27-Dec-2024

ବଲାଙ୍ଗିର (ପ୍ରେରଣା ଖବର): ଆଜି ସ୍ଥାନୀୟ କୋଶଲ କଳାମଣ୍ଡଲଠାରେ ୧୬ତମ ମଠଖାଇ ମହୋତ୍ସବର ଶୁଭ ସ୍ଥମ୍ଭ ସ୍ଥାପନ କରାହୋଇଛି |

ଏହି ଉପଲକ୍ଷେ ଭୂମିକା ତଥା ମଠଖାଇ ମହୋତ୍ସବର ବରିଷ୍ଠ ସଭ୍ୟ ରୁଦ୍ରଦେବ ପ୍ରଧାନ, ମହେନ୍ଦ୍ର ମଲ୍ଲିକ, ରାଜକିଶୋର ମିଶ୍ର, ଚିତ୍ତରଞ୍ଜନ ଦାଶ, ବୀରେନ୍ଦ୍ର ବନଛୋର, ଧର୍ମେନ୍ଦ୍ର ନନ୍ଦ, କୃଷ୍ଣ ମହାପାତ୍ର, ସୋମ ନାୟକ ପ୍ରମୁଖ ଉପସ୍ଥିତ ଥିଲେ | ପ୍ରକାଶ ଥାଉକି, ଏହି ସର୍ବଭାରତୀୟ ନାଟ୍ୟ ମହୋତ୍ସବ ଆସନ୍ତା ୫ ଜାନୁୟାରୀରୁ ୯ ଜାନୁୟାରୀ ୨୦୨୫ ପର୍ଯ୍ୟନ୍ତ କୋଶଲ କଲମଣ୍ଡଳଠାରେ ଅନୁଷ୍ଠିତ ହେବ l ୫ ଦିନବ୍ୟାପି ଏହି ସର୍ବଭାରତୀୟ ନାଟକ ମହୋତ୍ସବରେ ଦୁଇଟି କୋଶଲି ନାଟକ, ଦୁଇଟି ହିନ୍ଦୀ ନାଟକ ଓ ଗୋଟିଏ ଓଡ଼ିଆ ନାଟକ ସହିତ ୫ଟି ସାଂସ୍କୃତିକ ନୃତ୍ୟ ମଧ୍ୟ ପ୍ରଦର୍ଶିତ ହେବ । ପ୍ରଥମଦିନ ପଥ ମହୋତ୍ସବରେ ୭ଟି ସାଂକୃତିକ ଦଳ ସହରର ବିଭିନ୍ନ ସ୍ଥାନରେ ନିଜର ନୃତ୍ୟ ଓ କଳା ପ୍ରଦର୍ଶନ କରିବେ ।