09-Dec-2024

ବୀରମହାରାଜପୁର,(ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବହଳପଦର ପଞ୍ଚାୟତ ସଭାଗୃହ ରେ ପଞ୍ଚାୟତସ୍ତରୀୟ ଅଭିଯୋଗ ଶୁଣାଣି ଶିବିର ସୋମବାର  ଅନୁଷ୍ଠିତ ହୋଇଯାଇଛି l ସ୍ଥାନୀୟ ସରପଞ୍ଚ ନିରୁପମା ସେଠୀ ଙ୍କ ଅଧକ୍ଷତାରେ ଅନୁଷ୍ଠିତ ଶିବିରରେ ଗୋଷ୍ଠୀ ଉନ୍ନୟନ ଅଧିକାରୀ ସୁଶ୍ରୀ ପ୍ରିୟଦର୍ଶିନୀ ମିର୍ଦ୍ଧା, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ପୁରୁଷୋତ୍ତମ ଧରୁଆ,ଏଇଇ ପାଳ ବାବୁ,ପିଇଓ ସୋମ୍ୟରଞ୍ଜନ ପଣ୍ଡା, ହରିହର ଯୋର ଫାଣ୍ଡି ଅଧିକାରୀ ବିଭୂଭୂଷଣ ବରାଳ, ସମିତିସଭ୍ୟା ସୁଗନ୍ଧା ଘିବିଲା,ଏଗ୍ରିକଲ୍ଟର, ହୋଲ୍ଟିକଲ୍ଟର,ଶିକ୍ଷାବିଭାଗ, ଯୋଗାଣ ବିଭାଗ ର ଅଧିକାରୀ ଯୋଗଦେଇ ଲୋକଙ୍କ ବିଭିନ୍ନ ଅଭିଯୋଗ ଶୁଣିଥିଲେ l ଏହା ବ୍ଲକ ର ଉପାନ୍ତ ଅଞ୍ଚଳ ପଞ୍ଚାୟତରେ ଅଭିଯୋଗ ଶୁଣାଣି ଶିବିର ହୋଇଥିବାରୁ ଲୋକଙ୍କୁ ମଧ୍ୟ ଖବର ଦିଆହୋଇନଥିବା ବେଳେ ଗଣମାଧ୍ୟମକୁ ମଧ୍ୟ ଖବର ଦିଆହୋଇନଥିଲା l ବୀରମହାରାଜପୁର ତହସିଲଦାର ମଧ୍ୟ ଅନୁପସ୍ଥିତ ଥିଲେ ଏନେଇ ବହଳପଦର ପଞ୍ଚାୟତ ପିଇଓ ସୋମ୍ୟରଞ୍ଜନ ପଣ୍ଡା ଙ୍କୁ ପଚାରିବାରୁ ମୁଁ ନୁଆଁ ଆସିଛି ସରପଞ୍ଚଙ୍କୁ ଗଣମାଧ୍ୟମ କୁ କହିବା ପାଇଁ କହିଥିଲି ବୋଲି କହିଛନ୍ତି l ଯେତେ ଲୋକ ଜାଣିପାରିଛନ୍ତି ଶିବିରକୁ ଯାଇ ଅଭିଯୋଗ ଦେଇଛନ୍ତି l ଏଥିରେ ସମୁଦାୟ ୧୧୦ ଟି ଅଭିଯୋଗ ପୁଞ୍ଜିକରଣ ହୋଇଥିଲା। ସେଥି ମଧ୍ୟରୁ ୩ ଟି ଗ୍ରାମ୍ୟ ଗୋଷ୍ଠୀ ଅଭିଯୋଗ ଥିଲା l କାର୍ଯ୍ୟକ୍ରମ ରେ ଗ୍ରାମ ରୋଜଗାର ସେବକ ପପୁନ ପଧାନ, ସୀତାରାମ ରାଜହଂସ, ଗୋପାଳ ସେଠୀ,କାଳିଆ ଘିବିଲା, ସଦାନନ୍ଦ ସେଠୀ, ଗୃହରକ୍ଷୀ ଦୀନବନ୍ଧୁ ସାହୁ ଓ କୁଶ ଖେତୀ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ l