10-Dec-2024

ବେଲପଡା:(ନିରଞ୍ଜନ ତ୍ରିପାଠୀ)-ବଲାଙ୍ଗିର ଜିଲ୍ଲା ବେଲପଡ଼ା ବ୍ଲକ ମଣ୍ଡଳ ଗ୍ରାମର କୋଶଳୀ କବି ଶ୍ରୀ - ଆଶୁତୋଷ ଠାକୁରଙ୍କୁ ଗତ ୮ତାରିଖ ରବିବାର ନୂଆପଡ଼ା ଜିଲ୍ଲାର ରିଜର୍ଭ ପୋଲିସ୍ ପଡିଆ ଠାରେ ଅନୁଷ୍ଠିତ କୋଶଳୀ ସାଂସ୍କୃତିକ ମହୋତ୍ସବରେ ସମ୍ମାନିତ କରାଯାଇଛି l ଏହି ଅବସରରେ ଅନୁଷ୍ଠାନର ମୁଖିଆ ସୁରଜିତ ସିଂ ମହାରଥୀ ଙ୍କ ସଭାପତିତ୍ବରେ ଅନୁଷ୍ଠିତ କାର୍ଯକ୍ରମରେ ଜିଲ୍ଲା ତଥା ରାଜ୍ୟର ବିଭିନ୍ନ ଜିଲ୍ଲାରୁ କବି,ଲେଖକ, ଗାଲ୍ପିକ ମାନେ ଯୋଗଦେଇ  ନିଜ ନିଜ ସ୍ବରଚିତ କବିତା ପାଠ କରିଥିଲେ । ମଣ୍ଡଳ ଗ୍ରାମର ଯୁବକବି ଶ୍ରୀ- ଆଶୁତୋଷ ଠାକୁରଙ୍କ ସ୍ବରଚିତ କୋଶଳୀ କବିତା ସଂକଳନ, "ଦେଖ ଦୁନିଆର ଚଳନ୍" କୁ ଅତିଥି ଗଣ ଉନ୍ମୋଚିତ କରିଥିଲେ ।ଉକ୍ତ କବିତା ପୁସ୍ତକରେ ଅଞ୍ଚଳର ପର୍ବ ପର୍ବାଣୀ କଳା ସାଂସ୍କୃତିକ ବିଷୟରେ ୧୪୮ ଟି କବିତା ସ୍ଥାନ ପାଇଛି । କବିତା ପୁସ୍ତକକୁ ରଚୟିତା ଶ୍ରୀ ଠାକୁରଙ୍କ ଉପସ୍ଥିତିରେ ଅତିଥି ସୁରଜିତ ସିଂ ମହାରଥୀ, ଲାଳଚନ୍ଦ ବଗର୍ତ୍ତି,ବ୍ରଜ ମୋହନ ମେହେର,ଅଧ୍ୟାପକ ବିନୟ କୁମାର ଦାସ,ରମାକାନ୍ତ ସାହାଣୀ,ଜୟକୃଷ୍ଣ ମେହେର,ମଧୁସୂଦନ ଦାସ,ଧରମ ସିଂହ ଧରୁଆ,ଧବେନ୍ଦ୍ର ଶତପଥୀ, ପୁସ୍ତମ ଜୁଆଡି ଉନ୍ମୋଚିତ କରି କୋଶଳୀ ସାହିତ୍ୟ ଉପରେ ଅନେକ ଦିଗରୁ ଆଲୋଚନା ହୋଇଥିଲା ! କୋଶଳାଞ୍ଚଳର ବିଭିନ୍ନ ପୂଜା, ପରମ୍ପରା,କଳା, ସଂସ୍କୃତିର ପ୍ରଚାର ଓ ପ୍ରସାର ପାଇଁ କବି ଏହି ପୁସ୍ତକ ରେ ଏକ ନୂଆଁ ଅଧ୍ୟାୟ ସୃଷ୍ଟି କରି ପାରିଛନ୍ତି।  ପୁସ୍ତକରେ ଭୋଟ ବିଚାର, ଏଭର୍ ଜୁହାର,,ଚାହା, ପାନ୍,ଖଡା ଆମିଲ,ଫଟୁ,ଆମର ସିଘା ତିହାର ନୁଆଁଖାଇ,ତିନ୍ ତୁଣର କଥା, ଫଗୁନ୍ ପୁନି, ଚଷା ର ଦରଦ ,ବଫେଇ ଖାନା,ପରୁହା ଅଷ୍ଟମୀ, ହାଟ,ଗଣତନ୍ତ୍ର ନିହି ଭୋଟ ,ସମିଆଁ,ହଁସି,ଶୀତ, ବଏଠା,ଏନ୍ତା ବି ହେବା,ମାଁ ର ପନତ , ଏଭଳି ଅନେକ କବିତା ରେ ସମାଜକୁ ଏକ ଦିଗ ଦର୍ଶନ ଦେବା ପାଇଁ ଚେଷ୍ଟା କରିଛନ୍ତି ।ଏ ଅବସର ରେ କବିଙ୍କୁ ଅନେକ ମହଲରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି।ତାଙ୍କ ପ୍ରତିକ୍ରିୟା ରେ କବି ଆଶୁତୋଷ ଏହି ପୁସ୍ତକର ଶ୍ରେୟ ସ୍ବର୍ଗତ ନିଜ ପିତା ମାତା ଓ ମାଁ ବାଗ ଦେବୀ ସରସ୍ୱତୀଙ୍କୁ ହିଁ ପ୍ରଦାନ କରିଛନ୍ତି