯାଇଛି । ଅଭିଯୁକ୍ତଙ୍କ ଜାମିନ ନାମଞ୍ଜୁର ହେବାରୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଏହି ଚଢଉରେ ଅବକାରୀ ଅଧିକାରୀ ଶ୍ରୀକାନ୍ତ ପାଣିଗ୍ରାହୀ, ଏଏସଆଇ ପୃଥ୍ବୀରାଜ କୁଅଁର, କନଷ୍ଟେବଳ ବିଭୂତି ଭୁଷଣ ଭୋଇ, ଭୋଜରାଜ ବଢ଼େଇ, ସୁନେଲି ପ୍ରଧାନ ପ୍ରମୁଖ ସାମିଲ ଥିଲେ ।