14-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ପଡ଼ା ଗ୍ରାମରେ ମହାଲକ୍ଷ୍ମୀ ପୂଜା ଅବସରରେ ଅଖିଳ ଭାରତୀୟ ଭୁଲିଆ ଯୁବ ସମାଜ ଓ ମହାଲକ୍ଷ୍ମୀ ପୂଜା କମିଟି ପଡ଼ା ର  ମିଳିତ ଆନୁକୁଲ୍ୟରେ ସ୍ୱେଚ୍ଛାକୃତ ରକ୍ତଦାନ ଶିବିର ଓ ସ୍ଵାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି । ଏହି ଅବସରରେ ବିଜେପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧିକାରୀ  ଡ଼ ସୁଶାନ୍ତ କୁମାର ମେହେର ମୁଖ୍ୟ ଅତିଥି ଭାବେ ଯୋଗଦେଇ ଶିବିରକୁ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବେ ବିଜେପୁର ବ୍ଲକ ଭୁଲିଆ ସମାଜ ସଭାପତି ହୃଷୀକେଶ ମେହେର ,ସମ୍ପାଦକ ଜିତେନ୍ଦ୍ର ମେହେର , ଅମୃତ ଧାରା ନର୍ସିଂ ହୋମ ଅଧ୍ୟକ୍ଷ ଯୋଶବନ୍ତ ମେହେର ଏବଂ ଡ.ରୋଜାଲିନ ମେହେର,ବେହେରା ବଜାର କମିଟି ସଭାପତି ଅଯୋଧ୍ୟା ମେହେର , ଲକ୍ଷ୍ମୀପୂଜା କମିଟି ସଭାପତି ନେତ୍ରାନନ୍ଦ ମେହେର ଯୋଗଦାନ କରି ଆୟୋଜକ ମାନଙ୍କୁ ଉତ୍ସାହିତ କରିଥିଲେ। ପ୍ରଥମ ରକ୍ତଦାତା  ଭାବେ ରାଜେଶ ମେହେର ,ଶାନ୍ତନୁ କୁମାର ମିଶ୍ର ରକ୍ତଦାନ କରିଥିବା ବେଳେ ସର୍ବମୋଟ ୩୩ ୟୁନିଟ ରକ୍ତ ସଂଗୃହୀତ ହୋଇଥିଲା। ସ୍ଵାସ୍ଥ୍ୟ ଶିବିର ଅମୃତଧାରା ନର୍ସିଂ ହୋମ ଓ ବିଜେପୁର ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଟିମ ଙ୍କ ସହଯୋଗ ରେ ଅନୁଷ୍ଠିତ ହୋଇଥିଲା ।ରୋଗୀଙ୍କ  ମାଗଣା ସ୍ଵାସ୍ଥ୍ୟ ପରୀକ୍ଷା ସହ ମାଗଣା ଔଷଧ ବିତରଣ କରାଯାଇଛି । ଡ.  ଦଳଗଞ୍ଜନ ସୁନା ମେମୋରିଆଲ ଟ୍ରଷ୍ଟ ପକ୍ଷରୁ ମାଗଣାରେ ଚକ୍ଷୁ ପରୀକ୍ଷା ମଧ୍ୟ କରାଯାଇଛି। ଏହି  କାର୍ଯ୍ୟକ୍ରମକୁ ଅଖିଳ ଭୁଲିଆ ଯୁବ ସମାଜର ସଭାପତି  ଅତୁଲ ରଞ୍ଜନ ମେହେର ,ସହ ସମ୍ପାଦକ ଶେଷଦେବ ମେହେର ,ସମୀର ମେହେର ,କୋଷାଧ୍ୟକ୍ଷ ରାଜେଶ ମେହେର ପରିଚାଳନା କରିଥିବା ବେଳେ ସ୍ବାସ୍ଥ୍ୟ ଶିବିର ରେ ଅମୃତଧାରା ନର୍ସିଂ ହୋମ ବିଜେପୁରର ସମସ୍ତ କର୍ମଚାରୀ ମାନେ ସହଯୋଗ କରିଥିଲେ ।