27-Dec-2024

ବଲାଙ୍ଗୀର- ପୁଇଁତଳା ବ୍ଲକ ଅଧିନରେ ନିୟୋଜିତ ଥିବା ପାଚିକା ଓ ସହାୟିକାଙ୍କ ଦକ୍ଷତା ବୃଦ୍ଧି ନିମନ୍ତେ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ୨୪,୨୬ ଓ ୨୭ତାରିଖ  ତିନି ଦିନ ଧରି ପ୍ରଶିକ୍ଷଣ ଶିବିର ଗଇଁତଳା ଉନ୍ନୀତ ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି ୲ ବ୍ଳକ ଶିକ୍ଷାଧିକାରୀ ଲୋକନାଥ ସୁନା ମୁଖ୍ଯ ଅତିଥି ଭାବେ ଯୋଗଦେଇ ଏହି କାର୍ଯ୍ଯକ୍ରମ କୁ ଉଦଘାଟନ କରିଥିଲେ । ଶିବିର ରେ ପରିଷ୍କାର ପରିଚ୍ଛନ୍ନତା, ପୁଷ୍ଟି ଉଦ୍ଯାନ, ହାତ ଧୁଆ କୌଶଳ,  ମଧ୍ଯାହ୍ନ ଭୋଜନ ରୋଷେଇ ପ୍ରଣାଳୀ,ଖାଦ୍ୟର ପୋଷକ ତତ୍ତ୍ବ ବିଷୟରେ ଆଲୋଚନା ମାଧ୍ଯମରେ ତାଲିମ ଦିଆଯାଇଥିଲା । ପ୍ରତ୍ଯେକ ପାଚିକା ଓ ସହାୟିକାମାନଙ୍କୁ ଆପ୍ରନ ଯୋଗାଇ ଦିଆଯାଇଥିଲା । ଏହି ପ୍ରଶିକ୍ଷଣ ଶିବିର ରେ ମଧ୍ଯାହ୍ନ ଭୋଜନ ର ଡାଟା ଏଣ୍ଟ୍ରି ଅପରେଟର ବାଗଦତ୍ତା ମିଶ୍ର କଂ ସମେତ  ତାଲିମ ଦାତା ଭାବେ ରଞ୍ଜିତ ମିଶ୍ର ଓ ପ୍ରମୋଦ ପଟେଲ ଯୋଗ ଦେଇଥିଲେ। ନିରୀକ୍ଷକ ଭାବେ ଲଛମନ ପଧାନ,ନୀଳମଣି ପଣ୍ଡା ଓ ଗୋପାଳ ବୁଡେକ ଯୋଗ ଦେଇଥିଲେ । କ୍ଲଷ୍ଟର ର  ମୋଟ ୩୦୫ ଜଣ ପାଚିକା ଓ  ସହାୟିକା ଯୋଗ ଦେଇଥିଲେ । ସେମାନଙ୍କ ମଧ୍ଯରେ ବିଭିନ୍ନ ପ୍ରକାର ଖାଦ୍ୟକୁ ନେଇ ରନ୍ଧନ ପ୍ରତିଯୋଗିତା କରାଯାଇଥିଲା । ଶେଷରେ ସମସ୍ତ ପ୍ରଶିକ୍ଷାର୍ଥୀଙ୍କୁ ମାନପତ୍ର ପ୍ରଦାନ କରାଯାଇଥିଲା ।