22-Dec-2024

ଲୋଇସିଂହା, (ପ୍ରେରଣା ଖବର) ଭାରତ ସମ୍ବିଧାନ ପ୍ରଣେତା ଡ଼. ଭୀମରାଓ ଆମ୍ବେଦକର ଙ୍କ ପ୍ରତି କେନ୍ଦ୍ର ଓ ଗୃହମନ୍ତ୍ରୀ ଅମିତ ସାହା ଅପମାନ ସୂଚକ ମନ୍ତବ୍ୟ ପ୍ରଦାନ ବିରୁଦ୍ଧରେ ରାଜ ରାସ୍ତାକୁ ଓଲ୍ହାଇଛି ଲୋଇସିଂହା ଯୁବ କଂଗ୍ରେସ l ଲୋଇସିଂହା ବ୍ଲକ ଛକ ଠାରେ ଯୁବ କଂଗ୍ରେସ ର କର୍ମୀମାନେ ବିକ୍ଷୋଭ ପ୍ରଦର୍ଶନ କରିବା ସହ ତାଙ୍କ କୁଶ ପୁତୁଳିକା ଦାହ କରିଥିଲେ l ଯାହାକୁ ଲୋଇସିଂହା ରାଜନୀତି ରେ ସରଗରମ ଦେଖିବାକୁ ମିଳିଛି l ଏହାର ଜବାବ ତଥା ପ୍ରତିଶୋଧ ନେବାକୁ ଯାଇ ଆଜି ସକାଳେ ବ୍ଲକ ଛକ ସମ୍ମୁଖରେ ଅମିତ ଶାହ ଙ୍କ ଇସ୍ତଫା ଦାବୀ କରି ବିରୋଧୀ କଂଗ୍ରେସ କର୍ମୀ ଶାହ ଙ୍କ କୁଶପୁତ୍ତଳିକା ଦାହ କରିବା ସହ ବ୍ୟାନର ଓ ପୋଷ୍ଟର ଧରି ବିଜେପି ବିରୁଦ୍ଧରେ ଭାଷଣବାଜି କରିଥିଲେ l ଅମିତ ଶାହ ଙ୍କ ଅପମାନ ସୂଚକ ମନ୍ତବ୍ୟ ଦଳିତ ସମ୍ପ୍ରଦାୟ ଓ ଆଦିବାସୀ ମାନଙ୍କୁ ଅପମାନ କରିଛି ବୋଲି ଜିଲ୍ଲା ଯୁବ କଂଗ୍ରେସ ସଭାପତି ଅଙ୍କିତ ସାହୁ ଅଭିଯୋଗ କରିଛନ୍ତି l ଉକ୍ତ କାର୍ଯ୍ୟକ୍ରମ ରେ ଲୋଇସିଂହା ଯୁବ କଂଗ୍ରେସ ସଭାପତି ସଂଜୀବ ନାଗ, ଆକାଶ ବାରିକ, ସୁଶାନ୍ତ ନାଗ ସମେତ କଂଗ୍ରେସ ର ଅନ୍ୟାନ୍ୟ ଯୁବ କଂଗ୍ରେସ କର୍ମୀ ଉପସ୍ଥିତ ଥିଲେ l