27-Dec-2024

(ସୁଦାମ ଦୀପ )
 ବରଗଡ଼ ଜିଲ୍ଲା ବରପାଲି ମହାବିଦ୍ୟାଳୟର ସମ୍ମିଲନି କକ୍ଷ ଠାରେ ସୁବର୍ଣ୍ଣ ଜୟନ୍ତୀ  ପାଳନ କରିବା ନିମନ୍ତେ ସାମ୍ବାଦିକ ସମ୍ମିଲନି ଅନୁଷ୍ଠିତ ହୋଇଯାଇଛି । ତିନିଦିନ ବ୍ୟାପି ମହାସମାରୋହରେ ଅଂଚଳର ବିଶିଷ୍ଟ ବ୍ୟକ୍ତିତ୍ବ ମାନଙ୍କୁ ସମ୍ବଦ୍ଧିତ କରିବାର କାର୍ଯ୍ୟକ୍ରମ ସାଂସ୍କୃତିକ କାର୍ଯ୍ୟକ୍ରମ ନାଟକ ତଥା ମନୋରଞ୍ଜନ କାର୍ଯ୍ୟକ୍ରମ ପରିବେଶିତ ହେବ ବୋଲି କମିଟିର ସଭାପତି ଡ. ରବିନ୍ଦ୍ର ଗଡତିଆ ସୂଚନା ଦେଇଛନ୍ତି ।
ଆସନ୍ତା ୨୮ ତାରିଖ ବିଜେପୁର ବିଧାୟକ ସନତ ଗଡତିଆ, ଆଇ ଆଇ ଏମ୍ ସମ୍ବଲପୁରର ନିର୍ଦ୍ଦେଶକ ପ୍ରଫେସର ଡ. ମହାଦେବ ଜଓ୍ୱାଲ, ଡ. ପ୍ରଭାସ ସିଂ ପୂର୍ବତନ ସାଂସଦ, ବରଗଡ ଲୋକସଭା ରୀତା ସାହୁ, ପୁର୍ବତନ ମନ୍ତ୍ରୀ ଯୋଦେବାର କାର୍ଯ୍ୟକ୍ରମ ରହିଥ‌ିବା ବେଲେ ଛାତ୍ରଛାତ୍ରୀ ମାନଙ୍କ ଦ୍ବାରା ନାଟକ ପ୍ରଦର୍ଶିତ ହେବ । ଦ୍ଵିତୀୟ ଦିନ ବରଗଡ ଲୋକସଭା ସାଂସଦ ପ୍ରଦିପ ପୁରୋହିଦ, ଡ. ବିଧୁଭୂଷଣ ମିଶ୍ର, କୁଳପତି ସମ୍ବଲପୁର ବିଶ୍ଵବିଦ୍ୟାଳୟ, ଡ. ନୃପରାଜ ସାହୁ, କୂଳସଚିବ ସମ୍ବଳପୁର ବିଶ୍ବବିଦ୍ୟାଳୟ, ପ୍ରଶନ୍ନ କୁମାର ପାଣ୍ଡେ, ଉପ ଜିଲ୍ଲାପାଳ, ବରଗଡ ଏବଂ ଦେବେଶ ଆଚାର୍ଯ୍ୟ, ସୁଶାନ୍ତ ସିଂ, ସ୍ନେହାଙ୍ଗିନି ଛୁରିଆ ଯୋଗଦେବାର କାର୍ଯ୍ୟକ୍ରମ ରହିଛି । ଏହି ପରିପେକ୍ଷିରେ କ୍ରିଷ୍ଣା ଗ୍ରୁପ୍, ବଲାଙ୍ଗିର ଓ କଳାଜିବି, ବରଗଡ ତରଫରୁ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ । ଅନ୍ତିମ ଦିନରେ ଡ. ଏନ୍ ନାଗାରାଜୁ, କୁଳପତି ଗଙ୍ଗାଧର ମେହେର ବିଶ୍ବବିଦ୍ୟାଳୟ, ଡ. ଉମାଚରଣ ପତି, କୁଳସଚିବ ଗଙ୍ଗାଧର ମେହେର ବିଶ୍ବବିଦ୍ୟାଳୟ, ଡ. ସୁକୁମାର ମିଶ୍ର, ନିର୍ଦ୍ଦେଶକ ଆଇ ଆଇ ଟି ଧନବାଦ, ଡ. କ୍ଷମାନିସ୍ ଅଦାବର, କେନ୍ଦ୍ରିୟ ବିଶ୍ବବିଦ୍ୟାଳୟ ଗାନ୍ଧିନଗର ତଥା ବରଗଡ ବିଧାୟକ ଅଶ୍ବିନୀ ଷଡଙ୍ଗୀ, ଅତାବିରା ବିଧାୟକ ନିହାର ମହାନନ୍ଦ, ଭଟଲୀ ବିଧାୟକ ଇରାସିସ ଆଚାର୍ଯ୍ୟ ଏବଂ ପଦ୍ମପୁର ବିଧାୟିକା ବର୍ଷା ସିଂ ବରିହା ଯୋଗ ଦେବାର କାର୍ଯ୍ୟକ୍ରମ ରହିଛି ବୋଲି କମିଟିର ଡ. ସରୋଜ ଦାଶ ସୂଚନା ଦେଇଛନ୍ତି । ଏହି ସାମ୍ବାଦିକ ସମ୍ମିଲନିରେ ସୁବଳ ମେହେର, କମିଟିର ସମ୍ପାଦକ, ବରପାଲି ମହାବିଦ୍ୟାଳୟ ପୂର୍ବତନ ଛାତ୍ର ସଂସଦ ସଭାପତି ପ୍ରଦ୍ୟୁମ୍ନ ତ୍ରିପାଠୀ, ମହାବିଦ୍ୟାଳୟର ଅଧ୍ୟକ୍ଷା ଜୟନ୍ତି ଦାଶ, ତେଜରାଯ ଭୋଇ, ସୁଦାମ ସାହୁ ଉପସ୍ଥିତ ଥିଲେ ।